នៅទីបំផុតក្លិប Atletico Madrid បានឈានដល់កិច្ចព្រមព្រៀងលើការទិញយកកីឡាករ Antoine Griezmann ក្នុងកិច្ចសន្យារយៈពេល៦ឆ្នាំ ។ ខ្សែប្រយុទ្ធសញ្ជាតិបារាំងរូបនេះ ធ្លាប់មានទំនាក់ទំនងលើការផ្លាស់ទៅកាន់ក្លិបធំៗមួយចំនួនដូចជា Manchester United, Tottenham Hotspur និង Monaco ជាដើមនៅរដូវក្តៅនេះប៉ុន្តែកាលពីម្សិលមិញ ក្លិបជើងឯកក្របខណ្ឌអេស្ប៉ាញ La Liga បានប្រកាសថា ក្លិប Atletico បាន
ឈានដល់កិច្ចព្រមព្រៀងលក្ខ័ណ្ឌ ជាមួយខ្សែប្រយុទ្ធក្លិប Real Sociedad រូបនេះហើយ ។ បន្ទាប់ពីកិច្ចព្រមព្រៀងត្រូវបានធ្វើឡើងរួចរាល់ហើយនោះ កីឡាករវ័យ២៣ឆ្នាំរូបនេះនឹងធ្វើការពិនិត្យសុខភាពជាមួយក្លិបមុននឹងផ្លាស់ទៅកាន់ទឹកដី Vicente Calderon ។ គួរបញ្ជាក់ថា Griezmann ត្រូវបានគេជឿជាក់ថា ផ្លាស់ពីក្លិប Real Sociedad ទៅ Atletico Madrid ក្នុងតម្លៃពលកម្មប្រមាណ២៤លានផោន ៕
