ជនសង្ស័យម្នាក់ត្រូវបានសមត្ថកិច្ចស្រាវជ្រាវនិងចាប់ខ្លួនបានក្នុងករណីលួ
តាកែវ ៖ ជនសង្ស័យម្នាក់ត្រូវបានសមត្ថកិច្ចស្រុកព្រៃកប្បាសបេីកការស្រាវជ្រាវភ្លាមៗរហូតកំណត់មុខសញ្ញាបាននិងចាប់ខ្លួនយកមកសាកសួរក្នុងករណីប្រព្រឹត្តអំពេីចោរកម្ម។
ហេតុការណ៍ចាប់ខ្លួនជនសង្ស័យក្នុងករណីប្រព្រឹត្តអំពេីចោរកម្មនេះ តាមការឲ្យដឹងពីលោកវរសេនីយ៍ឯក ជុំ ឈឿន អធិការនៃអធិការដ្ឋាននគរបាលស្រុកព្រៃកប្បាសបានប្រាប់ថា នៅថ្ងៃទី០៧ ខែឧសភា ឆ្នាំ២០១៨ វេលាម៉ោង១៦និង៣០នាទី មានករណីលួចម៉ូតូមួយកើតឡើងនៅចំណុចផ្សារព្រៃល្វា ស្ថិតក្នុងភូមិព្រៃល្វាកើត ឃុំព្រៃល្វា ស្រុកព្រៃកប្បាស ខេត្តតាកែវ ដែលបង្ករឡេីងដោយជន
សង្ស័យឈ្មោះ លាង សុផល ភេទប្រុស អាយុ៤០ឆ្នាំ រស់នៅភូមិអំពិលលិច ឃុំចារ ស្រុកព្រៃកប្បាស ខេត្តតាកែវ។ ជនសង្ស័យបានធ្វើសកម្មភាពលួចម៉ូតូម៉ាកហុងដាសេ១២៥ សេរីឆ្នាំ២០០៥ ពាក់ផ្លាកលេខបាត់ដំបង1B-3431 របស់ឈ្មោះ យូ ថារី ភេទស្រី អាយុ ៤៩ឆ្នាំ រស់នៅភូមិអង្គស្វាយចេក ឃុំចារ ស្រុកព្រៃកប្បាស ខេត្តតាកែវ ខណៈពេលជនរងគ្រោះបានទុកម៉ូតូនៅមុខផ្សារហើយចូលទៅទិញអីវ៉ាន់។លោកអធិការបន្តថា ក្រោយទទួលបានព័ត៌មានភ្លាមអំពីករណីលួចម៉ូតូបានកេីតឡេីង លោកបានដឹកនាំកម្លាំងជំនាញនៃអធិការដ្ឋាននគរបាលស្រុកព្រៃកប្បាស សហការជាមួយកម្លាំងប៉ុស្ដិ៍នគរបាលរដ្ឋបាលព្រៃល្វា ចុះប្រតិបត្តិការ ស្រាវជ្រាវ កំណត់មុខសញ្ញា រហូតឈានដល់ធ្វេីការឃាត់ខ្លួនជនសង្ស័យខាងលើ ព្រមទាំងដកហូតវត្ថុតាងរួមមានម៉ូតូចំនួន០២គ្រឿង។
បច្ចុប្បន្នជនសង្ស័យក្នុងករណីលួចខាងលេីនេះត្រូវបានកម្លាំងជំនាញអធិកាតស្រុកព្រៃកប្បាសកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តតាកែវចាត់ការបន្តតាមនីតិវិធី ចំណែកម៉ូតូជនរងគ្រោះបានប្រគសល់ជូនវិញហេីយក្រោយបំពេញបែបបទនិងពិនិត្យឯកសារម្ចាស់កម្មសិទ្ធរួចរាល់៕(វីរៈ)
