កំពង់ធំ៖ ក្រោមការយកចិត្តទុកដាក់ របស់ឯកឧត្តម មេបញ្ជាការ បានដឹកនាំប្រតិភូយោធា ចុះសួរសុខទុក្ខ គ្រូយោធាចារ្យ ដែលបានកំពុងខ្នះខែ្នងយកចិត្ត ផ្ទេរចំណេះដឹងជូនដល់កងកម្លាំងជំនាញអន្តរាគមន៍ ពិសេសរបស់បញ្ជាការដ្ឋានតំបន់ប្រតិបត្តិការសឹករងកំពង់ធំដែលកំពុងតែធ្វើការហ្វឹកហាត់នៅបញ្ជាការដ្ឋានវរសេនាតូចលេខ១ នៅព្រឹកថ្ងៃទី ២៣ ខែមិនា ឆ្នាំ ២០១៨។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ កោតសរសើរដល់លោកគ្រយោធាចារ្យ ដែលបានអញ្ជើញមកពីបញ្ជាការដ្ឋានកងរាជអាវុធហត្ថខេត្តកំពង់ធំ បានចំណាយពេលវេលាដ៏មានតំលៃ លះបង់ពេលវេលា និងសេចក្តីសុខគ្រួសារ ចូលរួមសហការយ៉ាងសម្រាក់សម្រាំបង្ហាត់បង្រៀនផ្តល់ចំណេះដឹងដ៏មានតំម្លៃដល់ កងកម្លាំងកងយោធពលខេមរភូមិន្ទ នៃតំបន់ប្រតិ បត្តិការសឹករងកំពង់ធំ ក្នុងនោះឯកឧត្តម មេបញ្ជាការបានផ្តល់នូវថវិកាមួយចំនួន ដើម្បីលើកទឹកចិត្តជូនដល់គ្រូយោធាចារ្យ សម្រាប់ប្រើប្រាស់កតាមសេចក្តីត្រូវការ ។
ឯកឧត្តម ឧត្តមសេនីយ៍ត្រី សោម ស៊ុនបានផ្តាំផ្ញើរដល់សិក្ខាមទាំងអស់ ឲ្យយកចិត្តទុកដាក់ អត់ធ្មត់ប្រឹងប្រែង ក្រេបជញ្ជក់ចំណេះដឹង ពីគ្រូយោធាចារ្យ ហ៊ានសួរ ហ៊ានឆ្លើយ និងចេះឆ្ងល់ដើម្បីទទួលបាននូវចំណេះពិត សម្រាប់ការប្រើប្រាស់ក្នុងនាពេលអនាគត់ក្នុងនោះឯកឧត្តមសោម ស៊ុន បានសង្កត់ធ្ងន់លើការហ្វឹកហាត់ ជំនាញអន្តរាគមន៍ពិសេស គឺជារួមចំណែកក្នុងការថែរក្សាសន្តិសុខ សណ្តាប់សង្គម ប្រឆាំងនូវរាល់សកម្មភាពបង្ករចលាចលខុសច្បាប់ពីក្រុមអមិត្ត ដែលមានគោលបំណងបំផ្លាញសន្តិភាពនិងសេចក្តីសុខសាន្តរបស់ប្រជាជនកម្ពុជា និងការពារឲ្យបានដាច់ខាតរាជរដ្ឋាភិបាលស្របច្បាប់ដែលប្រសូតឡើងពីការបោះឆ្នោត ។
ឯកឧត្តម មេបញ្ជាការ បានបញ្ជាក់ថា ក្នុងនាមជាកងកម្លាំងត្រូវប្រកាន់ភ្ជាប់នូវគោលជំហរ រ៉ឹងមាំស្មោះត្រង់ ស្នេហាជាតិ បំរើប្រជាពលរដ្ឋដោយឥតលក្ខខណ្ទ និងត្រៀមរួចជាស្រេចទាំងគុណភាព សមត្ថភាព និងសុខភាព ក្នុងការទទួលបញ្ជាពីថ្នាក់លើ ដើម្បីធ្វើអន្តរាគមន៍ នូវហេតុការណ៍ផ្សេងៗដែលបានកើតឡើង គឺចាំបាច់ កងកម្លាំងត្រូវមានចំណេះដឹងគ្រប់គ្រាន់ គោរពតាមបទបញ្ជាយ៉ាងម៉ឺងម៉ាត់របស់មេបញ្ជាការ ស្របតាមការ គោលនយោបាយរបស់ក្រសួងការពារជាតិ ដើម្បីបំរើជាតិមាតុភូមិ បំរើសេចក្តីសុខដល់ប្រជាពលរដ្ឋ រក្សាសន្តិភាព និងការពារសន្តិភាព និងការអភិវឌ្ឍន៍ប្រទេស ។
ដោយ ប៊ុន រដ្ឋា
