ខ្សែបម្រើក្លិបមេឃខៀវ Manchester City កីឡាករ Samir Nasri បានបង្ហើបថា រូបគេកំពុងតែពិចារណាចង់ចូលនិវត្តន៍ឈប់លេងបាល់ឲ្យក្រុមជម្រើសជាតិបារាំង ។ កីឡាករវ័យ២៧ឆ្នាំរូបនេះគឺមិនស្ថិតក្នុងក្រសែភ្នែកគ្រូបង្វឹកក្រុមមាន់គកបារាំងលោក Didier Deschamps ឡើយដោយ
គ្រូបង្វឹករូបនេះមិនបានដាក់បញ្ចូលឈ្មោះ Nasri ក្នុងបញ្ជីកីឡាករដែល ត្រូវលេង World Cup នៅប្រទេសប្រេស៊ីលនោះទេ ។ Nasri ប្រាប់អ្នកសារព័ត៌មានថា “ជាការពិតខ្ញុំកំពុងតែគិតថា តើគួរឈប់លេងបាល់ឲ្យបារាំង ឬមិនគួរ ខ្ញុំពិតជាមានការខកចិត្តណាស់ដែលគ្មានឈ្មោះលេង World Cup នៅប្រេស៊ីលហើយវា ដល់ពេលហើយដែលខ្ញុំត្រូវបញ្ឈប់” ។ គួរបញ្ជាក់ថា មកដល់ពេលនេះ Nasri បង្ហាញខ្លួនឲ្យក្រុមជម្រើសជាតិបារាំងបានចំនួន៤១លើកហើយ ៕ M33
