កំពង់ធំៈ យុវជនស្ម័គ្រចិត្តចំនួន២៥០ នាក់ បានសម្រេចចិត្ត ដាក់ពាក្យប្រឡង ចូលក្របខ័ណ្ឌកងយោធពលខេមរភូមិន្ទ ដើម្បីរួមចំណែក ការពារជាតិមាតុភូមិ និងបំរើសង្គមជាតិ ដែលជាការបន្តវេន ពីលោកពូ លោកអុំ ដែលជារៀមច្បង នៃកងយោធពលខេមរភូមិន្ទ ក្នុងនាមជាយុវជនខ្មែរ មានឆន្ទះស្រឡាញ់ប្រទេសជាតិ ស្រឡាញ់ទឹកដី ដើម្បីរួមគ្នាអភិវឌ្ឍន៍ឲ្យប្រទេសជាតិមានភាពរីចំរើន ។
ឧត្តមសេនីយ៍ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានសំណេះសំណាលជាមួយ និង យុវជន និសិត្សស្ម័គ្រចិត្ត ចំនួន២៥០នាក់ ដែលបាន ដែលបានដាក់ពាក្យប្រឡងចូលក្របខ័ណ្ឌកងយោធពលខេមរភូមិន្ទ ក្នុងនោះមានស្រីចំនួន ១២៣ នាក់ ដែល ត្រូវបានប្រគល់សាលាកប័ត្រ ដើម្បីត្រៀមទៅចូលរួមប្រឡងនៅមណ្ឌលខេត្តសៀមរាប នៅថ្ងៃទី២៤ ខែ ធ្នូ ឆ្នាំ ២០១៧ ខាងមុខនេះ និងពីធំសំណេះសំណាលនេះ ត្រូវបាបធ្វើឡើងនៅ ព្រឹកថ្ងៃសៅរ៍ទី១៦ ខែធ្នូ ឆ្នាំ ២០១៧ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការរដ្ឋានតំបន់ប្រតិបត្តិការសឹករងកំពង់ធំ បានធ្វើការកោតសរសើរ ដល់យុវជនប្រឡងចូលក្របខ័ណ្ឌកងយោធពលខេមរភូមិន្ទ ក្នុងនោះ មានបេក្ខជនជា នាយទាហានសកម្មចំនួន៦៦ នាក់ នាយទាហានបន្តវេនចំនួន ៥៧ នាក់ នាយទាហានជើងគោកចំនួន ១១២ នាក់ និងជានាយទាហានបច្ចេកទេសចំនួន១៥ នាក់ ។
អគុណចំពោះស្មារតីស្នេហាជាតិរបស់ក្មួយៗ រួមគ្នាអភិវឌ្ឍន៍សង្គមជាតិ ឲ្យមានការរីកចម្រើន ក្រោមការដឹកនាំប្រកបដោយកិតិបណ្ឌឹត សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្វើឲ្យប្រទេសជាតិ កំពុងមានសន្តិភាព និងការអភិវឌ្ឍន៍ និងផ្តាំផ្ញើរដល់ក្មួយចំនួន៣ចំនុច ទី១ កងទ័ពសំខាន់បំផុតគឺវិន័យសាលា ត្រូវតែអនុវត្តឲ្យបាន ទី២ គឺត្រូវអត់ធ្មត់តស៊ូ ហាត់ពត់ឡុតដំខ្លួន ក្នុងទីលានហ្វឹកហាត់ ដូចពាក្យ ស្លោកនិយាយថា ស៊ូបង្ហូរញើសក្នុងទីលានហ្វឹកហាត់ កាត់បន្ថយការបង្ហូរឈាមមើលទីលានសមរភូមិ ទី៣ សូមសាមគ្គីឯកភាពគ្នា ចេះជួយគ្នាទៅវិញទៅមក ចេះស្រឡាញ់គ្នា ក្នុងនាមជាអ្នកភូមិជាមួយគ្នា អ្នកស្រុក ជាំមួយគ្នា និងខ្មែរដូចគ្នា ជាទំពាំងស្នងឬស្សីដូចគ្នា ត្រូវស្រឡាញ់គ្នាដូចបងដូចប្អូន មិនខុសពីពាក្យថា នៅផ្ទះ ម្តាយទីទៃ មកព្រៃតែមួយនោះទេ។
ដោយ ប៊ុន រដ្ឋា 
