កំបង់ឆ្នាំង៖ក្តីកង្វល់អំពីបញ្ហាអគ្គីសនី ទឹកស្អាត ក្មេងទំនើង ល្បែងស៊ីសង សណ្តាប់ធ្នាប់ទីផ្សារ បរិស្ថាន សេវាសុខមាលភាពត្រូបានប្រជាពលរដ្ឋសង្កាត់ប្អេរលើកឡើងជូនក្រុមការងារថ្នាក់ជាតិជួយដោះស្រាយនៅក្នុងវេទិកាសាធារណៈមួយបានធ្វើឡើងនៅរសៀលថ្ងៃទី១៧ ខែកក្កដា ឆ្នាំ២០១៤ ក្នុងវត្តក្តីត្នោត សង្កាត់ប្អេរ ក្រុងកំពង់ឆ្នាំង ដែលនៅក្នុងវេទិកាសាធារណៈមានការចូលរួមរបស់ លោក លោកជំទាវជូប៊ុនអេងអនុប្រធានក្រុមការងារថ្នាក់ជាតិចុះខេត្តកំពង់ឆ្នាំងជាប្រធានក្រុការងារចុះជួយក្រុងកំពង់ឆ្នាំងនិងជារដ្ឋលេខាធិការក្រ សួងមហាផ្ទៃ។ នៅក្នុងវេទិកានេះតំណាងប្រជាពលរដ្ឋជាច្រើនាក់ បានលើកឡើងអំពីក្តីកង្វល់របស់ពួកគាត់និងសំ ណូមពរដល់គណៈអធិបតីជួយដោះស្រាយដូចជា៖ បញ្ហាអគ្គីសនី ទឹកស្អាត ក្មេងទំនើង ល្បែងស៊ីសង សណ្តាប់ធ្នាប់ទីផ្សារ បរិស្ថាន សេវាសុខភាពប្រជាពលរដ្ឋ សាវាសាធារណៈ និងបញ្ហាមួយចំនួនទៀត នៅក្នុងមូលដ្ឋាន។ 
ឆ្លើយទៅនឹងក្តីកង្វល់របស់ប្រជាពលរដ្ឋ តំណាងមន្ទីរពាក់ពន្ធ័មួយចំនួនបានឡើងដោះស្រាយជូនប្រជាពលរដ្ឋដោយផ្អែកលើផ្លូវច្បាប់ ធ្វើអោយចម្ងល់និងសំណូមពរមួយចំនួនត្រូបានដោះស្រាយរួច។ ទាក់ទងនិងសំណូមពរខាងលើរបស់ប្រជាពលរដ្ឋ លោកជំទាវ ជូ ប៊ុនអេង បានមានប្រសាសន៍ថា៖ ចំពោះបញ្ហាតម្លៃ សុខាភិបាល គឺក្រុមការងារថ្នាក់ជាតិបានណែនាំទៅមណ្ឌលសុខភាពឃុំ ត្រូវបិទតម្លៃជាសាធារណៈអោយ ប្រជាពលរដ្ឋដែលគាត់ចូលទៅព្យាបាលទាំងនោះបានដឹងអំពីតម្លៃផង បញ្ហាល្បែងស៊ី សង គឺសូមអោយបងប្អូនប្រជាពលរដ្ឋ ត្រូវសហការជាសមត្ថកិច្ច ដើម្បីចូលរួមទប់ស្កាត់ទាំងអស់គ្នា ហើយចំពោះបញ្ហាផ្សេងៗទៀតលោកជំទាវនិងទទួលយកទាំងអស់ ដើម្បីធ្វើការសិក្សាដោះស្រាយជូនប្រជាពលរដ្ឋជាក្រោយជាមួយអាជ្ញាធរមូលដ្ឋាននិងអង្គភាពពាក់ពន្ធ័។
លោកជំទាវបានមានប្រសាសន៍បន្តទៀតថា៖រាជរដ្ឋាភិបាលដែលដឹកនាំគណបក្សប្រជាជនកម្ពុជា តែងតែគិតគូរដល់បងប្អូនជានិច្ច ហើយរដ្ឋាភិបាល មិនចង់អោយប្រជាពលរដ្ឋក្រីក្រនោះទេ ទាំងកម្មករ កម្មការិនី មន្ត្រីរាជការ ប៉ុន្តែ ការដោះស្រាយផ្អែកទៅលើកំណើនសេដ្ឋកិច្ចជាតិ។ ដូច្នេះប្រជាពលរដ្ឋត្រូវតែមាន ជំនឿទុកចិត្តលើប្រមុខរាជរដ្ឋាភិបាលដឹកនាំដោយគណៈបក្សប្រជាជន ដែលក្នុងរយះពេលជាង៣០ឆ្នាំមកនេះបានខិតខំអភិវឌ្ឍន៍លើគ្រប់វិស័យតាំងពីបាតដៃទទេ រហូតមានអ្វីៗគ្រប់បែបយ៉ាងគឺឃើញច្បាស់នឹងភ្នែកដូចសព្វថ្ងៃនេះ និងបានផ្សះផ្សាជាតិបញ្ចប់បានភ្លើងសង្គ្រាមកាប់សម្លាប់ខ្មែរនិងខ្មែរ ទទួលបានសុខសន្តិភាពពេញផ្ទៃប្រទេស ហើយបានប្រកាន់យកគោលការណ៍លទ្ធិប្រជាធិប្បតេយ្យសេរីពហុបក្ស ក្នុងការដឹកនាំប្រទេសជាំតិ។
ដោយឡែកគណៈបក្សមួយចំនួនដែលបានតែដើរសន្យានោះ និងធ្វើអោយសណ្តាប់ធ្នាប់សន្តិសុខក្នុងខេត្ត ក្រុង ច្របូកច្របល់ជិត១ឆ្នាំមកនេះ តើពួកគេបានធ្វើអ្វីខ្លះ សំរេចបានអ្វីខ្លះ ជូនប្រជាពលរដ្ឋនិងសង្គមជាតិ ក្រៅពីការចង់ផ្តួលរំលំរដ្ឋាភីបាលស្របច្បាប់ និងធ្វើបាតុកម្មវាយវាយខ្មែរដូចគ្នានោះ។ ដូច្នេះសូមប្រជាពលរដ្ឋយើងពិចារណាអោយបានច្បាស់លាស់ កុំចាញ់ការញុះញង់ឃោសនារបស់ពួកគេអោយសោះ ដែលធ្វើអោយប្រទេសជាតិវឹកវ រអសន្តិសុខ ច្របូក ខាតបង់កិច្ចការងារ ពេលវាលានិងមុខខរបររកស៊ីរបស់យើងទាំងអស់គ្នា៕
