កំពង់ធំៈ ឯកឧត្តម គង់ វិមាន អភិបាលរងខេត្តកំពង់ធំ កាកសំណល់អាវុធជាតិផ្ទុះ នៅលើទឹកដីនៃប្រទេសកម្ពុជា រាប់ចាប់តាំងពីសម័យសង្រ្គាមលោកលើទី២ សង្រ្គាមជំនាន់ លន់ ណុល និងសង្រ្គាមសម័យខ្មែរក្រហម បានបន្សល់ កាកសំណល់ជាច្រើនរាប់ម៉ឺនតោន នៅលើផ្ទៃ ប្រទេស កាកសំណល់ទាំងនេះបានធ្វើឲ្យប្រជាពលរដ្ឋខ្មែរ ដែលរស់នៅក្នុងព្រៃ និងតាមជនបទ និងនៅក្នុងទីប្រជុំជន មួយចំនួនប្រឈមនឹងគ្រោះថ្នាក់ដោយធ្ន់ធ្ងរ ជាពិសេសក្មេងសម័យក្រោយ ពុំដែលស្គាល់កាកសំណល់ទាំងនេះ អាចនិងទទួលរងនិងគ្រោះថ្នាក់បាន ។
ប្រសាសន៏នេះ ត្រូវបានឯកឧត្តម គង់ វិមាន ជាអធិបតី ថែ្លងនៅក្នុងពិធី បើកវគ្គបណ្តុះបណ្តាល ការលើកកម្ពស់តួនាទី ភារកិច្ចក្នុងកិច្ចសហការ សកម្មភាពសម្អាតមីន និង និងកាកសំណល់អាវុធជាតិផ្ទះ អមដោយ លោកឧត្តមសេនីយ៍ត្រី អ៊ុក កុសល់ ស្នងការ នៃស្នងការនគរបាល ខេត្តកំពង់ធំ និង លោក ញ៉េប សែប អនុប្រធាននាយកកដ្ឋានកំចាត់មឺន នៅស្នងការនគរបាកខេត្តកំពង់ធំ ព្រឹកថ្ងៃទី ១៨ ខែ ធ្នូ ឆ្នាំ ២០១៧។
លោក ញ៉េប សែប អនុប្រធាននាយកដ្ឋាន មណ្ឌលកំចាត់មីនកម្ពុជា បានមានប្រសាស៍ថា កំលាំងទាំងអស់ត្រូវបានចែកចេញជា៥ មានក្រុមគ្រឿងចក្រកាត់គុម្ពោធព្រៃ ក្រុមបោសសម្អាតមីន សហគមចំនួន៣ក្រុមកណ្តុំរមីន ក្រុមឃនក និងក្រុមកំទេចគ្រឿផ្ទុះ លទ្ធផលការងារក្នុងឆ្នាំ ២០១៧កងឯកភាពកំចាត់មីនទី៤ បោសសម្អាតបានផ្ទៃដី ១៧ហិចតាមីន ស្មើរនឹង ១០០០ហិចតា រកឃើញគ្រាប់មីន១៣៣គ្រាប់ និងគ្រាប់យុត្តិភ័ណ្ទមិនទាន់ផ្ទុះគ្រប់ ប្រទេស ២០៣៩គ្រាប់ អំបែង៤៣៩៩៥ដុំ និងបានធ្វើអន្តរាគមនជូនប្រជាពលរដ្ឋ ៤០៤លើក ដោយឡែកនៅខេត្តកំពង់ធំនេះ និងដាក់កម្លាំង៣ក្រុម ស្នើរនឹង៣៣នាក់ ចាប់ពង្រាយប្រតិបត្តិការនៅត្រីមាសទី១ ដើមឆ្នាំ ២០១៨ កនុងស្រុកកំពង់ស្វាយ និងស្រុកសន្ទុក សុំឲ្យមានការសហការគ្នាជាមួយអាជ្ញាធរ ដើម្បីភូមិឃុំ សុវត្តិភាព ។
លោកឧត្តមសេនីយ៍ត្រី អ៊ុក កុសល់ ស្នងការនគរបាលខេត្តកំពង់ធំ បានមានប្រសាស៍ថាក្នុងឆ្នាំ ២០១៧នេះ សភាពការគ្រោះថ្នាក់ដោយមីន គឺពុំមានជនណាម្នាក់គ្រោះថ្នាក់នោះទេដោយសារមានការ សហការគ្នាល្អជាមួយអង្គភាពកំចាត់មីន ប្រជាពលរដ្ឋ និងអាជ្ញាធរមូលដ្ឋាននិងប្រជាពលរដ្ឋ រួមទាំងបានធ្វើការផ្សព្វផ្សាយពីចំណេះដឹង ដល់ប្រជាពលរដ្ឋ ៨៨៣ពីអាវុធជាតិផ្ទុះ និងកាកសំណល់ជាតិផ្ទុះ ក្នុងនោះក៏មានប្រជាពលរដ្ឋ រាយការពីកាកសំណល់អាវុធជាតិផ្ទុះ៧៥លើក រួមទាំងបានយកអាវុធមកប្រគល់ជូនដល់សមត្ថកិច្ចផងដែរជាច្រើន កាកសំណលទាំងនេះ បានប្រគល់ជូនអង្គភាពកំចាត់មីន ។
ឯកឧត្តម គង់ វិមាន បានកោតសសើរ ដល់កងកម្លាំងនៃស្នងការនគរបាលខេត្តកំពង់ធំ និង អង្គភាពកំចាត់មីន ដែលបានផ្សព្វផ្សាយអប់រំដល់ប្រជាពលរដ្ឋ ឲ្យទទួលបានចំណេះដឹងជូនដល់ប្រជាពលរដ្ឋ ធ្វើឲ្យប្រជាពលរដ្ឋ ចៀសផុតពីបញ្ហាគ្រោះថ្នាក់ដោយមីន ក្នុងនោះឯកឧត្តម មានការព្រួយបារម្ភណ៍ ដល់ប្រជាពលរដ្ឋ ដែលបានទៅគាស់កាយដីព្រៃយកធ្វើជាចំការស្វាយចន្ទីរ និងដំឡូងមី ដែលជាទីតាំងពុំទាន់បានទទួលការ ត្រួតពិនិត្យពីអង្គភាពកំចាត់មីន និងសូមផ្តាំផ្ញើរដល់បងប្អូននិងប្រជាពលរដ្ឋ រួមទាំងក្មួយៗទាំងអស់ដែលពុំ និងកុំលេង ក្បាលគ្រាប់មិនទាន់ផ្ទុះ ដែលខ្លួនប្រទះឃើញ សូមជួយរាយការដល់សមត្ថកិច្ច ចៀសវាងគ្រោះថ្នាក់ដល់អាយុជីវិត ។
ដោយ ប៊ុន រដ្ឋា
