ខេត្តកំពង់ធំៈ លោកតា លោកយាយ ចាសជរា ត្រូវមកទទួលនូវភារកិច្ចយ៉ាងធ្ងន់ធ្ងរ ក្នុងការដោះបំណុល ធានាគារ និងចិញ្ចឹមបីបាច់ថែរក្សាចៅចំនួន២នាក់ ចំនែកកូនរបស់លោកតា លោកយាយ បែរជានាំគ្នាទៅ ធ្វើការនៅថៃ ហើយបាត់ដំណឹងសូន្យឈឹងអស់រយៈពេលជាងមួយឆ្នាំមកហើយ ដោយទុកឲ្យគាត់ដែលមានវៃចាស់ជរាទាំងពីរនាក់ដាំបន្លែបង្ការផ្សេងៗ ដើម្បីបានរកប្រាក់ចិញ្ចឹមជីវិតផង ចិញ្ចឹមបីបាច់ថែរក្សាចៅប្រុសចៅស្រី២ នាក់ផង រួមទាំងសងប្រាក់មីក្រូហិញ្ញវត្ថុឯកជនផង ។ 
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ដោយក្តីអាណិតអាសូរ លោកតា ស៊ុម ត្រេន អាយុ៧៣ ឆ្នំា និងលោកយាយកាន់ ស៊ត អាយុ ៧០ ឆ្នំា ដែលមានវ័យចាស់ជារា តែបែរជាមកទទួលមរតកដ៏ជូចត់ពីកូនសម្លាញ់របស់គាត់ សម្រាប់ជីវិតចុងក្រោយសោះ ធ្វើឲ្យលោកតា លោកយាយ រងទុក្ខវេទនា ទាំង ត្រដរ ដោយដាំបន្លែ ដើម្បីសន្សំប្រាក់ដោះបំនុលកូន បច្ចុប្បន្នរស់ នៅភូមិអូររំដេង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
លោកតាមានជំងឺប្រចាំកាយ សុខភាពចុះខ្សោយ តែបានលោកយាយជួយជ្រោមជ្រែងក្នុងជីវភាពដ៍លំបាកនេះ នៅក្នុងឳកាសនៃការចុះសួរសុខទុក្ខ ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ព្រឹកថ្ងៃទី១៦ ខែមករា ឆ្នាំ ២០១៨ ជួយឧបត្ថម្ភ អង្ករចំនួន ៥០ គីឡូក្រាម មីចំនួនពីរ កេស ទឹកត្រីចំនួនមួយយួរ មុងជ្រលក់ថ្នាំចំនួនមួយ ប៊ីចេងមួយកញ្ចប់ សាប៊ូបោកខោអាវចំនួន ២កញ្ចប់ អាវរងាចំនួន ៤ និងថវិកាចំនួន ១០០,០០០ ៛ ។
លោកតា លោកយាយទាំងពីរ មានចិត្តរំភើបរីករាយយ៉ាងខ្លាំងដោយបានទទួលជំនួយមនុស្សធម៌ ពីថ្នាក់ដឹកនាំតំបន់ប្រតិបត្តិការសឹករងកំពង់ធំ តំណាងឲ្យឲ្យអាជ្ញាធរដែនដី និងសូមជូនពរសូមបានជួបប្រទះតែនិងពុទ្ឋពរទាំងបួនប្រការគឺអាយុ វណ្ណៈ សុខះ និងពលៈ កុំបីឃ្លាងឃ្លាតឡើយ ។
ដោយ ប៊ុន រដ្ឋា
