កាលពីថ្ងៃទី២៥ កក្កដាចុងសប្តាហ៍កន្លងទៅ គណៈប្រតិភូគ្រឹៈស្ថានស្រាវជ្រាវយុទ្ធសាស្ត្រ ការពារប្រទេសវៀតណាម ដឹកនាំដោយឧត្តមសេនីយ៍ទោ ង្វៀន ឌីញចៀន នាយកគ្រឹៈស្ថានស្រាវជ្រាវយុទ្ធសាស្ត្រការពារប្រទេសវៀតណាម រួមទាំងនាយទាហានចំនួន៦នាក់ កម្ពុជា៧
នាក់ អមដំណើរដោយ ឯកឧត្តមនាយករង មជ្ឈមណ្ឌលស្រាវជ្រាវយុទ្ធសាស្ត្រយោធា អគ្គបញ្ជាការរដ្ឋាន ក្រសួងការពារជាតិ។ ឯកឧត្តមឧត្តមសេនីយ៍ឯក ស្រី ឌឹកជាអគ្គមេបញ្ជាការរង នៃកងយោធពលខេមរៈភូមិន្ទមេបញ្ជាការកងពលធំអន្តរាគមន៍លេខ៣ និង បានមានប្រសាសន៍ កោតសសើរ ដល់គណៈប្រតិភូ គ្រឹៈស្ថានស្រាវជ្រាវកងទ័ពវៀតណាមដែលបានធ្វើទស្សនកិច្ចមកកាន់ខេត្តព្រះវិហារ និង ចំណាយពេលវេលា ដ៏មានតម្លៃចុះមកដល់ទីបញ្ជាការកងពលធំអន្តរាគមន៍លេខ៣ ដើម្បីសិក្សាស្រាវជ្រាវដកពិសោធន៍ យុទ្ធសាស្ត្របច្ចេកទេស ពីគ្នាទៅវិញទៅមក ។ឯកឧត្តម ស្រី ឌឹក បានលើកឡើងពីទិសដៅសំខាន់ៗជុំវិញប្រាសាទព្រះវិហារ និងសកម្មភាពភាគីថៃពុំមានបញ្ហាអ្វីកើតឡើងនោះទេ។ ឯកឧត្តមបានមានប្រសាសន៍ទៅកាន់គណៈប្រតិភូវៀតណាម យើងមានតែ០២ កងពលតូចទេ គឺកងពលអន្តរាគមន៍លេខ១២កងពលតូចលេខ៤៣និងមានមួយកងពលធំអន្តរាគមន៍លេខ៣ ដែលឈរជើងទិសទី១ប្រាសាទព្រះវិហារ ឆ្នាំ២០០៨ ។ ឧត្តមសេនីយ៍ទោ ង្វៀន ឌីញចៀន នាយកគ្រឹៈស្ថានស្រាវជ្រាវយុទ្ធសាស្ត្រការពារប្រទេសវៀតណាម បានកោតសរសើរ ចំពោះឯកឧត្តមឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាគមន៍លេខ៣ និងមេបញ្ជាការរង និងពលទាហានទាំងអស់ ក្នុងកងពលធំអន្តរាគមន៍លេខ៣នេះ ដែលបានខំយកចិត្តទុកដាក់ អត់ធ្មត់ និងមិនរំលោភលើបូរណៈភាពទឹកដីប្រទេសជិតខាងឡើយ ។ឯកឧត្តមឧត្តមសេនីយ៍ទោ ង្វៀន ឌីញចៀន នាយកវិទ្យាស្ថានស្រាវជ្រាវយុទ្ធសាស្ត្រការពារកងទ័ពវៀតណាម បានកោតសរសើរចំពោះឯកឧត្តមឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាកមន៍លេខ៣កំពុងតែឋិតនៅទ័ពជួរមុខ ទិសទី១ប្រាសាទព្រះវិហារ ជាពិសេសគឺសម្តេច តេជោ ហ៊ុន សែន ដែលបានដឹកនាំប្រទេសជាតិអោយមានការ រីកចំរើនបន្ទាប់មកទៀតឯកឧត្តមក៏បានប្រគល់វត្ថុអនុស្សាវរីយ៍ និងថតរូបជាមិត្តភាព។
