ក្លិបកាំភ្លើងធំ Arsenal កំពុងតែធ្វើការពិភាក្សារជាមួយក្លិប Southampton លើការផ្ទេរខ្សែបម្រើ គឺកីឡាករ Morgan Schneiderlin ។ ក្លិបកាំភ្លើងធំបានធ្វើការទាក់ទងជាមួយកីឡាករសញ្ជាតិបារាំងរូបនេះជាយូរណាស់មកហើយ ហើយក្លិបបាននឹងកំពុងបញ្ចុះបញ្ចូលខ្សែបម្រើរូបនេះឲ្យផ្លាស់មកកាន់ទឹកដី Emirates ។
យោងតាមគេហទំព័រ Goal.com បានផ្សព្វផ្សាយថា ក្លិប Arsenal និង Southampton កំពុងតែពិភាក្សារជាមួយគ្នាលើការផ្ទេរកីឡាករ Schneiderlin ដែលក្លិប Arsenal បានដាក់សំណើរប្រមាណ ១៥លានផោនប៉ុន្តែ Southampton ចង់ឲ្យ Arsenal ចំណាយប្រមាណ១៨លានផោនសម្រាប់ ខ្សែបម្រើរូបនេះ ។ គួរបញ្ជាក់ថា មកដល់ពេលនេះក្លិប Southampton បានលក់កីឡាករអស់៣នាក់ហើយគឺ Rickie Lambert, Luke Shaw និង Adam Lallana ៕
