សារព័ត៌មានមួយបានចុះផ្សាយថា ក្លិប Borussia Dortmund កំពុងតែត្រៀមដាក់សំណើរលើការដេញថ្លៃទិញយកកីឡាករ Shinji Kagawa ពីក្លិបបិសាចក្រហម Manchester United មកវិញ ។ កីឡាករអន្តរជាតិជប៉ុនរូបនេះបានផ្លាស់មកកាន់ទឹកដី Old Trafford ក្រោយពីចាកចេញពីក្លិប
Dortmund ក្នុងក្របខណ្ឌអាល្លឺម៉ង់ Bundesliga កាលពី២ឆ្នាំមុនប៉ុន្តែរូបគេមិនសូវជាបានចូលលេងក្នុងជម្រើស ១១នាក់ដំបូងទេ ។ យោងតាមសារព័ត៌មាន The Independent បានរាយការណ៍ថា ក្រោយពេលគ្រូបង្វឹកថ្មីរបស់ Manchester United លោក Louis van Gaal បានធ្វើការកែប្រែទម្រង់ថ្មីនោះ លោក Jurgen Klopp ដែលជាគ្រូបង្វឹករបស់ Dortmund កំពុងតែមានគម្រោងលើការនាំយកកីឡាករវ័យ២៥ឆ្នាំរូបនេះឲ្យវិលទៅកាន់ទឹកដីប្រទេសអាល្លឺម៉ង់វិញ ។ គួរបញ្ជាក់ថា Kagawa ស៊ុតបញ្ចូលទីបាន២១គ្រាប់ក្នុងការចូលលេងឲ្យ Dortmund ចំនួន៤៩ប្រកួតចាប់តាំងពី ឆ្នាំ ២០១០ មុនផ្លាស់ទៅលេងឲ្យ Manchester United ៕
