បន្ទាយមានជ័យៈ អ្នកស្រុករួមទាំងពុទ្ធបរិស័ទ មន្ដ្រីអាជ្ញាធរ និងនគរបាល នៅឃុំភូមិថ្មី ស្រុកថ្មពួក ផ្អូកផ្អើលតៗគ្នាថា ព្រះគ្រូចៅអធិការវត្តប្រាសាទរលំជ្រៃ ឃុំភូមិថ្មី ស្រុកថ្មពួក ខេត្តបន្ទាយមានជ័យ បានទាក់ទងប្រតិព័ទ្ធនីងប្រពន្ធកូនស្រីអ្នកស្រុក ចំពេលមានប្ដីប្រពន្ធ១គូមិនចុះសម្រុងដំណេកគ្នា ហើយប្ដីទ្រាំមិនបានក៏ចុះចោល១រយៈ។ 
តែព្រះគ្រូចៅអធិការបដិសេធហើយ ថាស្ដ្រីនោះខ្លួនធ្លាប់ស្រឡាញ់កាលនៅក្រមុំ ទើបឥឡូវដំបៅចាស់បានរើឡើងវិញ។ ទុំ ថាត ជាឪពុក និងតែ សៅរ៉ី ជាម្ដាយនៃកូនប្រុសប្រាប់ថាៈ កូនប្រុសបង្កើតខ្លួនឈ្មោះ ទុំ វិរៈ អាយុ ២៣ ឆ្នាំ លំនៅភូមិថ្មីលិច ឃុំភូមិថ្មី បានរៀបការកាលពីខែ កុម្ភៈ ឆ្នាំ ២០១៤ នឹងកូនស្រីឈ្មោះ វ៉ាន់ ពិសី អាយុ ២០ ឆ្នាំ ជាកូនរបស់ឈ្មោះ វ៉ាន់ សាវឿន ជាឪពុក និងឈ្មោះ ហាក់ ហឿប ជាប្រពន្ធនៅភូមិគោកស្វាយ ឃុំភូមិថ្មី។
ក្រោយរៀបការកូនប្រុសទៅរស់នៅខាងស្រី សុខសប្បាយធម្មតា តែ២ទៅ៣ ខែចុងក្រោយចេះតែរកាំរកូស និងទៅជារឿងជ្រៅទៅៗក្លាយជាមន្ទិលសង្ស័យខ្លាំងព្រោះកូនស្រីពុំព្រមចុះដំណេកហើយដេកបែរខ្នងដាក់កូនប្រុសបែបសោះអង្គើយដោយយកលេសថា នាងមិនស្រួលខ្លួនឬស្រីៗមករដូវរហូត។ កូនប្រុសឆ្ងល់ខ្លាំងណាស់ត្បិតជាក់ស្តែងកូនស្រីមើលទៅដូចតែមានសុខភាពល្អធម្មតាសោះ ឬក៏មានសាហាយស្មន់នឹងប្រុសណា ទើបធ្វើតោះតើយយ៉ាងនេះ? ទុំ វិរៈ អាយុ ២៣ ឆ្នាំជាកូនប្រុសនិយាយប្រាប់ដែរថា ខ្លួនដឹងថាប្រពន្ធខ្លួនឈ្មោះ វ៉ាន់ ពិសី អាយុ ២០ ឆ្នាំធ្លាប់ត្រូវលោក (គ្រូចៅអធិការវត្តរលំជ្រៃព្រះនាម ហី សុផល្លីន ( ង៉ុយ)ស្រឡាញ់កាលនៅក្រមុំ។តែខ្លួនក៏ស្រឡាញ់ដែរ ក៏បានអោយម៉ែឪចូលស្ដីដណ្ដឹងនិងរៀបការជាប្ដីប្រពន្ធមុនលោកទៅ។ទោះយ៉ាងណាខ្លូនដូចជា យកបេះដូងស្រឡាញ់ស្មោះពីនាងមិនទាន់បានទេ។តែក៏មិនបានចោទប្រកាន់លើលោកនោះដែរ។
គ្រាន់តែឆ្ងល់និងហួសចិត្តថា ប្រពន្ធលួចនិយាយទូរស័ព្ទយូរៗទៅណាមិនដឹង ហើយបើប្រពន្ធដេកបែរខ្នង មិនចុះដំណេកនឹងខ្លួន ២ទៅ៣ខែមករហូត គួរគិតយ៉ាងណា? ។ពេលសួរនាងថា មករដូវ អត់ស្រួលខ្លួនរហូត ។ដោយពិភាល់ក្នុងចិត្តគិតថា តិចលោ ប្រពន្ធមានមានសាហាយស្មន់នឹងប្រុសណាទេដឹង? ចម្ងល់នេះត្រូវ លោកវ៉ាន់ សារឿន ជាឪពុក និងអ្នកស្រី ហាក់ ហឿប ជាម្ដាយរបស់កូនស្រីឈ្មោះ វ៉ាន់ ពិសី អាយុ ២០ ឆ្នាំ នៅភូមិគោកស្វាយ ឃុំភូមិថ្មី ប្រាប់ដែរថា :កាលលើកកូនស្រីអោយកូនប្រុសនេះ ពូកខ្លួនយកថ្លៃខាន់ស្លា(បណ្ណាការ)ចំនួន១៤ ម៉ឺនបាត
ប្រាក់ថៃ(ជាង៣.៥០០ដុល្លាស.រ.អា) ពួកគេនិយាយបន្តថាៈ ឥឡូវកូនប្រុស (ទុំ វិរៈ)បានប្រច័ណ្ឌប្រពន្ធគឺកូនស្រីខ្លួនឈ្មោះ វ៉ាន់ ពិសី នេះទៅនឹងប្រុសឈ្មោល ពេលគេខឹងប្រពន្ធដេកបែរខ្នងមិនចុះដំណេក២ទៅ៣ខែចុងក្រោយនេះ ហើយមិននិយាយគ្នាផង។ដល់សួរឈ្មោះប្រុសសាហាយនោះជានរណា ?គេមិនព្រមប្រាប់ឈ្មោះសោះគ្រាន់តែចោទថា បើមិនព្រមដេកនឹងប្ដីមានតែទុកអោយសាហាយប្រុស។ វ៉ាន់ សារឿន និងហាក់ ហឿប និយាយថា :ក្រោយមកមានការសម្រុះសម្រួលដោយហៅឪពុកម្ដាយទាំងសងខាង ជីតាខាងស្រីនិងចាស់ទុំមកនិយាយរកហេតុផល១ដងដែរតែមិនបានការ។.
ទីបំផុតកូនប្រសារលើកដំបូងនេះបានចុះចោលកូនស្រីខ្លួន។ពេលនោះខ្លួននិយាយម៉ឺងម៉ាត់បិទច្រកថា “បើនៅកុំទៅ តែបើទៅកុំមក”។គឺជិត១ខែនេះកូនប្រសារចេញទៅនៅផ្ទះម៉ែឪបង្កើតគេវិញ តែពុំទាន់ប្ដឹងលែងលះគ្នានិងក៏គ្មានគម្រោង សម្រុះសម្រួលណាអោយជួបជុំគ្នាវិញដែរ។ នាងវ៉ាន់ ពិសី និយាយថាៈ កាលខ្លួនរៀននៅថ្នាក់ទី១០ វិទ្យាល័យថ្មពួកមានប្រុសច្រើនដែរសុំស្រឡាញ់រួមទាំងព្រះសង្ឈ ង៉ុយ (ហី សុផល្លីន)នេះផង។តែទីបំផុតខ្លួនរៀបការតាមប្រពៃណីជាមួយទុំ វិរៈ ដោយចិត្តស្រឡាញ់ តែឥឡូវរកាំរកូសគ្នានេះ។
ឯ ហាក់ ហឿប ជាម្ដាយ រំលីកថាៈ ព្រះគ្រូចៅអធិការនេះ(ហី សុផល្លីហៅង៉ុយ)ធ្លាប់និមន្ដមកទាំងចីវរសុំស្រឡាញ់កូនស្រីខ្លួនកាលនាងនៅក្រមុំ ហើយថាបើខ្លួនព្រមព្រះអង្គនឹងសឹក រៀបការនឹងនាង។តែក្រោយមកកូនស្រីខ្លួនបានរៀបការនឹង កូនប្រុសឈ្មោះទុំ វិរៈ បានគ្នាជាប្ដីប្រពន្ធ ហើយខ្លួនក៏ពុំហ៊ានអោយកូនជួបនីងព្រះសង្ឃនេះទៀតដែរ ព្រោះខ្លាចឮពាក្យដំនៀលពីអ្នកស្រុក។ ឪពុកម្ដាយនេះសន្និដ្ឋានថាៈ រឿងបែកផ្លូវគ្នារបស់កូន កូនប្រសារនេះពុំមកពីរឿងទ្រព្យនិងការចែកកេរមរតកឡើយ។តែគឺមកពីកូនប្រសារប្រុសខឹងប្រច័ណ្ឌកូនស្រីខ្លួនថាមានប្រុសសាហាយដោយគ្មានចំពោះឈ្មោះណា១នេះឯង។
អ្នកភូមិនៅឃុំភូមិថ្មីបានខ្សឹបខ្សៀវតៗគ្នាពីរឿងអាស្រូវ"ព្រះសង្ឈ"ទាក់ទងស្រីញីប្រពន្ធកូនអ្នកស្រុកក្នុងភេទជាសង្ឈ ហើយព្រួយបារម្ភយ៉ាងខ្លាំងខ្លាចខូចឈ្មោះព្រះសង្ឈ ខូចឈ្មោះវត្តប្រាសាទរលំជ្រៃ ជាវត្តមានរូបសំណាក់"លោកឪធំ”ឬព្រះជ័យវរ្ម័នទី៧(ប្រក់នាគ) ដែលល្បីសក្ដ័សិទ្ធិបំផុតជាងគេក្នុងភូមិក៏ដូចក្នុងខេត្តនិងខូចព្រះពុទ្ធសាសនា ដែលកើតចេញពីដំនៀលព្រះសង្ឈមានស្រីញីនេះ។ ព្រោះពីមុនមកវត្តនេះ ធ្លាប់មានព្រះសង្ឈជាសិស្សគណរបស់ព្រះគ្រូចៅអធិការវត្តព្រះនាម លាង ជាទីសក្ការៈ និងស្អាតស្អំ បែរជាធ្វើអោយធ្លាយរឿងអាស្រូវមានកូនស្រីអ្នកភូមិមានផ្ទៃពោនីង លោក។ បន្ទាប់មកមានរឿងសៅហ្មងមួយទៀតកឺគ្រូចៅអធិការវត្ត ព្រះនាម ខុន ដ៏ជាទីសក្ការៈដែរបាននិមន្ដទៅប្រទេសបារាំង រួចបង្ខំចិត្តសឹកយកប្រពន្ធព្រងើយ ធ្វើអោយពុទ្ធបរិស័ត ចំនុះជើងវត្តនិងអ្នកនាំបច្ច័យក៍សាងវត្តស្ទើអស់ជំនឿ៕
