បន្ទាយមានជ័យ: មេបញ្ជាការថ្មីនៃអ.ហក្រុងប៉ោយប៉ែតបានចូលកាន់តំណែងហើយកាលពីថ្ងៃទី២៤ កក្កដា ជំនួសកៅអីទំនេរជាងកន្លះខែមកនេះ។ លោកអនុសេនីយ៍ឯក ជា ដា ជាអតីតមេបញ្ជាការរងកងរាជអាវុធស្រុកអូរជ្រៅតាំងពីបង្កើតស្រុកនេះ រួចដល់បំបែកជាក្រុងប៉ោយប៉ែត
ផង ស្រុកអូរជ្រៅផងនោះ បានឡើងជាមេញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ហើយនៅថ្ងៃទី ២៤ កក្កដា ឆ្នាំ២០១៤នេះ។ កន្លងមកគេបានស្គាល់លោកនៅមើលដីធ្លី នៅបន្ទាយមានជ័យ អោយ លោកប៉ោ វណ្ណះ មេបញ្ជាការអ.ហខេត្តបាត់ដំបងផងដែរ។ លោកបេ្តជ្ញាចិត្តពង្រីងសាមគ្គីភាព ឯកភាព មិនរើសអើង និងទទួលខុសត្រូវចំពោះតួនាទី ភារកិច្ចព្រមទាំងបម្រើពលរដ្ឋ។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ រំលីកទុក្ខសោកស្តាយ មេអ.ហក្រុងចាស់ លោក ហម ម៉ុត បានស្លាប់កាលពីថ្ងៃទី ៨ កក្កដា ២០១៤កន្លងមក។ហើយបានរំលីកស្នាដៃបន្សល់ទុក។ លោកមេបញ្ជាការក៏ផ្តាំផ្ញើដល់ លោក ជា ដា មេថ្មីត្រូវធានាអនុវត្តតាមពាក្យសំដីប្តេជ្ញារបស់ខ្លួន ពិសេសត្រូវ"ធ្វើជាមេមាន់ចេះការពារកូន ហើយត្រូវបណ្តើរកូនមាន់ "។ ហើយចៀសវាងអោយបាននូវអគតិ ប្រកាន់បក្ខពួក៕
