កំពង់ធំ៖ ថ្នាក់ដឹកនាំ នាយទាហាន នាយទាហានរង និងពលទាហាន ចំណុះឲ្យ បញ្ជាការដ្ឋានតំបន់ប្រតិបត្តិការសឹករងកំពង់ធំ បានសម្តែងនូវក្តីអាឡោះអាល័យ និងចូលរួមសោកស្តាយចំពោះ វរៈជនដ៏អង់អាច ក្លាហាន ដែលបានមរណភាពរបស់ ឯកឧត្តម ឧត្តមសេនីយ៍ឯក ជា ម៉ន មេបញ្ជាការយោធភូមិភាគទី៤ ធ្វើឲ្យថ្នាក់ដឹកនាំនិងពលទាហានទាំងអស់ មានអារម្មណ៍ក្តុកក្តួល ដែលបានបាត់បង់ថ្នាក់ដឹកនាំដ៏ល្អនិងបាន ដក់ជាប់ក្នុងក្រអៅបេះដូងរបស់យោធិនគ្រប់រូប។
ឯកឧត្តមឧត្ដមសេនីយ៍ឯក ជា ម៉ន មេបញ្ជាការរងកងទ័ពជើងគោក មេបញ្ជាការយោធភូមិភាគទី៤ បានទទួលមរណភាពដោយរោគាពាធ នៅវេលាម៉ោង៩,១០នាទី យប់ថ្ងៃទី២៣ ខែតុលា ឆ្នាំ២០១៨ បានធ្វើឲ្យយើងខ្ញុំទាំងអស់គ្នា មានទុក្ខយ៉ាងក្រៀមក្រំជាទីបំផុត ដោយសារតែ ឯកឧត្តម ជាមេបញ្ជាការដ៍អង់អាចក្លាហានក្នុងការសហការប្រយុទ្ធវាយរំដោះអាយុជីវិតប្រជាជនកម្ពុជាឲ្យរួចផុតពីរបបប្រល័យពូជសាសន៍ប៉ុល ពត និងការពារមិនឲ្យរបបនេះវឹលត្រឡប់មកវិញ រួមទាំងមានចិត្តស្មោះត្រង់ដាច់ខាតចំពោះជាតិ សាសនា និងព្រះមហាក្សត្រ ក្នុងនាមយើងខ្ញុំទាំងអស់គ្នា ជានាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ សូមបួងសួងដល់វិញ្ញាណក្ខន្ធឯកឧត្ដមបានទៅកាន់សុគតិភព។
ជាការពិតណាស់ ឯកឧត្តមឧត្ដមសេនីយ៍ឯក ជា ម៉ន ជាមេបញ្ជាការ ដែលមានចិត្តសណ្តោសប្រណី មានព្រហ្មវិហារធម៌ និងសេចក្ដីក្លាហាន ស្មោះត្រង់ក្នុងការប្រយុទ្ធការពារជាតិ សាសនា ព្រះមហាក្សត្រ និង សម្តេចតេជោហ៊ុន សែន ថ្នាក់ដឹក នាំមន្រ្តីរាជការ ប្រជាពលរដ្ឋ គោរពស្រឡាញ់រាប់អាន ព្រមទាំងបាន ចូលរួមរំលែកទុក្ខដ៏ក្រៀមក្រម ជាមួយ ក្រុមគ្រួសារសព ចំពោះការបាត់បង់ដ៏ធំធេង និងជាការសោកស្ដាយជាទីបំផុតសម្រាប់យើងខ្ញុំទាំងអស់គ្នា ជានាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ។
កន្លងមកនេះ ឯកឧត្តម ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ក៏តែងតែ សម្តែងនូវការនឹករលឹក ឯកឧត្តមឧត្ដមសេនីយ៍ឯក ជា ម៉ន និងបានដឹកនាំសហការី នៃថ្នាក់ដឹកនាំចំណុះឲ្យ បញ្ជាការតំបន់ប្រតិបត្តិការសឹករងកំពង់ធំ បានអញ្ជើញទៅសួរសុខទុក្ខ ក្នុងអំឡុងដែលឯកឧត្តម កំពុងសម្រាក់ព្យាបាលជំម្ងឺ នៅគេហដ្ឋានរបស់ឯកឧត្តមផ្ទាល់ ដើម្បីផ្តល់នូវកំលាំងចិត្ត និងទទួលយកនូវឳវាទល្អៗ ពីឯកឧត្តមមេបញ្ជាការ ក្នុងការន័យស្ថាបនាហេដ្ឋារចនាសម្ព័ន្ឋផ្ទៃក្នុងនៃអង្គភាពទាំងមូល រាល់ពាក្យពេជ្រដ៏មានតំលៃរបស់ឯកឧត្តម មេបញ្ជាការ ក្នុងនាមខ្ញុំជាមេបញ្ជាការតំបន់ប្រតិបត្តិការសឹករងកំពង់ធំ និងសូមគោរព ប្រតិបត្តិតាមការណែនាំ និងរក្សាសាមគ្គីភាព ឯកភាព ស្មោះត្រង់ និងធ្វើជាអ្នកដឹកនាំដ៏ល្អ និងសូម គោរពវិញ្ញាណក្ខន្ធឯកឧត្ដមបានទៅកាន់សុគតិភពចុះ។
ដោយ ប៊ុន រដ្ឋា
