ស្ទឹងត្រែង៖មន្ត្រីរៀបចំដែនដីខេត្តស្ទឹងត្រែងបានចាត់ទុកថា៖ ការរៀបចំគម្រោងចុះវាសវែងដីធ្លីជូនប្រជាពលរដ្ឋ ជាការដោះស្រាយបាននៅទំនាស់រាំរៃ លើបញ្ហាដីធ្លីទៅនិងការរស់នៅរបស់ប្រជាពលរដ្ឋ ឲ្យមានភាពសុខសាន្ត បន្ទាប់ពីទទួលបានបណ្ណ័កម្មសិទ្ធ កាន់កាប់ដី ច្បាស់លាស់។ នៅក្នុងពិធី ផ្សព្វផ្សាយសេចក្តីប្រកាសកំណត់តំបន់ក្បាលដី ដើម្បីធ្វើការវិនិច្ឆ័យរៀបចំ ចេញបណ្ណ័កម្មសិទ្ធិ ជូនប្រជាពលរដ្ឋនៅ សង្កាត់ស្រែឬស្សីក្រុងស្ទឹងត្រែង ថ្ងៃទី០៥សីហាឆ្នាំ២០១៤ លោក ហេសុផាន់ណារ៉ាប្រធាន នាយកដ្ឋានបច្ចេកទេសព័ត៌មានសូរិយោដីបានលើកឡើងថា៖ការ រៀបចំឲ្យមានបណ្ណ័កម្មសិទ្ធិដីធ្លីកាន់កាប់ត្រឹមត្រូវ ជាការបញ្ជាប់នូវរឿងរាវលើបញ្ហាដីធ្លីដែលកើតមានមិនចេះចប់ ដោយសាគ្មានបណ្ណ័កម្មសិទ្ធិ។
លោកបញ្ជាក់ថា៖នៅពេលដែលបងប្អូនប្រជាពលរដ្ឋទទួលបណ្ណ័កម្មសិទ្ធតម្រូវឲ្យបង់ប្រាក់តែម្តងគត់ទៅ តាមស្ថានភាពដី គឺដីកសិកម្មជនបទត្រូវបងតម្លៃ១រៀលលុយខ្មែរដីលំនៅដ្ឋានបង១០រៀលលុយខ្មែរចំពោះដីប្រជុំជនស្រុកត្រូវបង់២០រៀល លុយខ្មែរក្នុង១ម៉ែត្រការ៉េ ទៅតាមតំលៃសេវានៃការចុះបញ្ជីដីធ្លីមានលក្ខជាប្រពន្ធ័ដែលក្រសួងសេកិច្ចនិងហិរញ្ញវត្ថុនិងក្រសួងរៀបចំដែនដី បានកំណត់។
លោក កុល សំអុល អភិបាលខេត្តស្ទឹងត្រែង មានប្រសាសន៏ជំរុញឲ្យបងប្អូនប្រជាពលរដ្ឋចូលរួមអនុវត្តទៅតាមសេចក្តីប្រកាសកំណត់តំបន់ក្បាលដីពីព្រោះបណ្ណ័កម្មសិទ្ធិ មាន តម្លៃ យើងមានសិទ្ធ អាស្រ័យផល និងចាត់ចែងដីរបស់ខ្លួនផ្តាច់មុខពេលចេញបណ្ណ័ហើយដោះស្រាយបានលែងទាស់គ្នាទៀត លែមាននណាបង្ខិតព្រុំដីអ្នកណាទៀតហើយ វាមានបញ្ចីច្បាស់លាស់ ទីពីរធានាសិទ្ធិ ធានាការកាន់កាប់ជាប់រៀងរហូត អត់ពីណាមកបន្លំលក់ ពីណាមកដេញពីណាមកទាយកទៅវិញទេគឺចេញដោយរដ្ឋបាលសុរិយោដី ទទួលស្គាល់ដោយច្បាប់រដ្ឋ ទីបីបានន័យថា ការចុះបញ្ជីបានបែងចែក ផ្លែផ្កាដោយយុត្តិធម៌ មីងមានដីប៉ុន្មាន ប្រកាសធ្វើប័ណ្ណប៉ុណ្ណឹង ទីបួនធានាសុវត្ថិភាពទាំងស្រុង អត់មានអ្នកលួចបាន អត់មានអ្នកមានអំណាច ក្រុមហ៊ុន អត់មានអ្នកមានលុយណាមករឹបអូសដកហូតទាយកដីរបស់យើងបានទេវាជាកម្មសិទ្ធរបស់យើងតែមួយគត់។
លោកមានប្រសាសន៏ទៀតថា៖ ជាមួយនេះ ផ្នែកជំនាញសូរិយោដីនិងអ្នកពាក់ពន្ធ័ទាំងអស់ ក៏ត្រូវរៀបចំយន្តការ ការវាស់វែងដីធ្លីជូនប្រជាពលរដ្ឋឲ្យបានត្រឹមត្រូវ ចៀសវាងពេលចុះវាសវែងទាយកប្រាក់ កេងប្រវ័ញ្ញរកលាបសក្ការៈ ខុសពីសារាចរណែនាំរបស់ក្រសូងរៀបចំដែនដី និង គោលនយោបាយរបស់រាជរដ្ឋាភិបាលនោះទេ។ លោកលី ឧសភា អនុប្រធានមន្ទីរសូរិយោដីខេត្តបានបញ្ជាក់ថា៖កន្លងមកមន្ត្រីជំនាញចុះអនុវត្តនៅសង្កាត់ព្រះបាទបានត្រឹមត្រូវ ជូនប្រជាពលរដ្ឋ មានចំនួន៥៥៤គ្រួសារ និងមានផ្ទៃដីសរុបចំនួន ៥.៥១២ហិចតា ក្នុងនោះមានដីបង្កបង្កើនផលចំនួន ៧៩៤ ហិចតាហើយបន្ទាប់ ពី ផ្សព្វផ្សាយសេចក្តីប្រកាសកំណត់តំបន់ក្បាលដី នេះទៅមន្ត្រីជំនាញនិងចុះអនុវត្តនៅសង្កាត់ស្រះឬស្សី និងសង្កាត់ផ្សេងៗ នៅក្នុងក្រុងស្ទឹងត្រែងបន្តទៀត៕
