តាកែវ ៈ ការប្រឡងសញ្ញាប័ត្របាក់ឌុបឆ្នាំនេះមានសភាពល្អប្រសើរជាងឆ្នាំកន្លងទៅ នៅឯខេត្តតាកែវបាននឹងកំពុងប្រព្រឹត្តិទៅក្នុង ថ្ងៃទី០៤.០៨.២០១៤ នេះយោងតាមសម្តីប្រជាពលរដ្ឋ គាត់បានមកមើលកូនរបស់គាត់ប្រឡងនាពេលនេះ បងប្រុសម្នាក់គាត់បាន និយាយប្រាប់កម្ពុជាថ្មីនាព្រឹកមិញនេះថា ៖ រូបគាត់សាទរចំពោះគោលការណ៍រឹតបន្តឹងនៃការប្រឡងនេះមិនដូចឆ្នាំមុនៗ នោះទេ ជាក់ស្តែងនាឳកាសនេះនៅតាមបណ្តាមណ្ឌលប្រឡងនីមួយៗមានសភាពស្ងាត់ល្អប្រសើរគ្មានជនណាម្នាក់ហ៊ានចូលបោះ ព្រុយយ៉ុងនោះទេ ទង្វើរបែបនេះបានធ្វើអោយពួកគាត់មានជំនឿជឿជាក់លើគោលការណ៍របស់រដ្ឋាភិបាលជាប្រមុខថ្នាក់ដឹកនាំ កំពូលជាពិសេសក្រសួងអប់រំបានរិតបន្តឹងរក
ធនធានមនុស្សពិតប្រាកដទៅថ្ងៃអនាគត ហើយបងប្រុសគាត់បាននិយាយបន្ត ទៀតថា ៖ ប្រទេសយើងបើអនុវត្តន៍បានល្អក្នុងការប្រឡងសិស្សបេក្ខជនប្រឡងមានសិទ្ធិយកចូលក្នុងបន្ទប់ប្រឡង តែចំណេះ វិជ្ជាតែមួយគត់ នេះជាបញ្ហាដ៏ល្អមួយដើម្បីជ្រើសរើសយកគុណភាពផ្នែកធនធានមនុស្សពិតៗ ជាបញ្ហាដ៏ល្អសម្រាប់សង្គមជាតិ របស់យើងហើយពួកគាត់ជាប្រជាពលរដ្ឋសុំគាំទ្រយ៉ាងពេញទំហឹងទៅលើគោលការណ៍ដ៏ល្អនេះ តែគួរអោយសោកស្តាយក្នុង ឆ្នាំកន្លងមកបើសិនជាមានដូចថ្ងៃនេះប្រហែលនៅស្រុកយើងសម្បូរទៅដោយធនធានមនុស្សពិតៗ បងស្រីម្នាក់គាត់បាននិយាយថា ៖ រូបគាត់សុំគាំទ្រយ៉ាងពេញទំហឹងទៅលើគោលការណ៍រិតបន្តឹងក្នុងការប្រឡងហើយប្រឡងអ្វីក៏ដោយ
ហើយអោយក្មេងៗ វាខំរៀនដើម្បីចំណេះដឹងខ្លួនរបស់វាហើយក៏ជាអនាគតដ៏ល្អប្រសើរសម្រាប់ខ្លួនគេដែរ និង ឳពុកម្តាយ បានត្រឹមតែស្តីប្រដៅ អោយកូនចូលសាលារៀនផ្តល់ប្រាក់តែប៉ុណ្ណោះទេ ហើយមកដល់ពេលនេះមានគោលការណ៍តឹងរ៉ឹងចឹងខ្ញុំ ត្រេកអរណាស់ សុំអោយថ្នាក់លើតឹងជាងនិងទៀតក៏បាកដែរពីព្រោះខ្ញុំចង់អោយកូនខ្ញុំវាចេះពិតៗតែម្តង មិនថាកូនខ្ញុំ កូនអ្នកដ៏ទៃទេ ម៉ែឳចង់ អោយកូនចេះដឹងគ្រប់គ្រាន់ដើម្បីអនាគត ពួកគេ ហើយពួកគាត់សុំអោយថ្នាក់ដឹកនាំអនុវត្តន៍គោលការណ៍ខាងលើនេះជារៀងរាល់ ឆ្នាំរហូតដើម្បីបង្កើនគុណភាពថ្នែកធនធានមនុស្សពិតៗ អោយបានច្រើនក្នុងការអភិវឌ្ឍន៍សង្គមជាតិយើង។
