កំពង់ធំៈ ក្រោមកិច្ចសហការប្រតិបត្តិការល្អ រវាងតំបន់ប្រតិបត្តិការសឹករងកំពង់ធំ និងបញ្ជាការដ្ឋានយោធាទីក្រុងហូជីមិញ ក្នុងចំណងមេត្រីភាព សាមគ្គីភាព មិត្តភាពលើគោលការជួយគ្នាទៅវិញទៅមក ដើម្បីទប់ស្កាត់ បទល្មើសនានានៅតាមខេត្តជាប់ព្រំដែន និងកសាងអភិវឌ្ឍន៍ ដើម្បីសេចក្តីសុខប្រទេសទាំងពីរ ទើបលទ្ធផល បានទទួលផ្លែផ្ការហូរមកដល់ពេលនេះ ។
ជាក់ស្តែងបញ្ជាការដ្ឋានយោធាទីក្រុងហូជីមិញនិងខ័ណ្ណហ្កកវ៉ឺបទីក្រុងហូជីមិញ បានអនុវត្តតាមការសំណូមពររបស់ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការងយោធភូមិភាគទី៤ មេបញ្ជាការតំបន់ប្រតិបត្តិ ការសឹករងកំពង់ធំ បានប្រគល់ថវិកា៤៣,៥៩៨ដុល្លា ដើម្បីសាងសង់អាគារបញ្ជាការដ្ឋានផ្នែកសឹករងបារាយណ៍ ដែលទំហំ៨,៥០ម៉ែត្រx២៥ ម៉ែត្រ និងបន្ទប់ទឹកនៅខាងក្រៅមួយខ្នង។
ថវិកា៥០% នៃគម្រោងសាងសង់អគារស្នាក់នៅជូនផ្នែកសឹករងបារាយណ៍ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រូវបានប្រតិភូ បញ្ជាការដ្ឋានយោធាទីក្រុងហូជីមិញ និងខ័ណ្ណហ្កកវ៉ឹប នៃទីក្រុងហូជីមិញ សាធារណៈរដ្ឋសង្គមនិយមវៀតណាម ត្រូវបានប្រគល់ជូនក្នុងពិធីបញ្ចុះបឋមសិលា សាងសង់នៅព្រឹកថ្ងៃទី០២ ខែមិថុនា ឆ្នាំ២០១៨ នៅបញ្ជាការដ្ឋានផ្នែកសឹករងបារាយណ៍ ។
ដោយ ប៊ុន រដ្ឋា
