មន្ត្រីរាជការចំនួន១៣៦នាក់ ដែលទើបប្រលងជាប់ ចូលបម្រើការងារក្នុងក្របខណ្ឌក្រសួងទំនាក់ទំនង ជាមួយរដ្ឋសភា ព្រឹទ្ឋសភា និងអធិការកិច្ច ត្រូវបានឯឧ ឌុច សុវណ្ណារី រដ្ឋលេខាធិការក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ច ជួបសំណេះសំណាល និង
ផ្តល់ដំបូលមានពីរចនាសម្ព័ន្ឋការងារ នាព្រឹកថ្ងៃទី២៤ ខែមិថុនា ឆ្នាំ២០១៤ នៅក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ច ។
បន្ទាប់ពីការឡើងអាននូវរបាយការណ៍ របស់ក្រសួងក្រសួងទំនាក់ទំនង ជាមួយរដ្ឋសភា ព្រឹទ្ឋសភា និងអធិការកិច្ច និងសេចក្តីប្រកាសស្តីពីការទទួលស្គាល់មន្ត្រីរាជការ ក្នុងក្របខណ្ឌថ្មីរួចមក ឯឧ ឌុច សុវណ្ណារី បានថ្លែងនូវការកោតសរសើរ និងអបអរសាទរចំពោះប្អូនៗជាមន្ត្រីរាជការថ្មីទាំង១៣៦នាក់ ដែលខិតខំពុះពារ រហូតទទួលបានជោគជ័យ ក្នុងការចូលមកបម្រើការងារនៅក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ចនាពេលនេះ ហើយនេះគឺជាថ្ងៃប្រវត្តិសាស្ត្រ និងក៏ជាមោទនៈភាពមួយដែលមិនអាចបំភ្លេចបានរបស់ប្អូនៗ ។
ឯឧ បានបន្តថា មុននឹងក្លាយជាមន្ត្រីរាជការចូលបម្រើការនៅក្នុងក្រសួងទំនាក់ទំនងជាមួយរដ្ឋសភា ព្រឹទ្ឋសភា និងអធិការកិច្ច គឺប្អូនៗត្រូវធ្វើកម្មសិក្សារយៈពេល១ឆ្នាំសិន ដើម្បីវាស់ស្ទង់សមត្ថភាព និងទទួលយកនូវបទពិសោធន៍ក្នុងការបំពេញការងារ និងស្គាល់នូវគ្រប់រចនាសម្ព័ន្ឋរបស់ក្រសួង ។ ជាមួយគ្នានេះ ឯឧ រដ្ឋលេខាធិការ ក៏បានផ្តាំផ្ញើរដល់ប្អូនៗជាមន្ត្រីរាជការថ្មីទាំង១៣៦នាក់ ត្រូវខិតខំប្រែងក្រេបជញ្ជក់យកចំណេះដឹងទាំងនេះ ជាពិសេសត្រូវប្រកាន់ភ្ជាប់នូវការគោរពសីលធម៌ វិន័យការងារ ដើម្បីក្លាយខ្លួនជាអ្នកដឹកនាំទៅថ្ងៃអនាគត ហើយឯឧ សង្ឃឹមថា ប្អូនៗនឹងទទួលបានជោគជ័យនៅក្នុងកម្មសិក្សារយៈពេលមួយឆ្នាំនេះ និងយកចំណេះដឹងដែលទទួលបានមកបំពេញការងារនៅក្នុងក្រសួង ក៏ដូចជាបម្រើជាតិមាតុផងដែរ ៕
