នៅថ្ងៃទី៣១ខែមិថុនា ឆ្នាំ២០១៤ឯកឧត្តម ម៉ៅ ធនិន អភិបាលនៃគណអភិបាលខេត្តពោធិសាត់និងជាប្រធានកិត្តិយសសាខាកាកបាទក្រហមខេត្តបាននាំនូវអំណោយរបស់សាខាកាកបាទក្រហមកម្ពុជាខេត្តពោធិ៍សាត់ដើម្បីយកទៅចែកជូនបងប្អូនប្រជាពលរដ្ឋក្រីក្រនិងដាច់ស្បៀងចំនួន
៦៣គ្រួសារដែលបានអញ្ជើញមកពី៤ភូមិក្នុងឃុំសំរោងស្រុកភ្ន្កំក្រវ៉ាញមានភូមិអង្គ្រង៣៤គ្រួសារភូមិព្រែកមួយ៧គ្រួសារភូមិអូរព្រាល៨គ្រួសារគ្រួសារនិងភូមិអូរហេងចំនួន១៣គ្រួសារ សរុបចំនួន៦៣គ្រួសារ ។
មានមតិសំណេះសំណាលឯកឧត្តម ម៉ៅ ធនិន អភិបាលខេត្តពោធិ៍សាត់ក្នុងនាមជួសមុខឲ្យថ្នាក់ដឹកនាំខេត្តទាំងមូល និងជួស មុខឲ្យសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជាឯកឧត្តមបានសម្តែងនូវក្តីអាណិតអាសូរដល់បងប្អូនប្រជាពលរដ្ឋ
ក្រីក្រនិងដាច់ស្បៀងដូចក្នុងរបាយការណ៏ដែលលោកអភិបាលស្រុកជំរាបជូនអម្បាញមិញនេះឯកឧត្តមបានមានប្រសាសន៏ថាទីណាដែលលំបាកនិងស្មុគ្រស្មាញទីនោះតែងមានវត្តមានរបស់កាកបាទក្រហមកម្ពុជាចុះដោះស្រាយទុក្ខលំបាកជូនប្រជាពលរដ្ឋយើងបានទាន់ពេលវេលាដោយសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនតែងតែមានប្រសាសន៏ជារឿយៗមិនត្រូវបណ្តែតបណ្តោយឲ្យប្រាជាពលរដ្ឋណាម្នាក់ដេកស្លាប់ដោយគ្មានអាហារបរិភោគនោះទេ។កាកបាទក្រហមកម្ពុជាតែងតែគោរពនូវគោលការណ៏មនុស្សធម៌មិនលំអៀងមិនប្រកាន់និន្នាការនយោបាយមិនប្រកាន់គណបក្សនេះឬគណបក្សនោះមិនប្រកាន់ពត៌សម្បុរឲ្យតែមានការរងគ្រោះមហន្តរាយផ្សេងៗហើយអណោយដែលយកមកចែកជូនប្រជាពលរដ្ឋយើងក្នុងថ្ងៃនេះក្នុងមួយគ្រួសារៗទទួលបាននូវអង្ករចំនួន ២៥គីឡូក្រាម ត្រីខ ១២កំប៉ុង ទឹកត្រី២ដប ទឺកស៊ីអ៊ីវ២ដប ថវិកា២០០០០រៀល។
