អ្នកចាំទី Victor Valdes នឹងធ្វើការពិនិត្យសុខភាពជាមួយក្លិប Monaco របស់បារាំងនៅ ថ្ងៃពុធក្រោយ ។
អ្នកចាំទីវ័យ៣២ឆ្នាំរូបនេះបានចាកចេញពីក្លិបអ្នកមានបុណ្យ Barcelona បន្ទាប់ពី កិច្ចសន្យារបស់គេត្រូវបានបញ្ចប់ហើយបច្ចុប្បន្ន Valdes នៅកំពុង
ព្យាបាលរបួសជង្គង់នៅឡើយ ដែលដោយសាតែរបួសជង្គង់ដ៏ធ្ងន់ធ្ងរនេះបានធ្វើឲ្យរូបគេខកខានមិនលេងក្នុងការប្រកួត World Cup នៅប្រទេសប្រេស៊ីល ។
កាលពីខែមុនមានសេចក្តីរាយការណ៍ជាច្រើនបានលើកឡើងថា Monaco បានបញ្ចប់ចំណាប់អារម្មណ៍របស់ខ្លួនលើការចង់បាន Valdes ដោយមានក្តីព្រួយបារម្ភថា របួសរបស់អ្នកចាំទីរូបនេះ អាចជាយឺតពេល ។ ប៉ុន្តែទោះបីជាយ៉ាងណាក៏ដោយ សារព័ត៌មាន Mundo Deportivo បានអះអាង ថា Valdes នឹងធ្វើការពិនិត្យសុខភាពជាមួយក្លិបបាល់ទាត់ក្នុងក្របខណ្ឌបារាំង Ligue 1 មួយនេះ នៅសប្តាហ៍ក្រោយ ។
គួរបញ្ជាក់ថា Valdes ត្រូវបានគេរំពឹងថា អាចនឹងខកខានមិនបានចូលចាំទីយ៉ាងតិចរយៈពេល២ខែដំបូងនៅរដូវកាលក្រោយ ៕
