កំពង់ធំៈ ការជីករុករក អដ្ឋិធាតុ កងទ័ពស្ម័គ្រចិត្តវៀតណាម ដែលបានពលីជីវិតក្នុងសម័យសង្រ្គាម ដោយគិតចាប់តាំងពីឆ្នាំ ២០០៣មកដល់បច្ចប្បន្ន អដិ្ឋធាតុ ដែលជីករុករកបាននៅក្នុងខេត្តកំពង់ធំ ត្រូវបានជូនដំណើរអដ្ឋិធាតុជាបន្តបន្ទាប់ ចំនួន ១០៥៨អដ្ឋិធាតុ (សរុបទាំងនៅក្រៅខេត្ត ១០៦៦អដ្ឋិធាតុ) នៅ ដោយឡែកនៅថ្ងៃទី ២៥ ខែមករា ឆ្នាំ ២០១៨នេះ តំបន់ប្រតិបត្តិការសឹករងកំពង់ធំ និងកំលាំងជំនាញក្រុម(កា៧២ ) បានធ្វើពិធីជូនដំណើរអដ្ឋិធាតុកងទ័ពស្ម័គ្រចិត្តវៀតណាមធ្វើមាតុភូមិនិវត្តន៍ទៅកាន់ប្រទេសកំណើត ចំនួន២២ អដ្ឋិធាតុ។
ដោយឡែកនៅដើមឆ្នាំ២០១៨ អដ្ឋិធាតុ ដែលបានបញ្ជូនទៅកាន់មាតុប្រទេសវិញ គឺជាអដ្ឋិធាតុ ដែលទើបជីករកបានក្នុងជំហានទី១ ដំណាក់កាលទី១៧ រដូវប្រាំងឆ្នំា២០១៧-២០១៨ ចំនួន២២ អដ្ឋិធាតុ ដោយមានការ ចូលរួមជូនដំណើរដោយថ្នាក់ដឹកនាំបញ្ជាការរដ្ឋានតំបន់ប្រតិបត្តិការសឹករងកំពង់ធំចំនួន១០០ នាក់ និង សិក្សានុសិស្ស ចំនួន១០០ នាក់ផងដែរ ។
ពិធីប្រគលអដិ្ឋធាតុ ត្រូវបានចូលរួមដោយ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ ជាអធិបតី អមដោយលោក វរសេនីយ៍ឯក ង្វៀន ថាញ់ប៊ិញ អនុប្រធាននយោបាយ យោធា ខេត្តប៊ិញភឿក និងលោក វរសេនីយ័ឯក លៀង ង៉ុកហ្វាក ប្រធានមន្ទីរនយោបាយខេត្តប៊ិញ និង ថ្នាក់ដឹកនាំតំបន់ប្រតិបត្តិការសឹករងកំពង់ធំ ព្រមក្រុមបច្ចេកទេស ( កា៧២ ) K72 ខេត្តប៊ិញភឿក នៅទីបញ្ជាការតំបន់ប្រតិបត្តិការសឹករងកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន តំណាងឯកឧត្តម សុខ លូ អភិបាល នៃគណអភិបាលខេត្តកំពង់ធំបានមានប្រសាសន៍ថា អដ្ឋិធាតុ កងទ័ពស្ម័ក្រចិត្តវៀតណាម ដែលមានពលី ជីវិតក្នុងសម័យសង្រ្គាម នៅក្នុងខេត្តកំពង់ធំ ក្នុងទសវត្យរ៍ឆ្នាំ១៩៧០ សរុបមានចំនួន១០៥៨អដ្ឋិធាតុ ត្រូវបានធ្វើមាតុភូមិនិវត្តន៍ទៅកាន់ប្រទេសកំណើត ចំណែកលទ្ធផលនៃកិច្ចសហការ ជាមួយគណៈបញ្ជាការយោធភូមិភាគទី៧ កងទ័ពប្រជាជនវៀតណាម រួមទាំងថ្នាក់ដឹកនាំអាជ្ញាធរខេត្តប៊ិញភឿក និងបញ្ជាការដ្ឋានយោធាខេត្តប៊ិញភឿក គឺភាគគីមិត្ត បានឧបត្ថម្ភគាំទ្រ ដល់អង្គភាពតំបន់ប្រតិបត្តិកាសឹករងកំពង់ធំ ដូចជាការងារមនុស្សធម៌ , ជំនួយផ្នែកសុខភាពព្យាបាលជំងឺជូនប្រជាពលរដ្ឋដោយឥតគិតថ្លៃ ការងារសាងសង់បន្ទាយ និងផ្លាសប្តូរបទពិសោធន៍ រួមទាំងកិច្ចសហការ ទប់ស្កាតបទល្មើសនានា ការពារសន្តិសុខជូនប្រជាជនទាំងពីរប្រទេស។
ដោយ ប៊ុន រដ្ឋា
