ប្រជាពលរដ្ឋចំណុះជើងវត្តសីហរតនារាម ដែលស្ថិតនៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ បានចូលរួមបញ្ចុះបឋមសិលា កសាងព្រះពុទ្ធសាងអំពីថ្មភក់ចំនួន២៨អង្គ និងមានការចូលរួមពីអ្នកតំណាងរាស្ត្រមកពូគណបក្សប្រជាជនកម្ពុជា គឺលោកជំទាវ និន សាផុន ប្រធាន
គណៈកម្មការទី៩ នៃរដ្ឋសភា ។
ការកសាងព្រះពុទ្ធដែលសាងអំពីថ្មភក់ចំនួន២៨ព្រះអង្គខាងលើ គឺផ្តើមកសាងឡើងដោយព្រះមង្គលទិព្វលោកមុនី យន វាសនា ព្រះគ្រូសូត្រស្តាំវត្តសីហរតនារាម និងជាព្រះបាឡាត់គុណខេត្ត ព្រះភិក្ខុបរមបណ្ឌិតោ សេង សុក្ខះ និងព្រះភិក្ខុគម្ភីរសារោ ស៊ន ឧត្តម ព្រមទាំងព្រះសង្ឃគ្រប់អង្គ អាចារ្យគណៈកម្មាការពុធ្ធបរិស័ទ ចំណុជើងវត្ត និងពុទ្ធបរិស័ទគ្រប់ទីកន្លែង ។
ព្រះមង្គលទិព្ធ យន វាសនា មានសង្ឃដិកាថា ឧទ្យាននេះកសាងលើទីលានទំហំ ២៤៥០ម២ និងចែកជា២៨ប្លង់ ហើយក្នុង១ប្លង់ តម្លៃ១៧៨៩ដុល្លារ ដែលមកដល់ថ្ងៃនេះ មានសប្បុរសជន ទទួលកសាងអស់ចំនួន៩ប្លង់ហើយ ។
ព្រះមង្គលទិព្វ បានមានសង្ឃដីកា បិណ្ឌបាតដល់សប្បុរជន ពុធ្ធបរិស័ទគ្រប់ទិសទី មេត្តាចាប់កុសលក្នុងការកសាង ឧទ្យានពុទ្ធបទុម ព្រះពុទ្ធ២៨អង្គ ក្នុងវត្តសីហរតនារាម ដើម្បីទុកឱ្យកូនចៅជំនាន់ក្រោយបានស្គាល់ និងបានយល់ពីព្រះពុទ្ធសាសនា ៕
