ខេត្តកំពង់ធំៈ គ្រួសារសពអតីតយុទ្ធជនឈ្មោះ ខេន ខែន ក្រោយពីទទួលមរណៈភាព ដោយរោគាពាធ បានទទួលប្រាក់បេឡាមរណសង្គ្រោះ៤លានរៀល ខណៈពេលដែលកំពុងធ្វើបុណ្យសព ដោយសមាគមអតីតយុទ្ធជនខេត្ត និងមន្ទីរសង្គមកិច្ចខេត្ត បានអនុវត្តតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន ឲ្យដោះស្រាយប្រាក់បេឡាមរណៈសង្រ្គោះជូនគ្រួសារអតីតយុទ្ធជន មិនឲ្យហួសក្នុងអំឡុងប្រារព្វពិធីបុណ្យ សព។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ ប្រធានសមាគមអតីតយុទ្ធជនកម្ពុជាខេត្ត ដឹកនាំសហការី អញ្ជើញទៅបើកប្រាក់បេឡាមរណៈសង្គ្រោះ ចំនួន ៤,០០០,០០០ រៀល ជូនដល់គ្រួសារសពអតីតយុទ្ធជនឈ្មោះ ខេន ខែន ដែលបានទទួលមរណភាពនៅវេលាម៉ោង៩:៣០ នាទី យប់ថ្ងៃទី០១ ខែមិថុនា ឆ្នាំ២០១៨ ដោយរោគាពាធ ស្ថិតនៅភូមិក្តី សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។ 
ពិធីប្រគល់ថវិការបេឡាមរណៈសង្គ្រោះ ជូនដល់គ្រួសារសព នៅថ្ងៃទី០២ ខែមិថុនា ឆ្នាំ២០១៨ ខណៈពេលដែលកំពុងធ្វើបុណ្យ ដែលមានមន្រ្តីរាជការ ប្រជាពលរដ្ឋចូលរួមសោកស្តាយ ដោយសារតែយល់ឃើញថា លោក ខេន ខែន ពុំមានជំងឺអ្វីធ្ងន់ធ្ងរនោះទេ គឺដើរនៅសុខក៏ស្រាប់តែ យប់ឡើងមួយរំពេច ធ្វើឲ្យបងប្អូន មានការសោកស្តាយយ៉ាងខ្លាំង។
ក្នុងឳកាសនេះដែរ ឯកឧត្តម ឧត្តមសេនីយ៍ទោ សោម ស៊ុន ក៏បានសម្តែងនូវការសោកស្តាយ និងចូលរួមមរណៈទុក្ខដ៏ក្រមក្រមចំពោះគ្រួសារសព លោកនាយទោ ខេន ខែន ហៅក្រៅឈ្មោះ សោភ័ណ្ណ ដែលបានមរណៈភាពដោយរកគារពាធ សូមអោយវិញ្ញាណក្ខន្ធលោកទៅកាន់សុគតិភព និងបានឧបត្ថម្ភបន្ថែមនូវ អង្ករចំនួន ១០០ គ.ក្រ , មីយើងចំនួន ០២ កេស ក្នុងពិធីបុណ្យសពនេះដែរ ។
ដោយ ប៊ុន រដ្ឋា
