កំពង់ធំៈ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ រួមជាមួយ អ្នកម្តាយ បាននាំយកនូវសម្ភារៈ ថវិការ និងស្បៀងអាហារ មួយចំនួនប្រគេន តាមការនិមន្តបិណ្ឌបាតពីព្រះតេជគុណព្រះគ្រូចៅអធិការវត្តបុទុមរ័ត្នហៅវត្តក្រចាប់ ខណៈពេលដែលបច្ចុប្បន្នកំពុងតែមានការខ្វះខាតចង្ហាន់ប្រចាំថ្ងៃដែលជាបន្ទុកដ៍ធំរបស់ព្រះគ្រូចៅអធិការវត្ត។
តេជគុណព្រះគ្រូចៅអធិការវត្តបុទុមរ័ត្ន ព្រះអង្គមានសង្ឃដដិការថា បច្ចុប្បន្នមាន ព្រះសង្ឃដែលគង់រៀនសូត្រនៅក្នុងវត្តចំនួនចំនួន៣៧ អង្គ និងកូនសិស្សលោកដែលត្រូវត្រៀមសាងផ្នួសជាព្រះសង្ឃនៅខែខាងមុខនេះចំនួន៧ នាក់ថែមទៀត សារុបចំនួន ៤៤ អង្គ នាក់ ដែលជាបន្ទុកដ៏ធ្ងន់ធ្ងរ និងត្រូវបានចំណាយក្នុងមួយថ្ងៃ អង្ករជាង ២០ គីឡូក្រាម និងបច្ច័យពី៨០,000រៀល ទៅ៩០.០០០ រៀល ទើបមានការព្រួយបារម្ភណ៍ នូវ កង្វះខាតស្បៀងអាហារ សម្រាប់ទ្រង់ទ្រង់ផងដែរ ទើបជាឳកាស សុំអំពាវនាដល់សម្បុរសជន អញ្ជើញចាប់ កុសលផលបុណ្យតាមសទ្ធាជ្រះថ្លា។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា ការចាប់កុសល់ផលបុណ្យ មានចិត្តសទ្ធាជ្រះថ្លាជាមួយព្រះពុទ្ធសាសនា គែជាស្រែបុណ្យសម្រាប់ប្រជាពលរដ្ឋគោរពនូវវិស័យព្រះពុទ្ធសាសនាគ្រប់រូប ដើម្បីសេចក្តីសុខ និងសេចក្តីចំរើន កើតឡើងនូវសុភមង្គល់ ដូច្នេះក្នុងនាមជាកងកម្លាំង គឺត្រូវផ្សារភ្ជាប់នូវ វិស័យព្រះពុទ្ធសាសនា ទាំងពុទ្ធចក្រ និងអាណាចក្រ ដើរទទឹមគ្នា ស្របតាមគោលនយោបាយរបស់រាជរដ្ឋាភិបាលកម្ពុជា ។
ឯកឧត្តម សោម ស៊ុន និងអ្នកម្តាយ រួមជាមួយសហការី បានប្រគេនអង្ករចំនួន២៥០ គីឡូក្រាម មីចំនួន១០កេសទឹកបរិសុទ្ធចំនួន ៥កេស និងថវិកាចំនួន ២២០,០០០៛ ដែលជាសុទ្ឋាជ្រះថ្លានាំយកគ្រឿងបរិក្ខារ និងបច្ច័យដើម្បីយកមកប្រគេនព្រះសង្ឃដើម្បីបានសម្រាលការលំបាកខ្លះរបស់ព្រះអង្គ ស្ថិតនៅភូមិក្រចាប់សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ នៅល្ងាចថ្ងៃសៅរ៍ទី២៧ខែមករា ឆ្នាំ ២០១៨ ។
ដោយ ប៊ុន រដ្ឋា
