កំពង់ធំ= នៅយប់ ថ្ងៃទី ១៩ ឈានចូលថ្ងៃទី ២០ ខែ កុម្ភះ ឆ្នាំ ២០១៤ បទល្មើសដឹកឈើក្រញូង បានដឹកតាមរយះ គោយន្តកែច្នៃ ចេញស្រុកសណ្ដាន់ដោយមិនក្លាចញញើតពីរសំណាញច្បាប់ ដែលត្រូវបានគេដឹងថា មានការឃុបឃិតគ្នា រវាអាជ្ញាធរស្រុក និងសមត្ថកិច្ចជំនាញ បណ្តែតបណ្តោយ ឲ្យមានការដឹកជញ្ជូន យ៉ាងអាធិបតេយ្យ ដឹកចូលភូមិ តាអោក ឃុំឈូក ស្រុកប្រសាទសំបូរ ខេត្តកំពង់ធំ ។
សកម្មភាពដឹកជញ្ជូនឈើគ្រញូង បានធ្វើសកម្មភាព តែត្រូវបាន បណ្តាញសម្ងាត់រាយការណ៍ ថាមានគោយន្តកែច្នៃ ដឹកជញ្ជូនតាមបណ្តោយផ្លូវលំ ក្រាលគ្រោះក្រហម ទើបបានការបញ្ជា ផ្ទាល់ពី សំណាក់ឯកឧត្តម អ៊ុត សំអន អភិបាលនៃគណៈអភិបាលខេត្តកំពង់ធំ និងមានការ ចង្អុលបង្ហាញពីសំណាក់ ឯកឧត្តម គង់ វិមាន អភិបាលរងខេត្តកំពង់ធំ ឲ្យកំលាំងសម្ងាត់របស់ សឹករងខេត្ត ក្រោមកិច្ខសហការ របស់ឯកឧត្តម សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ ឲ្យមានការតាមថតសកម្មភាព ការដឹកឈើគ្រញូង ក្រោមការបញ្ជារបស់ លោក ប៉ែន សារ៉ាត់ ព្រះរាជអាជ្ញា អមសាលាដំបូងខេត្តកំពង់ធំ ។
លុះដល់វេលាម៉ោង ១.៤០នាទី ក៏ប្រទះឃើញមានគោយន្តកែច្នៃ បានមកដល់ចំនុចស្ពាន តាអោក ក្រោយមកទើបរាយកាណ៍ ជូនឯកឧត្តម គង់ វិមាន អភិបាលរងខេត្តកំពង់ធំ ទើបមាន ការបញ្ជាឲ្យតាមគោយន្តកែច្នៃឲ្យជាប់ ដើម្បីឲ្យកំលាំងសមត្ថកិច្ចជំនាញ ទៅជួយអន្តរាគមន៍ លុះក្រោយមក គោយន្តកែច្នៃបានបើកចូលផ្ទះ របស់ឈ្មោះ អែម ភី ជាប្តី និងប្រពន្ឋឈ្មោះ អួង អាន ដែលមានមុខរបរ ទិញដំឡូងមីលក់ ។
ខណៈពេលដែលឈ្មួញឈើបើកគោយន្តចូលផ្ទះ ហើយបិទរបងជាប់ ហើយយកគោយន្ត ទៅបែនទំលាក់នៅក្រោយផ្ទះ ទើបមានការបញ្ជាផ្ទាល់ពីឯកឧត្ត គង់ វិមាន អភិបាលខេត្តកំពង់ធំ បញ្ជាឲ្យកំលាំងអាជ្ញាធរ ស្រុក រួមមានប៉ូលិស ប៉េអ៊ឹម តែពុំត្រូវបានជនទាំងនេះ មានការអើ ពើ និងមកកាន់ទីតាំងស្តប់ឈើគ្រញូងនោះទេ ចំណែកនាយប៉ុស្តិ៍រដ្ឋបាលឈូក មានទីតាំង ចម្ងាយត្រឹមតែ ៥គីឡូដី ទោះជាមានការអន្តរាគមន៍
ពីអធិការ និងអភិបាលខេត្ត ក៏ពុំមានវត្ត មានមកកាន់ទៅតាំងស្តប់ឈើដែរ ជាហេតុឲ្យមានការសង្ស័យ ថា នេះជាល្បិចកល់ដែល ជនទាំងនេះពន្យាពេល ផ្តល់ឳកាស់ ឲ្យឈ្មួញរំដោះឈើទាំងនោះចេញពីដីឡូរបស់ខ្លួនដោយ សុវត្តិភាព ក្នុងឳកាសនោះដែរក៏មានការ ចូលរួមទាំងកណ្តាលយប់ ដោយ លោកតិបញាតា នាយខ័ណ្ឌររររដ្នបាលព្រៃឈើកំពង់ធំដឹកនាំកំលាំងចំរុះរួមមាន លោក អំ ពី (ក២ ជើងគោក )នាយរងសេនាកំពង់ធំ លោកសុខសម្បត្តិមេបញ្ចាការសឹករងស្រុកប្រាសាទសំបូរព្រមទាំងកំលាំងមេព្រៃ និងប៉េអ៊ឹមខេត្ត ។
លុះព្រឹកឡើង ទើបបានឃើញមាន នាយប៉ុស្តិ៍រដ្ឋបាល និងមេឃុំ មេភូមិ ព្រមទាំងអភិបាលស្រុក ទៅចូលរួម ត្រួតពិនិត្យផ្ទះទីតាំងខាងលើ ព្រមទាំងបានរឹបអូសបាន ឈើគ្រញូងដែល នៅសេសសល់ ពីការដឹករំដោះចេញ ដែលមានចំនួន ២៧៧គីឡូក្រាម ត្រូវបានទុកជាសម្បត្តិ រដ្ឋ ។
