កំពង់ធំ៖ លោកអ៊ិត សុធា ព្រះរាជអាជ្ញា អមសាលាដំបូង ខេត្តកំពង់ធំ បានបញ្ជាឲ្យ កងរាជអាវុធហត្ថខេត្ត និង អធិការស្រុកកំពង់ស្វាយ សហការគ្នា ស្ទាក់ក្រុមចោរ ដែលកំពុងតែធ្វើសកម្មភាព លួចឡាន និងម៉ូតូរបស់ប្រជាពលរដ្ឋ នៅស្រុកកំពង់ស្វាយ ខេត្តកំពង់ធំ។
ការបង្រ្កាបនេះ ដឹកនាំដោយ លោក វរះសេនីយ៍ទោ ឃុន ប៊ុនហូ មេបញ្ជាការរងទទួលការងារស្រាវជ្រាវពត៌មាន សន្តិសុខ នៃកងរាជអាវុធហត្ថខេត្តកំពង់ធំ សហការជាមួយនឹង កម្លាំងអធិការប៉ូលិសស្រុកកំពង់ស្វាយ រួមទាំងមន្រ្តីក្រោមឳវាទចំនួន៤នាក់ ចុះធ្វើអន្តរាគមន៍ ស្ទាក់ចាប់ក្រុមចោរ មួយក្រុម ដែលកំពុងតែធ្វើសកម្មភាព គាស់ផ្ទះប្រជាពលរដ្ឋ ដើម្បីប៉ុនប៉ងលួចឡាន និងម៉ូតូ តែត្រូវបានកម្លាំងកងរាជអាវុធហត្ថ ស្ទាក់ចាប់បានឡាន និង ម៉ូតូមកវិញ នៅវេលាម៉ោង២ ១០នាទីរំលងអាធ្រាតឈានចូលថ្ងៃទី១៤ខែកញ្ញា ឆ្នាំ២០១៨ ។
កិច្ចប្រតិបត្តិការបង្ក្រាបករណីចោរលួចរថយន្តនិងម៉ូតូនៅចំនុចភូមិ ត្រពាំងឫស្សី ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ រលួចរថយន្តនិងម៉ូតូត្រូវកំលាំងកងរាជអាវុធហត្ថខេត្តកំពង់ធំបង្ក្រាបបាន ឃាត់បានរថយន្ត១គ្រឿង ម៉ាកតាកូម៉ា ពត៌ សរ សេរីឆ្នាំ 1999 ពាក់ស្លាកលេខភ្នំពេញ2L.55082/ កូនសោរចំរុះនៅក្នុងរថយន្តមួយចំនួន 3 / ម៉ូតូម៉ាក C125 សេរីឆ្នាំ2011ពត៌ខ្មៅបិទស្គុតពត៌លឿងពាក់ស្លាកលេខ កំពង់ធំ 1E .0716 ចំណែក ជនសង្សយ័បានរត់ចគេចខ្លួនបាត់។
លោក វរះសេនីយ៍ទោ ឃុន ប៊ុនហូ មេបញ្ជាការរងកងរាជអាវុធហត្ថខេត្តកំពង់ធំ បានមានប្រសាស៍ថា កាលពីយប់ថ្ងៃទី១៤ វេលាម៉ោង ១រំលោងអាធ្រាត មានក្រុមចោរមួយក្រុម បានធ្វើសកម្មភាព កាច់សោរគាស់ផ្ទះ ក្នុងគោលបំណងលួចឡាន ស្ថិតនៅក្នុងម្តុំភូមិត្រពាំងឬស្សី បានគាស់ទា្វឡានបាឡែនមួយគ្រឿង តែគាស់ ពុំបាន ក្រុមចោរបានប្តូរចិត្តគាស់ទ្វាចូលទៅលួចម៉ូតូ បានមួយគ្រឿង ក្នុងពេលនោះក៏មានគេឃើញសកម្មភាព ចោរលើកម៉ូតូដាក់ឡាន ក្រោយមកក៏មានប្រជាពលរដ្ឋ ដែលមានបំណងល្អ ខលមករាយការជូនកម្លាំង កងរាជអាវុធហត្ថ ដែលជាកូនប្រសាររបស់ម្ចាស់ផ្ទះ ទើបរាយការណ៍ ជូនលោក អ៊ិត សុធា ព្រះរាជអាជ្ញា ខេត្តកំពង់ធំ ឲ្យដឹកនាំកម្លាំងល្បាត ទើបកងកម្លាំងរាជអាវុធហត្ថ បានប្រទះឃើញរថយន្តមុខសញ្ញាក៏បានបើករថយន្តតាម តែរថយន្តមុខសញ្ញាក៏បានបើកទៅដល់ភូមិតារៀម ស្រាប់តែបើកបកក្រោយ ។
លោក វរះសេនីយ៍ទោ ឃុន ប៊ុនហូ បានបន្តថាក្រោយមកលោកបានដឹកនាំកម្លាំងបន្ថែម បូកជាមួយនឹងកម្លាំងអធិការស្រុកកំពង់ស្វាយ ដើម្បីស្ទាក់ចាប់រថយន្តប្រព្រឹត្តបទល្មើសនេះ តែក្រុមចោរបានបើកមកដល់ល្មាំងងាប់ក៏ចតឡានហើយនាំគ្នាចុះរត់អស់តែម្តង ដែលបានបន្សល់ឡានមួយគ្រឿង និងម៉ូតូមួយគ្រឿង ក្រោយពីបាននាំយកមកដល់ បញ្ជាការដ្ឋានកងរាជអាវុធហត្ថខេត្ត បានពិនិត្យទើបដឹងថា រថយន្ត មួយគ្រឿងនេះត្រូវបានក្រុមចោរលួចពីខេត្តកំពង់ស្ពឺ កាលពីថ្ងៃទី១២ ខែកញ្ញា ឆ្នាំ ២០១៨ ចំណែកម៉ូតូមួយគ្រឿងដែលនៅលើឡាន គឺបានលួចពីភូមិ ស្នោរ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ដូច្នេះក្នុងមួយយប់ចោរបានលួចម៉ូតូពីស្រុកកំពងស្វាយចំនួន៤ គ្រឿង ទី១ នៅភូមិស្នោរ ទី២ ភូមិថ្នល់បែក ទី៣ ភូមិ ត្រពាំងឬស្សី ទី៤ ភូមិត្រពាំងឬស្សី ស្ថិតនៅក្នុង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ តែយកម៉ូតូបានមកវិញ២គ្រឿង។ បច្ចុប្បន្នសមត្ថកិច្ច មន្ទីស្រាវជ្រាវ អ ហ ខេត្តកំពង់ធំ និងកម្លាំងប៉ូលិសនៃអធិការស្រុកកំពង់ស្វាយ បានដុតដៃដុតជើង បើកការស៊ើបអង្កេត ស្រាវជ្រាវរកមុខសញ្ញាដេម្បីចាត់ការតាមផ្លូវច្បាប់ រីឯរថយន្តនិងម៉ូតូរង់ចាំម្ចាស់យកឯកសារមកបញ្ជាក់ដើម្បីប្រគល់ជូនម្ចាស់ដើមវិញ។ដោយ ប៊ុន រដ្ឋា
