កំពង់ធំៈ ដើម្បីបង្កើនចំណងសាមគ្គីភាព និងរឹតបន្តឹងសម្ព័ន្ឋមេត្រីភាព ឲ្យកាន់តែរ៉ឺងមាំទាំងផ្នែកយោធា ក្នុងវិស័យការពារជាតិ និងសន្តិសុខសុវត្តិភាពដល់ប្រជាជនទាំង២ប្រទេស ទើបឯកឧត្តម ឧត្តមសេនិយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឆ្លៀតឳកាស ដឹកនាំប្រតិភូយោធា ទៅសួរសុខទុក្ខ និងជូនពរក្នុងឳកាសបុណ្យចូលឆ្នាំប្រពៃណីវៀតណាម ។
ប្រតិភូបញ្ជាការដ្ឋានតំបន់ប្រតិបត្តិការសឹករងកំពង់ធំ ចំនួន២៦រូប បានធ្វើដំណើរទៅសួរសុខទុក្ខនិងជូនពរ យោធា និងថ្នាក់ដឹកនាំ ខេត្តដុងណាយកន្លងមកនេះ នឹងបានបន្តដំណើរ ទៅសួរសុខទុក្ខ និងជូនពរឆ្នាំថ្មីប្រពៃណីជាតិវៀតណាម ជូនដល់ថ្នាក់ដឹកនាំអាជ្ញាធរទីក្រុងហូជីមិញ នៃសាធារណរដ្ឋសង្គមនិយមវៀតណាម និងថ្នាក់ដឹកនាំបញ្ជាការដ្ឋានយោធាទីក្រុងហូជីមិញ នៃកងទ័ពប្រជាជនវៀតណាម នៅទីក្រុងហូជីមិញ នៃសាធារណរដ្ឋសង្គមនិយមវៀតណាម ក្នុងគោលបំណងរឹតបន្តឹងចំណងសាមគ្គីភាពមិត្តភាព និងកិច្ចសហប្រតិបត្តិការល្អ នៅថ្ងៃទី០៣ ខែកុម្ភៈ ឆ្នាំ២០១៨ ។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ សំណេះសំណាល ថ្លែងអំណរគុណចំពោះ ការទទួលស្វាគមន៍ យ៉ាងរ៉ាកទាក់របស់ ថ្នាក់ដឹកនាំអាជ្ញាធរទីក្រុងហូជីមិញ និង ថ្នាក់ដឹកនាំបញ្ជាការដ្ឋានយោធាទីក្រុងហូជីមិញ នៃកងទ័ពប្រជាជនវៀតណាម ក្នុងឳកាសជូនពរបុណ្យចូលឆ្នាំថ្មីប្រពៃណីជាតិវៀតណាម និងបានអគុណចំណេះ បញ្ជាការដ្ឋានយោធាទីក្រុងហូជីមិញ នៃកងទ័ពប្រជាជនវៀតណាម ដែលបានជួយ ឧបត្ថម្ភគាំទ្រ ដល់តំបន់ប្រតិបត្តិការសឹករងកំពង់ធំ ក្នុងវិស័យការពារជាតិ ការងារមនុស្សធម៌ និងការជួយសាងសង់បន្ទាយ រួមទាំងការចុះព្យាបាលជំងឺជូនគ្រួសារកងទ័ព និង ប្រជាពលរដ្ឋទីទ័លក្រ របស់សកម្មភាព កាកបាទក្រហមទីក្រុងហូជីមិញ និងបន្តការរឹតបន្តឹងចំណងសាមគ្គីភាពរវាង អង្គភាពនិងអង្គភាព ខេត្តនិងខេត្ត ប្រទេសនឹងប្រទេស ឲ្យកាន់តែរ៉ឹងមាំបន្តទៀត ដើម្បីសេចក្តីសុខ របស់ប្រជាជនយើងទាំង២ប្រទេស ។
ដោយ ប៊ុន រដ្ឋា
