បន្ទាយមានជ័យ៖ ប្រជាពលរដ្ឋរស់នៅតាមបន្ទាត់ព្រំដែនកម្ពុជាថៃបានសម្តែងនូវក្តីព្រួយបារម្ភចំពោះសកម្មភាពអ្នករកស៊ីម៉ូតូក្តៅគេចពន្ធនាំចូលមកពីប្រទេសថៃតាមច្រករបៀងនានាក្នុងខេត្តបន្ទាយមាជ័យមកលក់នៅលើទីផ្សារកម្ពុជា ។ម៉ូតូគេចពន្ធទាំងនោះសុទ្ធសឹងតែប្រភេទម៉ូតូសេរីថ្មីពេញនិយមដូចជា៖(ស្កូពី អាយខុន ភីស៊ីអិច ឃ្លិក និងអេហ្សិតជាដើម ។ល។ )
ចំណែកប្រភពពីក្រុមអ្នករកស៊ីម៉ូតូក្តៅបានទម្លាយឲ្យដឹងថា៖ម៉ូតូសេរីទំនើបដែលនាំចូលពីប្រទេសថៃនោះមានតម្លៃយ៉ាងទាបបំផុតក៏ត្រឹម៣៧០០០បាតទៅ៥ម៉ឺនបាតដែរទៅតាមសេរីរបស់វា ។ហើយច្រករបៀងដែលនាំចូលម៉ូតូរួចពន្ធបានទាំងនោះមានរបៀងប៉ែកស្រុកមេឡៃត្រង់ចំណុចទន្សាយអើតស្ថិតក្នុងភូមិទន្សាយអើតឃុំទួលពង្រស្រុកមេឡៃខេត្តបន្ទាយមានជ័យ ។ ហើយមួយចំនួនទៀតនៅតំបន់បឹងត្រកួនស្រុកថ្មពក ស្រុកស្វាយចេកនិងស្រុកអូរជ្រៅ រួមទាំងក្រុងប៉ោយប៉ែតមួយចំនួនផងដែរ ។
ជាការពិតណាស់ម៉ូតូគេចពន្ធនៅតំបន់ខាងលើនេះក្នុងមួយយប់ៗមានការនាំចូលមិនតិចជាង៨០គ្រឿងទៅ១០០គ្រឿងនោះទេនេះបើតាមការឲ្យដឹងពីពលរដ្ឋនៅតាមបន្ទាត់ព្រំដែនបានប្រាប់ ។ ពាក់ពន្ធ័និងម៉ូតូគេចពន្ធដែលនាំចូលពីប្រទេសថៃតាមច្រករបៀងក្នុងខេត្តបន្ទាយមានជ័យ ត្រូវបានប្រជាពលរដ្ឋលើកឡើងថា៖បើសមត្ថកិច្ចមិនបង្ក្រាបនោះទេវារឹតតែធើ្វឲ្យបាត់បង់ប្រាក់ចំណូលពន្ធរដ្ឋយ៉ាងសន្ធឹកសន្ធាប់ក្នុង១ឆ្នាំៗ ។ ពាក់ពន្ធ័និងករណីខាងលើនេះលោក ចាប សុផារិទ្ធប្រធានការិយាល័យនគរបាលប្រឆាំងបទល្មើសសេដ្ឋកិច្ចនៃស្នងការដ្ឋានខេត្តបន្ទាយមានជ័យបានឲ្យដឹងនៅថ្ងៃសុក្រទី១៨ខែកក្កដាឆ្នាំ២០១៤ថា៖បញ្ហាម៉ូតូក្តៅរួចពន្ធខាងលើលោកមិនបានដឹងនោះទេ មន្ត្រីរូបនោះថាលោកនឹងតាមដានលើករណីរឿងនេះប្រសិនបើមានមែននោះលោកនឹងសហការបង្ក្រាប ។
ចំណែកក្រុមអ្នករកស៊ីម៉ូតូក្តៅទាំងនោះបានបង្ហើបមកថា៖ម៉ូតូ១គ្រឿងពួកគេត្រូវរៀបចំការដូជូនសមត្ថកិច្ចគ្រប់ស្ថាប័នក្នុងមានទាំងប៉ូលីសេដ្ឋកិច្ចខេត្តផងដែរ ហើយការដូនោះមិនក្រោមពីរ៥០ដូល្លារទេក្នុង១គ្រឿងៗ បើមិនស៊កសៀតខ្លះទេមុខជាត្រូវចាប់ផាក់ពិន័យធ្ងន់កហើយ ។ ចំណែកលោកកែវ វណ្ណារី មន្ត្រីគយក្រសួងប្រចាំការនៅចំណុចភូមិគាបសង្កាត់ទឹកថ្លាក្រុងសិរីសោភ័ណខេត្តបន្ទាយមានជ័យបានឲ្យដឹងដែរថា៖ច្រករបៀងខ្លាងាប់ស្រុកមេឡៃគឺជាតំបន់នាំម៉ូតូគេចពន្ធដ៏សកម្មចូលពីប្រទេសថៃ លោក ថាក្រៅពីតំបន់នោះក៏មានតំបន់ផ្សេងទៀតដែរ ក្នុង១ខែៗលោកបង្ក្រាបបានច្រើនមិនតិចជាង៥០គ្រឿងទៅ៦០គ្រឿងនោះឡើយ ។ 
ចំពោះកាតព្វកិច្ចពន្ធរដ្ឋដែលត្រូវបង់នោះម៉ូតូ១គ្រឿងតម្លៃស្មើនិង២,៨០០,០០០រៀល(ពីរលានប្រាំបីសែនរៀល)ជិត៧០០ដូល្លារនេះបើគិតជាមធ្យមភាគ១ឆ្នាំម៉ូតូគេចពន្ធដែលមន្ត្រីគយបង្ក្រាបបានពីឈ្មួញស្មើនិង៧២០គ្រឿង។ ដូច្នេះប្រាក់ចំណូលពន្ធរដ្ឋបានមកពីការបង្ក្រាបលើម៉ូតូរួចពន្ធនៅក្នុងខេត្តបន្ទាយមានជ័យនោះស្មើនិង៥០៤០០០ដូល្លារសហរដ្ឋអាមេរិកក្នុង១ឆ្នាំនេះបើតាមការអះអាងពីមន្ត្រីគយក្រសួងខាងលើ ។ បើទោះជាមានទណ្ហ័យករគ្រប់គ្រាន់ពីមន្ត្រីគយក្រសួងក៏ដោយចុះ ក៏លោកចាបសុផារិទ្ធនគរបាលប្រឆាំងបទល្មើសសេដ្ឋកិច្ចនៃស្នងការដ្ឋានខេត្តបន្ទាយមានជ័យ បានព្យាយាមបដិសេធនិងបិទបាំងបទល្មើសខាងលើទុក ដើម្បីទទួលលាភសការៈពីក្រុមអ្នកជួញដូរទាំងនោះ ។ ចំណែកលោក អាត់ ខែម ស្នងការបីជំនាន់នៃនគរបាលខេត្តបន្ទាយមានជ័យមិនអាចសុំការបំភ្លឺបានទេជុំវិញករណីម៉ូតូគេចពន្ធដូចបាក់ទំនប់នៅតាមខ្សែបន្ទាត់ព្រំដែនជាប់និងប្រទេសថៃនោះ ។
ដោយ៖ជាយដែន រូបលោកចាបសុផារិទ្ធប្រធានការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបជ ជនសង្ស័យម្នាក់ត្រួវសមត្ថកិច្ចប៉ុស្ត៏ឃាត់ខ្លួន ពីបទរំលោភសេពសន្ថវៈនារីគបានសម្រេច ខេត្តប៉ៃលិន ៖ ជនសង្ស័យម្នាក់ត្រូវសមត្ថកិច្ចប៉ុស្តិ៍នគរបាលរដ្ឋបាលសង្កាត់អូរតាវ៉ៅ ចាប់ឃាត់ខ្លួន ពីបទរំលោភសេពសន្ថវៈ នារីគម្នាក់រហូតបានសម្រេច ខណៈពេលនារីរងគ្រោះទៅងួតទឹកអូរម្នាក់ឯង ដែលប្រព្រិត្តកាលពីវេលាម៉ោង១១ និង១០នាទីព្រឹកថ្ងៃទី១៦ ខែកក្កដា ឆ្នាំ២០១៤ ស្ថិតក្នុងគុម្ពោតព្រៃ ក្បែរមាត់អូរ ក្នុងភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។ហេតុការចុះឃាត់ខ្លួនជនសង្ស័យនេះ បានកើតឡើង កាលពីវេលាម៉ោង២រសៀល ថ្ងៃទី១៧ ខែកក្កដា ឆ្នាំ២០១៤ ស្ថិតក្នុងខ្ទមស្នាក់នៅក្នុងភូមិកើតហេតុខាងលើ ។
ជនសង្ស័យដែលសមត្ថកិច្ចឃាតខ្លួនឈ្មោះ អ៊ឹម រដ្ឋា ហៅដឿន ភេទប្រុស អាយុ៣៣ឆ្នាំ មានប្រពន្ធ និងកូនអាយុ២ឆ្នាំរួចមកហើយ មានស្រុកកំណើតរស់នៅភូមិស្វាយទាប ឃុំស្វាយទាប ស្រុកចំការលើ ខេត្តកំពង់ចាម ។ ចំណែកឯនារីរងគ្រោះដែលជាមនុស្សគឈ្មោះ ហ.ហ អាយុ២៣ឆ្នាំ មានស្រុកកំណើតរស់នៅភូមិល្មើក ឃុំកូនរង ស្រុកបរិបូរណ៌ ខេត្តកំពង់ឆ្នាំង បច្ចុប្បន្នទាំងពីរនាក់ ជាកម្មករ ស្នាក់នៅបណ្តោះអាសន្នក្នុងរោងចម្ការក្បែរគ្នា ក្នុងភូមិ-ឃុំកើតហេតុខាងលើ ។ ប្រភពពីសាក្សី បានបង្ហើបឲ្យដឹងថា៖ មុនពេលកើតហេតុ នារីរងគ្រោះបានដើរទៅងួតទឹក ដោយធ្វើដំណើរតាមផ្លួវមានគ្នា២នាក់ ជានារីដូចគ្នា លុះដល់ផ្លួវកោងមើលគ្នាមិនឃើញ នារីរងគ្រោះបានដើរទៅងួតទឹកតែម្នាក់ឯង ចំណែកអ្នករួមដំណើរជាមួយទៅរក ចន្ចត់ត្រីបាត់ ។
ប្រភពបន្តថា៖ ក្រោយមកនារីរងគ្រោះ ក៏ឡើងមកកន្លែងស្នាក់នៅវិញ ហើយពីកន្លែងស្នាក់នៅទៅកន្លែងងួតទឹក មានចំងាយប្រហែល ១គឺឡូម៉ែត្រ ។ លោក គង់ សំណាង នាយប៉ុស្តិ៍នគរបាលរដ្ឋបាលសង្កាត់អូរតាវ៉ៅ បានប្រាប់អ្នកឆ្លើយឆ្លងកម្ពុជាថ្មីដឹងថា ក្រោយពីទទូលពាក្យបណ្តឹងបងស្រីនារីរងគ្រោះ ថាមានករណីរំលោភសេពសន្ថវៈ រហូតបានសម្រេច កម្លាំងរបស់លោក បានធ្វើការស្រាវជ្រាវ ចាប់ឃាត់ខ្លួនជនសង្ស័យ បានកាលពីវេលាម៉ោង២រសៀល ថ្ងៃទី១៧ ខែកក្កដា ឆ្នាំ២០១៤ ស្ថិតក្នុងខ្ទមស្នាក់នៅក្នុងភូមិកើតហេតុខាងលើ ។
លោកបន្តថា៖ តាមចម្លើយសារភាពរបស់ជនសង្ស័យបាននិយាយថា រូបគេបានចាប់រំលោភសេពសន្ថវៈនារីរងគ្រោះ ដែលជាមនុស្សគរនោះ រហូតបានសម្រេចម្តង ,ហើយក្នុងពាក្យបណ្តឹងមានការទាមទាឱ្យបង់ប្រាក់ចំនួន៣លានរៀលថ្លៃព្រហ្មចារី និងជម្ងឺចិត្ត។ បច្ចុប្បន្នជនសង្ស័យត្រួវ បានកម្លាំងប៉ុស្ត៏នគរបាលរដ្ឋបាលសង្កាត់អួរតាវ៉ៅ យកមកឃុំខ្លួនជាបណ្តុះអាសន្នក្នុងស្នងការដ្ឋាននគរបាលខេត្តប៉ៃលិន ដើម្បីរៀបចំសំណុំរឿងបញ្ចូនមកស្នងការខេត្ត ព្រមទាំងចាត់ការបន្ត៕
