ខេត្តកំពត ដើម្បីត្រៀមរៀបចំក៏ដូចជាការ ការពារសន្តិសុខ សុវត្ថិភាពជូនថ្នាក់ដឹកនាំប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ដែលត្រូវនឹងអញ្ចើញ ជាអធិបតីភាពដ៏ខ្ពង់ខ្ពស់។
នៅក្នុងឱកាសនៃពិធីសម្ពោធ ដាក់អោយដំណើរការជាផ្លូវការរោងចក្រស៉ីម៉ង់ត៍របស់ ក្រុមហ៊ុនជីប ម៉ុង អ៉ិនស៉ី ស៉ីមេន ខបភើរេសិន ដែលត្រូវប្រព្រឹត្តឡើងនាថ្ងៃទី ៨ខែកុម្ភៈ ២០១៨ ខាងមុខនេះ។នៅព្រឹកថ្ងៃ១៤ កើត ខែមាឃឆ្នាំរកានព្វស័ក ព.ស២៥៦១ ត្រូវថ្ងៃទី ២៩ខែមករា ឆ្នាំ២០១៨ ។
ឯកឧត្ដម យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី បានដឹកនាំមន្រ្តីនៃ ក្រុមការងារ គណៈកម្មការ ការពារសន្តិសុខ សម្ដេចតេជោ ហ៊ុន សែន និងមានការចូលរួមផងដែរពីមន្ត្រីពាក់ព័ន្ធនៃ រដ្ឋបាលខេត្តកំពត ក្រោមការដឹកដោយឯកឧត្ដមជាវ តាយអភិបាលនៃគណៈអភិបាលខេត្ត ដើម្បីចុះពិនិត្យទីតាំង និងប្រជុំ ប្រគល់ទទួលនិងដាក់ផែនការ រៀបចំ ការពារសន្តិសុខសុវត្ថិភាព ជូនប្រមុខរាជរដ្ឋាភិបាល ដើម្បី ធ្វើអោយដំណើរការនៃពិធីសម្ពោធប្រព្រឹត្តទៅប្រកបដោយភាពសមរម្យ និងទទួលបានរលូនជោគជ័យ។
នៅក្នុងឱកាសនោះឯកឧត្ដម យូ ស៊ុនឡុង បានណែនាំដាក់ផែនការលំអិតជូនដល់គណៈកម្មការនីមួយៗនិងរដ្ឋបាលខេត្តកំពតព្រមទាំងក្រុមហ៊ុនផងដែរ ។ ត្រូវយកចិត្តទុកដាក់ទទួលខុសត្រូវ តាមមុខសញ្ញា និងសមត្ថកិច្ចរបស់អង្គភាពនីមួយៗដើម្បីធ្វើអោយដំណើរការនៃពិធីសម្ពោធ ប្រព្រឹត្តទៅមានលក្ខណៈសមរម្យ ទាំងការបដិសណ្ឋារកិច្ចនិងពិសេសការ ការពារសន្តិសុខសុវត្ថិភាពជូនថ្នាក់ដឹកនាំប្រមុខរាជរដ្ឋាភិបាល សម្ដេចតេជោហ៊ុនសែន ។
ក្នុងឱកាសនោះ ឯកឧត្តមជាវ តាយអភិបាលនៃគណៈអភិបាលខេត្ត បានគូសបញ្ជាក់អោយដឹងដែរថា៖នៅក្នុងពិធីសម្ពោធសមិទ្ធផលរោងចក្រស៉ីម៉ង់ត៍ជីបម៉ុងនេះរំពឹងនិង បានត្រៀមរៀបចំអញ្ជើញអោយប្រជាបលរដ្ឋចូលរួុមទទួលសម្ដេចតេជោមានប្រមាណសរុបជាង៧៨០០នាក់ ។ ដែលមកពីក្នុងស្រុកជុំវិំញតំបន់នេះ គឺ ស្រុកបន្ទាយមាស ស្រុកដងទង់និង ស្រុក កំពង់ត្រាច រួមនិងថ្នាក់ដឹកនាំនិងមន្ត្រីរាជការ ប្រមាណ៥០០នាក់ផងដែរ។
សូមបញ្ជាក់ថា៖ ទីតាំងរោងចក្រស៉ីម៉ង់ត៍ក្រុមហ៊ុន ជីបម៉ុងអ៉ិនស៉ីស៉ីមេន គឺស្ថិតនៅ ភូមិព្រៃតាព្រិត ឃុំស្ដេចគង់ខាងលិចស្រុកបន្ទាយមាស ខេត្តកំពត មានផ្ទៃដីប្រមាណជាង២០០ហិចតា តែក្នុងនោះផ្ទៃដីរៀបចំហេដ្ឋារចនាសម្ព័ន្ធសាងសង់រោងចក្រមានប្រមាណជាង១០០ហិចតា។
