ភ្នំពេញ៖ រថយន្តកូរ៉េមួយគ្រឿង បានបើកប៉ះនិងរថយន្តកូរ៉ូឡាមួយគ្រឿងរងកាខូចខាត ផ្នែកខាងមុខ កាលពីវេលាម៉ោង៣ និង២០នាទីយប់ឈានចូលថ្ងៃទី២១ខែកុម្ភៈ ឆ្នាំ២០១៤ នៅចំណុច មុខប៉ុសិ៏្តនរគបាលផ្សារដើមគរ តាមបណ្ដោយផ្លូវ២១៥ កែងផ្លូវ ២៣០ ស្ថិតក្នុងសង្កាត់ផ្សារដើមគរ ខណ្ឌទួលគោក។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកូរ៉ូឡាមួយគ្រឿង ពណ៌ខ្មៅ ពាក់ស្លាកលេខភ្នំពេញ2L – 2690 បើកបរដោយបុរសជនជាតិចិនម្នាក់ បានធ្វើដំណើរតាមបណ្ដោយផ្លូវ២១៥ ក្នុងទិសដៅពីជើងទៅត្បូង លុះមកដល់ចំណុចកែងផ្លូវ ២៣០ ស្រាប់តែមាន រថយន្តកូរ៉េមួយគ្រឿង ពណ៌ខៀវ ពាក់ស្លាកលេខភ្នំពេញ2U- 6134 ដែរបើកបរដោយបុរសម្នាក់និងរួម ដំណើរជាមួយបុរសម្នាក់ទៀត បានធ្វើដំណើរក្នុងទិសដៅពីលិចទៅកើតហើយបត់ស្តាំមិនប្រយត្ន័ ក៏បានទៅប៉ះនិងរថយន្តកូរ៉ូឡាបណ្តាលឲ្យរថយន្តទាំងពីរគាប់ជាប់គា្នរងកាខូចខាតទាំងសងខាង។
ក្រោយពេលកើតហេតុសមត្ថកិច្ចបានចុះដល់ចំណុចកើតហេតុនិងធ្វើការសម្របសម្រួលដោយតម្រូវឲ្យភាគីខាងរថយន្តកូរ៉េចេញថ្លៃខូចខាតទៅលើភាគីខាងរថយន្តកូរ៉ូឡាដើម្បីបញ្ចប់រឿងដោយព្រោះមិនចង់វែងឆ្ងាយតទៅទៀត៕ 
