ក្លិបបិសាចក្រហម Manchester United បានប្រកាសថា ខ្សែការពារ Patrice Evra បានសម្រេចចិត្ត ផ្លាស់ទៅកាន់ក្លិបសេះបង្កង់ Juventus នៅក្របខណ្ឌប្រទេសអ៊ីតាលី ។ កីឡាករសញ្ជាតិបារាំងវ័យ៣៣ឆ្នាំរូបនេះបានចុះកិច្ចសន្យារយៈពេល២ឆ្នាំជាមួយក្លិបជើងឯកអ៊ីតាលីក្នុងតម្លៃ ប្រមាណ៩៥០,០០០ផោន ។ Evra បានសម្រេចចិត្តចាកចេញពីក្លិប Manchester United បន្ទាប់ពីលេងនៅទឹកដី Old Trafford ទទួលបាន ជោគជ័យអស់រយៈពេល៨ឆ្នាំ ។
Evra បានប្រាប់គេហទំព័ររបស់ក្លិប Manchester United ថា “ខ្ញុំបានសម្រេចចិត្តថា នេះជាពេលដែលខ្ញុំ ត្រូវចាកចេញពី Manchester United វាជាការសម្រេចចិត្តដ៏ធំបំផុតមួយក្នុងអាជីពរបស់ខ្ញុំ ហើយក្លិបមួយនេះតែងតែ ដក់ជាប់ក្នុងបេះដូងរបស់ខ្ញុំជានិច្ច” ។ គួរបញ្ជាក់ថា អំឡុងពេលលេងឲ្យ Manchester United Evra បានឈ្នះជើងឯក Premier League ចំនួន៥លើក League Cups ៣ លើកនិង Champions League ចំនួន១លើក ៕
