កំពង់ធំៈ ឧត្តមសេនីយ៍ត្រី សោម ស៊ុន បានមានប្រសាសន៍ ឲ្យកងកម្លាំងតាមបណ្តាអង្គភាពស្រុកក្រុង សហការការពារសន្តិសុខ សុវត្ថិភាព ជូនប្រជាពលរដ្ឋ ភ្ញៀវជាតិ អន្តរជាតិ ឲ្យសប្បាយរីករាយក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលបានប្រារព្វធ្វើឡើងនៅ សំបូរសង្រ្កានព្រៃគុក ឲ្យមានសុវត្តិភាពលទ្ជផល ជោគជ័យក្នុងរយះពេល៣ថ្ងៃនេះ ក្នុងបរិវេណប្រាសាទសំបូរព្រៃគុក ក្នុងស្រុកប្រសាទសំបូរ ខេត្តកំពង់ធំ ដោយសហការជាមួយកងកម្លាំងអាជ្ញាធរមានសមត្ថកិច្ច ។
គោលបំណងនៃអង្គរប្រជុំ តម្រូវឲ្យកងកម្លាំងនៃកងយោធពលខេមរភូមិន្ទ បំពេញតួនាទីភារកិច្ច ក្នុងការចូលរួមបម្រើប្រជាពលរដ្ឋដោយឥតលក្ខខណ្ទ ដើម្បីចូលរួមគោរពនិងអនុវត្តគោលនយោបាយភូមិ ឃុំ មានសុវត្តិ ភាពតាមបទបញ្ជាយ៉ាងម៉ឺងម៉ាត់របស់ ឯកឧត្តម មេបញ្ជាការយោធភូមិភាគទី៤ និងការណែនាំផ្តាំផ្ញើររបស់ឯកឧត្តម សុខ លូ អភិបាលខេត្តកំពង់ធំ និងជាប្រធានគណបញ្ជាការឯកភាពរដ្ឋបាលខេត្ត ព្រមទាំងបានភារកិច្ចជូនថ្នាក់ដឹកនាំគ្រប់ លំដាប់ថ្នាក់ និងមេបញ្ជាការគ្រប់កងឯកភាព ដែលមានសមាសភាពចូលរួមប្រជុំ១០២នាក់ នៅសាលសប្រជុំទីបញ្ជាការដ្ឋានតំបន់ប្រតិបត្តិការសឹករងកំពង់ធំ នៅព្រឹកថ្ងៃទី ២២ ខែមិនា ឆ្នាំ ២០១៨។
បន្ទាប់ពីតាមបណ្តាអង្គភាពផ្នែកសឹករង ស្រុកក្រុង បានរាយការណ៍ ពីស្ថានភាពមូលដ្ឋានរួចមក ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានបញ្ជាក់ថា ក្រោមការយកចិត្ត របស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោហ៊ុន សែន ជានាយករដ្ឋមន្រ្តីនៃ ព្រះរាជាណាចក្រកម្ពុជា បានគិតគូរពីប្រាក់បៀរវត្តជូនដល់មន្រ្តីរាជការ តាមស្ថានភាពសង្គមនាបច្ចុប្បន្ន បានឲ្យ មន្រ្តីចាប់ពីឋានៈពលទោ គឺពលទាហាន
ទាបបំផុត ទៅក៏បានទទួលបៀរវត្តជាងមួយលានរៀនដែរ ដូច្នេះថវិកាទាំងនេះបានធ្វើឲ្យជីវភាពគ្រួសារល្អប្រសើរជាងមុន ក្នុងនោះឯកឧត្តម សោម ស៊ុន បានផ្តាំផ្ញើរ និងប្រគល់ភារកិច្ចជូនមេទ័ពតាមបណ្ដាអង្គភាព និងស្ថាប័នពាក់ព័ន្ធ ប្រុងប្រៀបកម្លាំង គ្រឿងបំពាក់ និងមធ្យោបាយគ្រប់គ្រាន់ ចាត់តាំកម្លាំងប្រចាំបញ្ជា កម្លាំងអន្តរាគមន៍ តាមរមណីយដ្ឋាននានាដើម្បីដោះស្រាយសភាពការណ៍ ដែលបានកើត ឡើងឲ្យបានទាន់ពេលវេលា និងបែងចែកវេនជូនកងកម្លាំង ដើម្បីឲ្យកងកម្លាំងបានចូលរួមសប្បាយរីករាយជាមួយក្រុមគ្រួសារ ។
ដោយ ប៊ុន រដ្ឋា
