បន្ទាយមានជ័យ៖ ស្ពានមិត្តភាពកម្ពុជាថៃសម្រាប់រថភ្លើងឆ្លងកាត់ពីកម្ពុជាថៃឡង់នៅព្រំដែនកម្ពុជាថៃក្រុងប៉ោយប៉ែតខេត្តបន្ទាយមានជ័យនឹងបើកការដ្ឋានស្ថាបនានៅថ្ងៃសុក្រទី២៥ខែកក្កដាឆ្នាំ២០១៤ស្អែកនេះក្រោមអធិបតភាពដ៏ខ្ពង់ខ្ពស់ ឯកឧត្តម អួន សុង អនុរដ្ឋលេខាធិការក្រសួង
សាធារណៈការនិងដឹកជញ្ជូនតំណាងភាគីកម្ពុជា ចំណែកភាគីថៃមានការចូលរួមក្នុងពិធីសម្ភោធស្ពានមិត្តភាពនេះដោយអនុរដ្ឋមន្ត្រីស្តីទីនៃក្រសួងសាធារណការនិងដឹកជញ្ជូនមួយអន្លើដោយមន្ត្រីពាក់ពន្ធ័ជាច្រើនរូបទៀត ។ ស្ពានសម្រាប់រថភ្លើងឆ្លងកាត់ដែលនឹងស្ថាបនានៅដើមខែសីហាឆ្នាំ២៩១៤ខាងមុខនេះគឺជាការខិតខំប្រឹងប្រែងរវាងថ្នាក់ដឹកនាំប្រទេសកម្ពុជានិងថ្នាក់ដឹកនាំរបស់រាជាណាចក្រថៃឡង់ ហើយទន្ទឹមនឹងឈានដល់បើកការដ្ឋានស្ថាបនានេះឡើងគឺ ភាគីទាំងពីរបានតស៊ូយ៉ាងស្វិតស្វាញ ក្នុងចុះមកត្រួតពិនិត្យនិងស្វែងលើការសិក្សាគំរោស្ថាបនា ។
ជាការពិតណាស់ស្ពានថ្មីដែលនឹងចាប់ស្ថាបនាឡើងតាមគំរោងរបស់រាជរដ្ឋាភិបាលទាំងពីរបានឯកភាពគ្នានោះគឺសាងសង់តាមស្តង់តាចាស់ទាំងស្រុងដែលមានប្រវែង៤៣ម៉ែត្រប៉ុន្តែស្ថាបនាថ្មីនឹងបន្ថែម០២ម៉ែត្រទៀត៤៥ម៉ែត្រ ចំណាយថវិកាសរុបអស់ជាង៣០លានបាតប្រាក់ថៃដែលជាថវិការបស់រាជាណាចក្រថៃឡង់ទាំងស្រុង ។ លោក ចាន់សំឡេង នាយករងទទួលបន្ទុកផ្លូវដែកខាងកម្ពុជា ធ្លាប់បានប្រាប់ឲ្យដឹងកាលពីកន្លងទៅថា៖ភាគីកម្ពុជាយើងបានស្ថាបនាផ្លូវដែកជិតរួចរាល់អស់ហើយ ។
លោកថា៖នៅសេស់សល់ត្រឹមតែ០២គីឡូម៉ែត្រទៀតប៉ុណ្ណោះពីចំណុចតភ្ជាប់ព្រំដែនថៃឆ្ពោះទៅកាន់ក្រុងសិរីសោភណ័ខេត្តបន្ទាយមានជ័យនោះ ។ ចំណែកសារៈប្រយោជន៏នៃផ្លូវរថភ្លើងបន្ទាប់យើងបានស្ថាបនាស្ពានមិត្តភាពនេះរួចនឹងសាកល្បងឲ្យដំណើរការរថភ្លើងផ្លូវខ្លីឆ្លងកាត់ពីក្រុងសិរីសោភណ័ខេត្តបន្ទាយមានជ័យនិងស្រុកអារញ្ញខេត្តស្រះកែវប្រទេសថៃ ។ ពាក់ពន្ធ័និងការបើកសម្ភោធស្ថាបនាស្ពានរថភ្លើងកម្ពុជាថៃនេះប្រជាពលរដ្ឋរវាងប្រទេសទាំងពីរបានសម្តែងនូវការសប្បាយចិត្តខណៈពួកគេបានឃើញសមិទ្ធផលដែលនឹងផុសឡើងក្នុងពេលដ៏ខ្លីខាងមុខនេះជាក់ជាមិនខាន ។
ក្រុមប្រជាពលរដ្ឋទាំងនោះខ្លះនិយាយថាថ្ងៃក្រោយកូនចៅរបស់ពួកគេនឹងកាត់បន្ថយការចំណាយលើសេវាជិះរថយន្តក្រុងទៀតហើយជាមួយគ្នានេះដែរ ពលរដ្ឋខ្លះទៀតក៏សង្ឃឹមថាគេនឹងបានដឹកជញ្ជូនទំនិញចេញចូលរវាងប្រទេសទាំងពីរបានដោយងាយហើយពួកគេនឹងធើ្វដំណើរដ៏វែងឆ្ងាយពីរាជធានីភ្នំពេញឆ្ពោះទៅកាន់រាធានីបឹងកកបានផងដែរ ។ បើទោះជាមានការសង្ឃឹមសំណាក់ប្រជាពលរដ្ឋរនៃប្រទេសទាំងពីរថានឹងបានធើ្វដំណើរលើដងវិថីផ្លូវដែកដ៏វែងឆ្ងាយនេះក៏ដោយចុះសម្រាប់ផ្លូវរថភ្លើងខាងកម្ពុជាវិញហាក់ទៅមិនដល់ថយក្រោយមិនរួចនៅឡើយទេ ចំណែកផ្លូវដែកខាងភាគីថៃវិញគឺបានដំណើរការរួចរាល់អស់ទៅហើយ នៅឡើយតែខាងកម្ពុជា ដែលជាប់ជំពាក់និងអំពើពុករលួយ លើបញ្ហាដោះស្រាយផលប៉ះពាល់អ្នកដែលរស់នៅលើដីចំណីផ្លូវរថភ្លើងនោះ ។
