ប្រធានក្រុមហង្សក្រហម Liverpool កីឡាករ Steven Gerrard ជឿជាក់ថា ក្រុមរបស់គាត់នឹងអាចប្រជែង យកជើងឯក Premier League បានសម្រាប់រដូវកាលថ្មីនេះ ។
Liverpool បានត្រឹមរងជើងឯកប៉ុណ្ណោះកាលពីរដូវកាលមុនដោយស្ថិតនៅពីក្រោមក្រុមមេឃខៀវ Manchester City ប៉ុន្តែប្រធានក្រុមរូបនេះ
មានជំនឿជាក់ថា ពួកគេនឹងអាចលើកពានបានជាថ្មីក្រោយរង់ចាំ អស់រយៈពេល២៥ឆ្នាំ ។
Gerrard ប្រាប់គេហទំព័ររបស់ក្លិបថា “យើងលេងបានល្អណាស់កាលពីរដូវកាលមុនប៉ុន្តែយើងបាន ធ្វេសប្រហែសនៅចុងរដូវកាលហើយយើងរំពឹងថាការទិញកីឡាករជាច្រើនមកពង្រឹងក្រុមសម្រាប់រដូវកាលថ្មីនេះ នឹងអាចជួយពួកយើងឲ្យឈ្នះជើងឯក Premier League បាន”។
គួរបញ្ជាក់ថា Liverpool នឹងត្រូវចាប់ផ្តើមរដូវកាលថ្មីរបស់ខ្លួនដោយប្រកួតជាមួយក្លិប Southampton នៅថ្ងៃទី១៧ខែសីហា ៕
