ប្រេស៊ីលនៅតែរងបរាជ័យក្រោមស្នាដៃរបស់ក្រុមមកពីទ្វីបអឺរ៉ុបគឺហូឡង់ដោយ ក្រុមហូឡង់បានឆក់យកតំណែងលេខ៣ក្រោយបំបាក់ប្រេស៊ីលក្នុងលទ្ធផល៣-០ ។ ការប្រកួតលេងបានតែ៣នាទីប៉ុណ្ណោះ ក្រុមភ្ញៀវហូឡង់បានទទួលកាដូបាល់ប៉េណាល់ទីមួយគ្រាប់មុនដែលស៊ុតបញ្ចូលទីដោយខ្សែប្រយុទ្ធ Robin van Persie ។ មកដល់នាទីទី១៧កីឡាករ Daley Blind រកបានមួយគ្រាប់ទៀតឲ្យហូឡង់នាំមុខប្រេស៊ីល២-០ ។ ចប់តង់ទី១ហូឡង់នាំមុខ ប្រេស៊ីលបណ្តោះអាសន្ន២-០ ។ លុះការប្រកួតចូលដល់តង់ទី២ ក្រុមទាំងពីរមិនអាចធ្វើអ្វីគ្នាបានរហូតដល់នាទីទី៩០ទើបហូឡង់រកបានគ្រាប់ទី៣ដោយកីឡាករ Daley Blind ។ ចប់ការប្រកួតប្រេស៊ីលរងបរាជ័យក្រោមស្នាដៃ ហូឡង់៣-០ ។ គួរបញ្ជាក់ថា ការប្រកួតវគ្គផ្តាច់ព្រ័ត្ររវាងអាល្លឺម៉ង់និងអាហ្សង់ទីននឹងត្រូវធ្វើឡើងនៅម៉ោង២ រំលងអាធ្រាតនៅកីឡាដ្ឋាន Estadio do Maracana ៕
