ក្លិបមហាកំផែង Stoke City បានឈានដល់កិច្ចព្រមព្រៀងលើការទិញយកខ្សែប្រយុទ្ធ Bojan ពីក្លិបអ្នកមានបុណ្យ Barcelona ក្នុងកិច្ចសន្យារយៈពេល៤ឆ្នាំ ។
កីឡាករវ័យ២៣ឆ្នាំរូបនេះបានធ្វើដំណើរមកដល់កីឡាដ្ឋាន Britannia Stadium រួចរាល់ហើយដើម្បីធ្វើការពិនិត្យសុខភាពប៉ុន្តែក្លិបមិនបានបញ្ជាក់ពីតម្លៃខ្លួននោះទេ ។
Bojan បានចាកចេញពី Barcelona ក្នុងឆ្នាំ២០១១ដើម្បីទៅលេងឲ្យក្លិប Roma និង AC Milan ហើយរូបគេក៏បានវិលត្រឡប់មកកាន់ទឹកដី Camp Nou វិញកាលពីរដូវកាលមុនប៉ុន្តែភ្លាមៗនោះ Bojan ក៏ត្រូវបានក្លិប Ajax ខ្ចីជើងពី Barcelona បន្តទៀតនៅរដូវកាល២០១៣-២០១៤ ។
គ្រូបង្វឹកក្លិប Stoke លោក Mark Hughes បានប្រាប់អ្នកសារព័ត៌មានថា “Bojan បានព្រមព្រៀងផ្លាស់មកកាន់ក្លិបនេះ ហើយកីឡាកររូបនេះនឹងមានអនាគតក្នុងក្របខណ្ឌ Premier League” ។
គួរបញ្ជាក់ថា ក្លិប Stoke នឹងត្រូវធ្វើការប្រកួតលក្ខណៈមិត្តភាពអន្តរជាតិមុនបើករដូវកាលជាមួយក្លិបមកពី អាល្លឺម៉ង់គឺ ក្លិប 1860 Munich នៅថ្ងៃសៅរ៍នេះ ៕
