បន្ទាយមានជ័យ: សិក្ខាសាលាផ្សព្វផ្សាយលិខិតបទដ្ឋានគតិយុត្តពាក់ព័ន្ធនិងការគ្រប់គ្រងធនធានមនុស្សនិងការផ្តល់សេវារដ្ឋបាលថ្នាក់ក្រោមជាតិ រយះពេលមួយថ្ងៃ ថ្ងៃទី០៥សីហាឆ្នាំ២០១៤ ប្រព្រឹត្តទៅក្រោមវត្តមានលោក អ៊ុង អឿន ប្រធានក្រុមប្រឹក្សាខេត្តលោក គោស៊ុំ សារឿត អភិបាលនៃគណ:អភិបាលខេត្តបន្ទាយមានជ័យ និងសិក្ខាកាម ៣២៤រូបចូលរួម។ 
សិក្ខាសាលានាពេលនេះមានគោលបំណង ដើម្បីផ្សព្វផ្សាយលិខិតបទដ្ឋានគតិយុត្តមួយចំនួនពាក់ព័ន្ធនិងការគ្រប់គ្រងធនធានមនុស្សនិងការផ្តល់សេវារដ្ឋបាលថ្នាក់ក្រោមជាតិ ដែលក្នុងនោះរួមមាន: ១អនុក្រិត្យស្ដីពីការធ្វើប្រតិភូកម្ម អំណាចដល់រដ្ឋបាលថ្នាក់ក្រោមជាតិ ក្នុងការតែងតាំង ការផ្លាស់ប្ដូរ និងការបញ្ចប់ភារកិច្ចមន្ត្រីរាជការស៊ីវិល ដែលបំពេញការងារ នៅថ្នាក់ក្រោមជាតិ ២សេចក្ដីណែនាំស្ដីពី នីតិវិធីនៃ
ការតែងតាំងការផ្លាស់ប្ដូរ និងការបញ្ចប់ភារកិច្ចមន្ត្រីរាជការស៊ីវិល ដែលបំពេញការងារ នៅថ្នាក់ក្រោមជាតិ ៣សេចក្ដីណែ នាំស្ដីពីការរៀបចំ លក្ខ័ណការងារ សម្រាប់មន្ត្រីបុគ្គលិក រដ្ថបាលរាជធានីខេត្ត ក្រុងស្រុកខណ្ឌ ៤អនុក្រឹត្យស្ដីពីការផ្តល់សេវារដ្ឋបាលនៅថ្នាកក្រោមជាតិ ៥ប្រកាសអត្តរក្រសួង និងក្រសួងសេដ្ឋកិច្ច និងហិរញ្ញវត្ថុ ស្ដីពីការផ្តល់សេវារដ្ឋបាលនៅរដ្ឋបាលថ្នាក់ក្រោមជាតិ និង៦សេចក្តីណែនាំស្ដីពីការផ្ដល់ប្រាក់រង្វាន់ លើកទឹកចិត្តជូនដល់រដ្ឋបាលថ្នាក់ក្រោមជាតិ ។ 
លោក គោស៊ុំ សារឿត អភិបាលនៃគណ:អភិបាលខេត្តបន្ទាយមានជ័យមានប្រសាសន៍ ពន្យល់គូស បញ្ជាក់អំពីដំណើរ ការរៀបចំលិខិតបទដ្ឋាន៣ ដែលបានរៀបចំឡើង ដើម្បីផ្ដល់សិទ្ធអំណាចជាបណ្ដើរៗដល់រដ្ឋបាលថ្នាក់ក្រោមជាតិ ក្នុងការចាត់ចែងនិង គ្រប់គ្រងប្រើប្រស់ធនធានមនុស្សដែលបំពេញការងារ ក្នុងដែនសមត្តកិច្ចរបស់ខ្លួន។ លោក គោស៊ុំ សារឿត បន្តថា: ដើម្បីធានាឲ្យការអនុវត្ត នូវលិខិត្តបទដ្ឋានទាំងនេះត្រឹមត្រូវ សិក្ខាកាមត្រូវសួរបញ្ជាក់ច្បាស់លាស់ ចៀសវៀងការបកស្រាយផ្សេងពីខ្លឹមសារដើម ឲ្យមានកំហុសនៅពេលអនុវត្តជាក់ស្ដែង៕ ដោយ: ឃិន គន្ធា 1
