កំពង់ធំៈ ឯកឧត្តមមេបញ្ជាការ សោម ស៊ុន បានដឹកនាំមេបញ្ជាការង នាយការិយាល័យ និងមេបញ្ជាការផ្នែក សឹករងស្រុកក្រុង ចំណុះឲ្យតំបន់ប្រតិត្តិការសឹកងកំពង់ធំ បានអញ្ជើញចុះទស្សនកិច្ច ខេត្តដុងណា ដែលជា
ខេត្តចងសម្ព័ន្ឋមេត្រី រវាងតំបន់ប្រតិបត្តិការសឹករងកំពង់ធំ និងបញ្ជាការដ្ឋានយោធាខេត្តដុងណា យោធភូមិ ភាគទី៧ កងទ័ពប្រជាជនវៀតណាម ។
គោលបំណងនៃការធ្វើដំណើរទៅទស្សនកិច្ចនៃយោធាខេត្តដុងណាយ គឺរឹតបន្តឹងចំណង់សាមគ្គីភាព ក្នុងកិច្ចសហប្រតិបត្តិការ យោគយល់គ្នា ជាមួយនឹងខេត្តសម្ព័ន្ឋមេត្រីភាព ឳកាសបុណ្យចូលឆ្នាំប្រពៃណី ប្រជាជនវៀតណាម នៅថ្ងៃទី០២ ខែកុម្ភៈឆ្នាំ ២០១៨ មេបញ្ជាការផ្នែកសឹករង ស្រុក-ក្រុង ទាំង៨ និងវរសេនាតូចទាំង២ សរុបចំនួន ២៦ រូបបានអញ្ជើញទៅជូនពរក្នុងឱកាសបុណ្យចូលឆ្នាំថ្មីប្រពៃណីជាតិវៀតណាមដល់ថ្នាក់ដឹកនាំបញ្ជាការដ្ឋានយោធាខេត្តដុងណាយ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាស៍ថា ខេត្តដុងណាយ គឺជាខេត្តដែលបានចងសម្ព័ន្ឋមេត្រីភាព និងត្រូវបានជួយគ្នាទៅវិញទៅមក ក្នុងកិច្ចសហប្រតិបត្តិការរយៈពេល ០២ ឆ្នាំកន្លងមកនេះ បញ្ជាការដ្ឋានយោធាខេត្តដុងណាយ បានជួយឧបត្ថម្ភដល់បញ្ចាការដ្ឋានតំបន់ប្រតិបត្តិការសឹករងកំពង់ធំ រួមមាន អាគារធ្វើការងារ ០១ ខ្នង នៅបញ្ជាការដ្ឋានវរសេនាតូចលេខ១ ដែលមានទំហំ ៧x២៥ ម៉ែត្រ ចំណាយថវិកាក្នុងការសាងសង់អស់ទឹកប្រាក់៣២,០០០ ដុល្លារ ទី២ អាគារគិលានដ្ឋាន ០១ ខ្នង នៅក្នុងបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលមានទំហំ ៩x២០ ម៉ែត្រ ចំណាយថវិកាក្នងការសាងសង់អស់ទឹកប្រាក់ ៤៥,០០០ ដុល្លារ ។
ឯកឧត្តម សោម ស៊ុន បានបញ្ជាក់ថា កន្លងមកនេះ បានបញ្ជូនក្រុមគ្រូពេទ្យស្ម័គ្រចិត្ត និងកាកបាតក្រហមចុះជួយព្យាបាលជម្ងឺជូនប្រជាពលរដ្ឋទីទ័លក្រ និងគ្រួសារយោធិនចំនួន ២៥០ នាក់ ដោយបានឧបត្ថម្ភក្នុងម្នាក់ៗទទួលបាន ឃីត ០១ កញ្ចប់ ( ថ្នាំពេទ្យ ,ទឹកត្រី ,ទឹកស៊ីអ៊ីវ ,ម្សៅស៊ុប )និងថវិកា ២០ ដុល្លារក្នុងម្នាក់ៗថែមទៀងផង ។
ក្នុងដំណើរទស្សនកិច្ច នេះ ថ្នាក់ដឹកនាំបញ្ជាការដ្ឋានយោធាខេត្តដុងណាយបាន ទទួលស្វាគមន៍ប្រកបដោយភាពស្និទ្ធស្នាល និងបានប្តេជ្ញាសាមគ្គីគ្នា រឹតបន្តឹងចំណងមិត្តភាព ក្នុងកិច្ចសហការ ការពារសន្តិសុខជាមួយគ្នា ក្នុងឪកាសបាយសាមគ្គីគ្នា អបអរសាទរបុណ្យចូលឆ្នាំប្រពៃណីប្រជាជនវៀតណាម។ ដោយ ប៊ុន រដ្ឋា
