កំពង់ធំៈ លោកវរសេនីយ៍ត្រី សូ សនមេបញ្ជាការរង ផ្នែកសឹករងស្ទឹងសែន បានជួបគ្រោះថ្នាក់ចារចាណ៍ បណ្តាលឲ្យរងរបួសយ៉ាងធ្ងន់ធ្ងរ បានបង្ករឲ្យប៉ះពាល់ដល់លលាក្បាល ខណៈពេលកំពុងតែរក្សាព្យាបាល នៅផ្ទះក្រោយពីចេញពីមន្ទីរពេទ្យ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការ និងមេបញ្ជាការង ចុះសួរសុខទុក្ខ នៅថ្ងៃទី៧ ខែមិនា ឆ្នាំ ២០១៨។
លោកវរសេនីយ៍ត្រី សូ សន អាយុ ៥៨ឆ្នាំ បានគ្រោះថ្នាក់ចរាចរណ៍កាលពីសប្តាហ៍កន្លងទៅនេះ នៅតាមបណ្តោយផ្លូវជាតិលេខ៦ មានភរិយានិងកូនពីរនាក់នៅក្នុងបន្ទុក បច្ចុប្បន្នរស់នៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ សូមបញ្ជាក់ផងដែរថា លោកវរសេនីយ៍ត្រី សូ សន បច្ចុប្បន្នជាមេបញ្ជាការង ក្រុងស្ទឹងសែន តែធ្លាប់មានប្រវត្តតស៊ូ ក្នុងសមរភូមិសង្រ្គាមហើយត្រូវរបួសក្នុងការវាយប្រយុទ្ធជាមួយក្រុមខ្មែរក្រហម នៅតំបន់កែងក្រសាំង ឃុំសានគរ ស្រុកកំពង់ស្វាយ កាលពីឆ្នាំ១៩៨៧។
ឯកឧត្តម ឧត្តមសេនីយ៍ត្រី សោម ស៊ុន បានមានប្រសាសន៍ថា លោកវរសេនីយ៍ត្រី សូ សន គឺជានាយទាហានមួយរូប ដែលមានស្នាដៃក្នុងការបំរើជាតិមាតុភូមិ និងជាទីស្រឡាញរាប់អានពីសំណាក់កងកម្លាំង ក្នុងអង្គភាព ជាមិត្តសុខទុក្ខ មិត្តរួមអាវុធ និងរួមការងារ គឺជាមនោសញ្ចេតនាមិនអាចកាត់ថ្លៃបាន ម្យ៉ាងទៀត ក្នុងនាមខ្ញុំជាមេបញ្ជាការ ប្រៀបបានទៅនិងឳពុក ពេលកូនឈឺគឺជាទុក្ខរបស់ឳពុក ដែលភារកិច្ចចាំបាច់បំផុត ត្រូវយកចិត្តទុកដាក់ ពីសុខទុក្ខរបស់យោធិនគ្រប់រូប ដោយឡែកការចុះសូរសុខទុក្ខនេះ គឺជាទឹកចិត្ត ដោយក្តីមនោសញ្ចេតនាដោយមិនអាចកាត់ថ្លៃបាន។
ឧត្តមសេនីយ៍ត្រី សោម ស៊ុន បានពាំនាំនូវការផ្តាំផ្ញើរសាកសួរសុខទុក្ខ និងក្តីព្រួយបារម្ភណ៍ ពីសំណាក់ ឯកឧត្តម សុខ លូ អភិបាលខេត្តកំពង់ធំ និងជាប្រធានគណៈបញ្ជាការឯកភាពរដ្ឋបាលខេត្ត ដែលតែងតែគិតគូជានិច្ចចំពោះអង្គភាពកងយោធពលខេមរៈភូមិន្ទ ក្នុងនោះក្រុមការងារបានជួយឧបត្ថម្ភនូវអង្ករចំនួន៥០គីឡូក្រាម ,មីម៉ាមីម៉ា ០២ កេស ,ទឹកផ្លែឈើ០១កេស ,ទឹកដោះគោឆៅ ០១ឡូ និង៥០០,០០០រៀល(ហាសិបមម៉ឺនរៀល)ផងដែរ។
ដោយ ប៊ុន រដ្ឋា
