ខេត្ដបាត់ដំបង ៖ តំបន់អភិរក្សឡូត៍ នេសាទលេខ៨ និងឡូត៍លេខ៩ ស្ថិតក្នុង ភូមិព្រៃចាស់ ឃុំបាក់ព្រា ស្រុកឯកភ្នំ ខេត្ដបាត់ដំបង ត្រូវបានបំផ្លាញដោយ ណរ៉ាវរាប់រយខ្សែបន្ថែមទៀតនៅថ្ងៃទី៦-៧ ខែកុម្ភៈ ឆ្នាំ២០១៤ ដោយប្រធាន សហគមន៍និងមន្ដ្រីសង្កាត់ជលផលថា អ្នកសារព័ត៌
មានថតផ្សាយយ៉ាងណាក៏ គាត់មិនឈឺក្បាលដែរ ។ តាមប្រភពប្រជានេសាទបានឱ្យដឹងថា ក្រោយពីសារព័ត៌មានចុះផ្សាយជាហូរ ហែរឿងបទល្មើសនេសាទក្នុងភូមិព្រៃ ចាស់កើនឡើងដោយលោក ពៅ ផៃ ប្រធានសហគមន៍ និងលោក នឹម សោម នាយសង្កាត់ជលផលបាក់ព្រាឃុបឃិតគ្នាយកប្រាក់ពីពួកល្មើសនេសាទចាប់ពី៥០ម៉ឺនរៀលរហូតដល់២លានរៀលក្នុង ១ខ្សែហើយមានរាប់រយខ្សែ ។
បទល្មើស មានរុញស៊ីប(ទូកមានម៉ាស៊ីនដាក់ស្បៃមងពីមុខរុញ) មានឈ្មោះ យូ ហាក់ ឈ្មោះ យូ ហុង និងកូនតាផុន គឺយប់ថ្ងៃទី៣និងទី៤ ខែកុម្ភៈ ក្នុងចំណុចឡូត៍លេខ ៩ដែនអភិរក្ស ។ ណរ៉ាវក្នុងដែនឡូត៍ លេខ៨ចំណុចអូរទំនាបឡូត៍៩ រហាល ទោលតំបន់ព្រែកនន់ និងក្នុងឡូត៍លេខ ១២តំបន់ព្រៃកក់ ។ នៅថ្ងៃទី៦ ទី៧ ខែកុម្ភៈ ឆ្នាំ២០១៤ ចំណុចអូរទំនាបឡូត៍ ៩រហាលទោលមានណរ៉ាវប្រហែល ៦០ខ្សែកំពុងដាក់រាយពេញផ្ទៃទឹកក្នុងដែនអភិរក្ស ។
ប្រជាពលរដ្ឋស្នើឱ្យថ្នាក់លើផ្លាស់ប្ដូរ ឈ្មោះ ពៅ ផៃ ប្រធានសហគមន៍ព្រៃ ចាស់និងលោក នឹម សោម នាយសង្កាត់ ជលផលបាក់ព្រាចេញ ព្រោះឈ្មោះ ពៅ ផៃ ប្រធានសហគមន៍ព្រៃចាស់នេះជា ឈ្មួញនិងមេកញ្ច្រែងទិញត្រីល្មើសច្បាប់ ហើយអ្នកមិនយកត្រីមកលក់ឱ្យខ្លួនទោះ ជាដាក់ស្បៃមងក៏ចាប់ដែរតែបើសែ ស្រឡាយទោះជាប្រព្រឹត្ដបទល្មើសក្នុង ដែនអភិរក្សក៏អាចរកស៊ីបានដែរ។ ចំណែកលោក នឹម សោម ប្រជា ពលរដ្ឋ ធ្លាប់រាយការណ៍ដល់ខណ្ឌជលផលហើយពីរឿងពុករលួយនេះតែនាយខណ្ឌមិន ចាត់ការសោះ ។
ឈ្មោះ ពៅ ផៃ ប្រធានសហគមន៍ ព្រៃចាស់មិនអាចទាក់ទងសុំការបំភ្លឺ បានទេ ។ ចំណែកលោក នឹម សោម នាយសង្កាត់ជលផលបាក់ព្រាមិនលើក ទូរស័ព្ទ ។ តាមប្រភពប្រជានេសាទបានបញ្ជាក់ ថា លោក នឹម សោម នាយសង្កាត់ជល ផលបាក់ព្រានៅថ្ងៃទី៧ ខែកុម្ភៈ ឆ្នាំ ២០១៤បានចុះទៅតំបន់ទាំងនោះតែមិនទាន់ឃើញធ្វើការបង្ក្រាបនៅឡើយ ។
ពាក់ព័ន្ធករណីនេះលោក ជួង សុភា នាយខណ្ឌជលផលបាត់ដំបងបានឱ្យដឹង ថា កំពង់ចុះបង្ក្រាបបទល្មើសនេសាទនៅ ថ្ងៃទី៦ ខែកុម្ភៈក្នុងគោលដៅឡូត៍នេសាទ លេខ២ សង្កាត់ជលផលព្រែកទាល់ ឃុំ កោះជីវាំង ស្រុកឯកភ្នំ ។ មតិខាងក្រៅបានរិះ គន់ថា សមត្ថ កិច្ចអសកម្មចំពោះការបង្ក្រាបបទ ល្មើស ហើយមមាញឹកក្នុងការប្រមូល ផលប្រយោជន៍ជាធំ ៕
