ខេត្តបន្ទាយមានជ័យ៖ យុវជននិងអ្នកស្ម័គ្រចិត្តសាខាកាកបាទក្រហមខេត្តបន្ទាយមានជ័យ និងប្រជាពលរដ្ឋព្រមទាំងមន្ត្រីរាជការចំនួន១៦០នាក់ និងត្រូវបំពាក់មួកអ្នកដែលចូលរួមចំនួន១៦០នាក់ បានចូលរួមផ្សព្វផ្សាយពាក់មួកសុវត្ថិភាពរាល់ពេលធ្វើដំណើរជិតឬឆ្ងាយនិងគ្រប់ពេលវេលា និង ពិសារគ្រឿងស្រវឹងកុំបើកបរ ដើម្បីជីវិតអ្នក ពិធីនេះមានការចូលរួមពីលោក អ៊ឹម ភាន់សុផល ប្រធានគណៈកម្មាធិការសាខាកាកបាទក្រហមកម្ពុជាខេត្តបន្ទាយមានជ័យ លោក សំ កុសល នាយកដ្ឋានធនធានមនុស្សកាកបាទក្រហមកម្ពុជា អ្នកស្រី ចាន់ ថេង អភិបាលក្រុងសិរីសោភ័ណ ពិធីនេះធ្វើនៅព្រឹកថ្ងៃទី ២៤ ខែមិថុនា ឆ្នាំ២០១៤ នៅសាលប្រជុំសាលាខេត្ត ហើយនិងបានហែរក្បួនជុំវិញខេត្តដើម្បីផ្សព្វផ្សាយពាក់មួកសុវត្ថិភាពរាល់ពេលធ្វើដំណើរជិតឆ្ងាយនិងគ្រប់ពេលវេលា និងបើកសេពគ្រឿងស្រវឹងសូមកុំឲ្យបើកបរ ពិធីនេះមានការឧបត្ថម្ភពីកម្មវិធីសុវត្ថិភាពទេសចរសាកល របស់ប្ល៊ូមបឺគភីលែនត្រូភី ។
លោក អ៊ឹម ភាន់សុផល បាននិយាយក្នុងកម្មវិធីនោះថា៖ យុវជននិងអ្នកស្ម័គ្រចិត្តសាខាកាកបាទក្រហមខេត្តបន្ទាយមានជ័យ និងប្រជាពលរដ្ឋ ១៦០នាក់ បាននាំគ្នាដង្ហែក្បួននៅតាមដងផ្លូវសាធារណៈក្នុងគោលបំណងបង្កើតនូវការយល់ដឹងអំពីការគោរពច្បាប់ចរាចរណ៍ ដោយផ្ដោតលើសារៈប្រយោជន៍នៃការពាក់មួកសុវត្ថិភាពចំពោះអ្នកបើកបរម៉ូតូនិងអ្នករួមដំណើរហើយនិងការមិនបើកបរក្រោមឥទ្ធិពលគ្រឿងស្រវឹង ចំពោះអ្នកប្រើប្រាស់យានយន្តគ្រប់ប្រភេទ សកម្មភាពផ្សព្វផ្សាយអំពីសុវត្ថិភាពចរាចរណ៍នេះ គឺជាការងារអាទិភាពមួយ ក្នុងចំណោមការងារអាទិភាពដទៃទៀត ដែលតែងតែអនុវត្តជាប្រចាំក្រោមការដឹកនាំរបស់លោកជំទាវប៊ុនរ៉ានីហ៊ុនសែន ប្រធានកាកបាទក្រហមកម្ពុជា ។
លោក អ៊ឹម ភាន់សុផល បាននិយាយបន្តថា៖ បើតាមរបាយការណ៍ឆ្នាំ២០១៣មានអ្នកស្លាប់ចំនួន ១.៩៥០នាក់ ក្នុងនោះស្លាប់ដោយម៉ូតូមានចំនួន ១.៣៧២នាក់ និងអ្នកស្លាប់ដោយគ្រឿងស្រវឹងមាន ២៩០នាក់ នៃអ្នកស្លាប់សរុប ក្នុងគ្រោះថ្នាក់ចរាចរណ៍នោះក្នុងប្រទេសកម្ពុជា មានមនុស្សស្លាប់ក្នុង១ថ្ងៃរហូតដល់១៥នាក់នៅលើដងផ្លូវជាតិនិងផ្លូវលំក្នុងប្រទេសកម្ពុជា គ្រោះថ្នាក់ស្លាប់ទាំងអស់នោះគឺ ជាយុវជន យុវនារី
វ័យក្មេងចាប់ពីអាយុ១៥ឆ្នាំដល់១៩ឆ្នាំ លោក អ៊ឹម ភាន់សុផល បាននិយាយបន្តថា ដើម្បីបញ្ជៀសនៃការគ្រោះថ្នាក់ចរាចរណ៍ដល់ប្រជាពលរដ្ឋនិងប្អូនៗយុវវ័យបន្តទៀតនោះ សូមបងប្អូនទាំងអស់និងប្អូនៗយុវវ័យត្រូវអនុវត្តច្បាប់ការផ្សព្វផ្សាយអប់រំ សាធារណៈរួមផ្សំជាមួយនឹងការចុះប្រតិបត្តិ ការរឹតបន្តឹងច្បាប់ជាប្រចាំដែលធ្វើឡើងដោយកម្លាំងនគរបាលចរាចរណ៍ជាតិនិងត្រូវចូលរួមចំណែកក្នុងការពារនិងសង្គ្រោះជីវិតរបស់ប្រជាជន ពីសោកនាដ្យកម្មដែលអាចការពារបានសម្រេចនូវគោលបំណងទសវត្សន៍សុវត្ថិភាពចរាចរណ៍ផ្លូវគោក ក្នុងការកាត់បន្ថយការស្លាប់នៅក្នុងប្រទេសកម្ពុជាឲ្យបាន៥០%នៅឆ្នាំ២០២០ខាងមុខនេះ និងតាមពាក្យស្លោករបស់សម្ដេចតេជោ ហ៊ុន សែន ថា " ថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍ឲ្យសោះ " ៕ 
