អតីតសមាជិកក្រុមបាល់ទាត់ជម្រើសជាតិប្រេស៊ីលគឺកីឡាករ Ronaldinho ត្រូវបានគេរាយការណ៍ថា កំពុងតែពិចារណាលើការផ្លាស់ទៅលេងនៅក្លិប Queens Park Rangers នៅរដូវក្តៅនេះ ។ កីឡាករវ័យ៣៤ឆ្នាំរូបនេះបច្ចុប្បន្នគឺមិនមានក្លិបលេងឡើយបន្ទាប់ពីកិច្ចសន្យារបស់គេ
ជាមួយក្លិប Atletico Mineiro ត្រូវបានបញ្ចប់ ។ សារព័ត៌មាន GloboEsporte បានចុះផ្សាយថា Ronaldinho ទំនងជានឹងអាចផ្លាស់ទៅកាន់ក្លិប QPR ដោយសាតែនៅក្លិបនោះមានមិត្តសំឡាញ់របស់គេផ្ទាល់គឺអ្នកចាំទី Julio Cesar ។ គួរបញ្ជាក់ថា ទន្ទឹមជាមួយគ្នានោះ មានក្លិបជាច្រើនផ្សេងទៀតដែលកំពុងមានចំណាប់អារម្មណ៍ចង់បានអតីត តារាបាល់ទាត់ដ៏ឆ្នើមរបស់ក្លិបអ្នកមានបុណ្យ Barcelona រូបនេះដែលមានដូចជាៈ Fluminense, Besiktas និង New York City ៕
