កំពង់ធំ៖ ឯកឧត្តម ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនខេត្តកំពង់ធំ តំណាងឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គលេខាធិការងសមាគមអតីតយុទ្ធជនកម្ពុជា បានអញ្ជើញចុះប្រគល់រទេះរុញ រួមទាំងថវិកា មួយចំនួនដល់ អតីតយុទ្ធជនពិការ លោកអនុសេនីយ៍ឯកយឹម សាវុធ អាយុ៦០ ឆ្នាំ ជាមន្ត្រីនគរបាលចូលនិវត្តន៍ ហើយមានជម្ងឺឡើងសម្ពាធឈាមបណ្តាលឲ្យស្លាប់មួយចំហៀងខ្លួន កាលពីខែសីហា ឆ្នាំ២០១៨ កន្លងមកថ្មីៗនេះ ស្ថិតនៅ ឃុំក្រវ៉ា ស្រុកបារាយណ៍ ខេត្តកំពង់ធំ ។
រទេះរុញសម្រាប់ជនពិការមួយគ្រឿង និងជាអំណោយដ៏ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងជាប្រមុខរាជរដ្ឋាភិបាល បានផ្តល់រទេះរុញមួយគ្រឿង តាមរយះឯកឧត្តម ហ៊ុន ម៉ាណែត ជូនលោក យឹម សាវុធ អតីតជានាយរងប៉ុស្ត៍រដ្ឋបាល នៃអធិការដ្ឋាននគរបាល ស្រុកបារាយណ៍ បន្ទាប់ពីគាត់បានចូលនិវត្តន៍នៅថ្ងៃទី១០ ខែមិនាឆ្នាំ២០១៧ក៏បានធ្លាក់ខ្លួនពិការ និងបានសំណូមពរសុំ រទេះរុញ តាមរយះ សមាគមអតីតយុទ្ធជនស្រុកបារាយណ៍ សម្រាប់ជាយាន្តជំនិះងាយស្រួលក្នុងការធ្វើដំណើរនៅក្នុងភូមិ ។
ឈ្មោះយឺម សាវុធ បច្ចុប្បន្នរស់នៅភូមិលាវឃុំក្រវ៉ាស្រុកបារាយណ៍ មានប្រពន្ធឈ្មោះអ៊ុជ ញ៉ែ អាយុ54 មានកូនក្នុងបន្ទុកចំនួន2នាត់ស្រី១ នាក់ អតីតចូលបំរើកនគរបាល នៅថ្ងៃទី០៥ខែ ០៣ ឆ្នាំ ១៩៨១ នៅអធិការនគរបាលស្រុកបារាយណ៍ឋានៈអនុសេនីយ៍ឯក មានឈឺជម្ងឺលើសសម្ពាធឈាមបណ្ដាលឲ្យស្លាប់មួយចំហៀងខ្លួន ពុំអាចនិយាយបាន បច្ចុប្បន្នគាត់បានទទួលប្រាក់បៀវត្សប្រចាំខែចំនួន 1,130,000រៀល។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការរងយោធភូមិភាគទី៤ និងមេបញ្ជាការតំបន់ប្រតិបត្តិការ សឹករងកំពង់ធំ បានឆ្លើយតប និងដោះស្រាយតាមសំណូមពរ នៅរសៀលថ្ងៃទី០២ ខែវិច្ឆិកា ឆ្នាំ២០១៨ បានដឹកនាំសហការីយករទេះរុញមួយគ្រឿង ទៅផ្តល់ជូន លោក យឹម សាវុធ និងបានឧបត្ថម្ភថវិកាចំនួន ២០០,០០០ រៀល ផងដែរ ។
ដោយ ប៊ុន រដ្ឋា
