ជិះម៉ូតូប៉ះគ្នាបន្តិចបន្តួចសោះ វាយគ្នាបណ្តាលឲ្យរងរបួសទាំងសងខាង

ភ្នំពេញ៖ យុវជន៤នាក់ជិះម៉ូតូ២គ្រឿងវ៉ាគ្នាទៅវិញទៅមក ហើយប៉ះគ្នាបន្តិចបន្តួចសោះ បានឈប់​ម៉ូតូ​វាយគ្នា​បណ្តាលឲ្យរងរបួសបែក​ក្បាលហូឈាមស្រោចខ្លួនទាំងសងខាង ផ្អើលដល់ប្រជាពលរដ្ឋ​ដែលនៅក្បែរ ​ចោមរោមមើល កាលពីវេលាម៉ោង២៣និង១០នាទី

ថ្ងៃទី២០ ខែកក្ដដា ឆ្នាំ២០១៤​ នៅ​ចំណុចខាងជើង​ផ្លូវរទះភ្លើង តាមបណ្តោយផ្លូវលេខ៥៨៩ ស្ថិតក្នុងសង្កាត់បឹងកក់ទី២ ខណ្ឌទួលគោក។

            តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន៤នាក់ ជិះម៉ូតូពីគ្រឿងប្រដេញគ្នាតាមបណ្តោយផ្លូវលេខ៥៩៨ ក្នុងទិសដៅពីត្បូងទៅជើង  ខណៈមកដល់ចំណុ​ច​ខាងជើងផ្លូវរទះភ្លើង ​ក៏បានស្រែកជេគ្នាទៅវិញទៅមក​ ហើយឈប់ម៉ូតូវាយគ្នា​ដោយភាគីម្ខាងមានដំបងនិងម្ខាងប្រដាប់ដោយដំថ្ម ធ្វើឲ្យផ្អើលដល់ប្រជាពលរដ្ឋដែលនៅក្បែរ រាយ​ការណ៍ទៅសមត្ថកិច្ចចុះអត្ត​រាគមន៍ភ្លាមៗ។

            ជនរងគ្រោះរងគ្រោះឈ្មោះពេជ្រ រី ភេទប្រុស អាយុ៣០ឆ្នាំ មុចរបងជាជាងសំណង ស្នាក់នៅ​ម្តុំ​ផ្សារទួលទំពូង មានស្រុកកំណើតនៅខេត្តកំពត់ ទី២ឈ្មោះ គឹម ដារិទ្ធ ភេទប្រុស អាយុ ៣០ឆ្នាំ មុខរបធ្វើការក្រុមuggech ស្នាក់នៅសង្កាត់ភ្នំពេញថ្មី ខណ្ឌសែនសុខ ទី៣ឈ្មោះ សុខ មុន្នា ភេទប្រុស អាយុ២៣ឆ្នាំ ជានិស្សិត នៅសកលវិទ្យាល័យ ពាណិជ្ជសាស្រ្ត ស្នាក់នៅសង្កាត់ស្ទឹងមានជ័យ ខណ្ឌមានជ័យ។

            តាមការរៀបរាប់ពីឈ្មោះពេជ្រ រី បានឲ្យដឹងថា មុនពេលកើតហេតុ គេបានជិះម៉ូតូមួយគ្រឿង​ម៉ាកសងកូរ៉េ ធ្វើដំណើរតាមបណ្តោយផ្លូវលេខ៥៩៨ ក្នុងទិសដៅពីត្បូងទៅជើង ដែលទើបនិងចេញពី​កន្លែងផឹកស៊ី ហើយគោលបំណងទៅបន្តទៅចូលខាងរាអូខេ មួយកន្លែងទៀត ខណៈមក​ដល់​ចំណុច​កើតហេតុមានម៉ូតូសេ១២៥ មួយគ្រឿងពណ៌ខ្មៅ ពាក់ស្លាកលេខភ្នំពេញ1AM-4746 ធ្វើដំណើរស្របគ្នា ហើយបានវ៉ាគ្នាទៅវិញទៅមកនិងឌឺដាក់គ្នា ដោយម្នាក់ទ្រាំមិនបាន ក៏ឈប់ម៉ូតូ​រាងខ្លួន ហើយដេញ​វាយ​គ្នា តាមដងផ្លូវសាធារណៈ ផ្អើលដល់ប្រជាពលរដ្ឋ ដែលនៅក្បែផ្អើលមកមើល ។

            ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ និងនាំភាគីទាំងសងខាង រួមទាំងម៉ូតូ ទៅអធិការដ្ឋាននគរបាលខណ្ឌទួលគោក ដើម្បីដោះស្រាយតាមច្បាប់ ។

គួបញ្ជាក់ថា​ទាក់ទិននិង​ហេតុការណ៍បណ្តាលមកពីពួកគេទាំងសងខាងស្រវឹង​ស្រាជោគ​ជាំ​ទើបបង្កឲ្យមានជំលោះបែបនេះ៕