ដើម្បីជាការរឹតចំណងមិត្តភាពសាមគ្គីភាពរវាងរាជរដ្ឋាភិបាលកម្ពុជានិងរដ្ឋាភិបាលវៀតណាម ក៏ដូចជាកិច្ចទំនាក់ទនងសហប្រតិបត្តិការរវាងខេត្តដែលមានព្រំដែនជាប់គ្នាអោយបានកាន់តែល្អប្រសើរឡើងថែមទៀតនោះ។
នៅរសៀលថ្ងៃសៅរ៍ ០២រោច ខែមាឃ ឆ្នាំរកា នព្វស័ក ព.ស២៥៦១ ត្រូវថ្ងៃទី០២ខែកុម្ភៈ ឆ្នាំ២០១៨។ 
ឯកឧត្តម ជាវ តាយ អភិបាលនៃគណៈអភិបាលខេត្តកំពត បានដឹកនាំប្រតិភូ ក្នុងជួរគណៈអភិបាលខេត្តថ្នាក់ដឹកនាំមន្ទីរអង្គភាពមួយចំនួនជុំវិញខេត្ត។ ដើម្បីទៅចូលរួមសួរសុខទុក្ខនិងអបអរជូនពរថ្នាក់ដឹកនាំ និងមន្ត្រី នៃអគ្គកុងស៊ុលវៀតណាមប្រចាំខេត្តព្រះសីហនុ ។ ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាមឈានចូលនាពេលដ៏ខ្លីខាងមុខនេះ។
នៅក្នុងកិច្ចសន្ទនាប្រកបដោយភាពរាក់ទាក់ ឯកឧត្តមង្វៀង ថេគឿនអគ្គកុងស៊ុលវៀតណាមប្រចាំខេត្តព្រះសីហនុ ។ បានសំដែងការអរគុណនិងកោតសរសើរចំពោះឯកឧត្តម ជាវ តាយ អភិបាលនៃគណៈអភិបាលខេត្តកំពត រួមនិងប្រតិភូដែលបានអញ្ជើញមកចូលរួមសំដែងការអបអរសាទរនិងជូនពរឆ្នាំថ្មីប្រពៃណីជាតិវៀតណាមជូនចំពោះថ្នាក់ដឹកនាំនិងមន្ត្រីអគ្គកុងស៊ុលវៀតណាមប្រចាំខេត្តព្រះសីហនុនាពេលនេះ។ 
ឯកឧត្តមអគ្គកុងស៊ុលវៀតណាម បានចាត់ទុកកាយវិការសកម្មភាពនាពេលនេះគឺពិតជាបានឆ្លើយតបដ៏ល្អប្រពៃរបស់ថ្នាក់ដឹកនាំនៃប្រទេសយើងទាំងពីរកម្ពុជា-វៀតណាមដែលតែងតែបានអនុវត្តធ្វើជូនចំពោះគ្នាទៅវិញទៅមក។ ក្នុងគោលបំណងដើម្បីរឹតចំណងមិត្តភាពសាមគ្គីភាព ដែលប្រទេសយើងទាំងពីរមានពីយូរលង់មកហើយ អោយបានកាន់តែល្អប្រសើរខ្លាំងក្លាថែមទៀត។
ឯកឧត្តម ជាវ តាយ អភិបាលខេត្តកំពត ក៏បានលើកបញ្ជាក់ដែរថា ការចូលឆ្នាំថ្មីគឺជាប្រពៃណី ជនជាតិវៀតណាមនិងជនជាតិកម្ពុជាមានតាំងពីយូរយារមកហើយដូចគ្នាគ្រាន់តែខុសថ្ងៃខែគ្នាតែប៉ុណ្ណើ។
ហើយនៅក្នុងឱកាសចូលឆ្នាំថ្មី ចិន វៀតណាមនោះដែរ ក៏មានប្រជាជនកម្ពុជាមួយចំនួនតូចនៅកម្ពុជាតែងបានចូលរួមអបអរផងដែរ។
ឯកឧត្តម អភិបាលខេត្តកំពតក៏បានបន្តលើកឡើងទៀតថាបើទោះបីរូបឯកឧត្តម ដែលទើបតែបានមកកាន់តំណែងថ្មីជាអភិបាលខេត្តក៏ពិតមែន។ ប៉ុន្តែក្នុងនាមជាថ្នាក់ដឹកនាំរដ្ឋបាលខេត្តក៏ដូចជាមន្ត្រីរាជការ កងកម្លាំងប្រដាប់អាវុធ និងប្រជាជនខេត្តកំពតទាំងមូល។ ក្នុុងមនោសញ្ចេតនាជាមិត្តភាពជាបងប្អូនភូមិផងរបងជាមួយ។ ឯកឧត្តមសូមចូលរួមអបអរសាទរនិងជូនពរឆ្នាំថ្មីជាមួយ និងចំពោះថ្នាក់ដឹកនាំ កងកម្លាំងប្រដាប់អាវុធ និងប្រជាជនវៀតណាមជាបងប្អូនពិសេសថ្នាក់ដឹកនាំនិងមន្ត្រីនៃអគ្គកុងស៊ុលវៀតណាមប្រចាំខេត្តព្រះសីហនុ ដែលមានប្រពៃណីសាមគ្គីភាព មិត្តភាពពីយូរលង់មកហើយអោយបានកាន់រឹងមាំ ដូចដែលថ្នាក់ដឹកនាំខេត្តកំពតមុនៗតែងតែគោរពជូនចំពោះគ្នាទៅវិញទៅមកជារៀងរាល់ឆ្នាំដែរ។ ពិសេសដើម្បីសូមអោយចំណងមិត្តភាព សាមគ្គីភាព និងកិច្ចសហប្រតិបត្តិការរវាងខេត្តជាប់ព្រំដែនគ្នាកាន់តែល្អប្រសើររឹងមាំ។ ដើម្បីផលប្រយោជន៍រួមរបស់ប្រជាជន និងខេត្តទាំងពីរគឺខេត្តកំពតនិងខេត្ត
គៀនយ៉ាង(វៀតណាម)អោយបានកាន់តែល្អប្រសើររឹងមាំថែមទៀត។
