កំពង់ឆ្នាំង៖ បុរសវ័យក្មេងម្នាក់ ត្រូវបានរថយន្តធុនធំមិនស្គាល់ម៉ាកបុក ហើយកិនបែកក្បាលខ្ទេចស្លាប់ភ្លាមៗកន្លែងកើតហេតុ ពេលរូបគេនិងមិត្តភ័ក្រម្នាក់ទៀតកំពុងជិះម៉ូតូបានធ្លាក់រូបគេចុះមកលើថ្នល់។គ្រោះថ្នាក់ចរាចរណ៍នេះបានកើតឡើងនៅវេលាម៉ោង៩និង៤៥នាទីយប់ថ្ងៃទី០៦ ខែសីហា ឆ្នាំ២០១៤ ចំណុចមុខសាលាបឋមសិក្សាស្វាយជ្រុំ ស្ថិតក្នុងភូមិចំការឃ្លៃ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។ សមត្ថកិច្ចចរាចរណ៍ផ្លូវគោកខេត្តបានអោយដឹងថា៖សពបុរសរងគ្រោះឈ្មោះ ប៉ាត សីហា អាយុ២៥ឆ្នាំ មានទីលំនៅភូមិទួលពង្រ ឃុំស្វាយជ្រុំ ស្រុករលាប្អៀរ។
មុនពេលកើតហេតុជនរងគ្រោះនិងមិត្តភ័ក្រមា្នក់ទៀតឈ្មោះ វៀត អាយុ២៧ឆ្នាំបានជិះម៉ូតូសង់មួយគ្រឿងផលិតនៅប្រទេសចិន ពណ៌ព្រីងទុំ មិនមានស្លាកលេខ ដែលបើកបរដោយឈ្មោះ វៀតក្នុងទិសដៅពីជើងទៅត្បូង។លុះធ្វើដំណើរមកដល់ចំណុចកើតហេតុរូបគេទាំង២នាក់បានបត់ឆ្វេងឆ្លងថ្នល់ចូលផ្លូវក្រាលគ្រួសក្រហម ខណៈនោះមានរថយន្តធុនធំមួយគ្រឿងមិនស្គាល់ម៉ាកបានបើកមកដល់ និងបានបុកកិនក្បាលជនរងគ្រោះឈ្មោះ ប៉ាត សីហា អូសចំងាយប្រមាណជិត៣០ម៉ែត្រ បណ្តាលអោយជនរងគ្រោះស្លាប់ភ្លាមមួយរំពេច។ ក្រោយពីកើតហេតុឈ្មោះវៀត ជាអ្នកបើកបរម៉ូតូ ដែលមិនរងគ្រោះបានទៅប្រាប់គ្រួសារសព ហើយគេចខ្លួនបាត់តែម្តង ដោយមិនបានប្រាប់ពីមូលហេតុ និងភិនភាគរថយន្តនោះឡើយ។
សមត្ថកិច្ចនិងក្រុមគ្រួសារសព និងអ្នកជិតខាងកំពុងមានការងឿងឆ្ងល់ថា ហេតុអ្វីក៍រថយន្តនោះបុកចំតែឈ្មោះ ប៉ាត សីហា ហើយឈ្មោះ វៀត មិនរងរបួស ចំណែកម៉ូតូក៍មិនបានត្រូវអ្វីដែរ ខណៈពួកគេកំពុងជិះម៉ូតូ១គ្រឿងជាមួយគ្នា ដែលគេសង្ស័យថា ជនរងគ្រោះបានធ្លាក់ពីលើម៉ូតូនៅពេលបត់ចូលផ្លូវសំគ្រួក្រហម ទើបត្រូវរថយន្តបុកកិបស្លាប់។ ដោយឡែកសពបុរសរងគ្រោះត្រូវបានម្តាយនិងបងប្អូនដឹកតាមរ៉ឺម៉កម៉ូតូទាំងយប់ យកទៅរៀបចំធ្វើបុណ្យតាមប្រពៃណី ចំណែករថយន្តបង្កបានបើកគេចខ្លួនបាត់។
សមត្ថកិច្ចកំពុងស្រាវជ្រាវរកឈ្មោះ វៀត ជាអ្នកបើម៉ូតូយកមកសាកសួរតាមនីតិវិធី ទើបដឹងពីមូលហេតុនៃគ្រោះថ្នាក់ចរាចរណ៍ខាងលើនេះច្បាស់លាស់៕ ( ឈៀង ថារិទ្ធ ) កំពង់ឆ្នាំង,០៧.០៨.២០១៤ ( រូបសុំពីមិត្តភ័ក្រ ) កម្មករទៅស៊ី ឈ្នួលនៅប្រទេសថៃផឹកសីុស្រវឹងឈានដល់ចាក់សំលាប់គ្នាយ៉ាងសាហាវស្លាប់ម្នាក់អ្នកចាក់ជាប់គុក បន្ទាយមានជ័យ៖ កម្មករសំណង់ម្នាក់ បានទៅធ្វើការនៅប្រទេសថៃ៣ខែ ត្រូវបានកម្មករខ្មែរដូចគ្នាចាប់សម្លាប់ដោយកាំបិតចិត្តបន្លែ ស្លាប់យ៉ាងអាណោចអធម ព្រោះតែទំនាស់ពាក្យសម្តីក្នុងពេលផឹកស៊ី ក្រោយសម្រាកពីការងារ ។ការចាក់សំលាប់គ្នារវាងកម្មករនោះកើតឡើងកាលពីល្ងាចថ្ងៃចន្ទ័ កន្លងទៅ ហើយនៅព្រឹកថ្ងៃទី០៦ ខែសីហា ឆ្នាំ២០១៤នេះ សពជនរងគ្រោះត្រូវបាន ស្ថានទូតកម្ពុជា និងអាជ្ញាធរថៃ បញ្ជូនមកស្រុកកំណើតវិញតាមច្រកប៉ោយប៉ែត ដើម្បីប្រគល់ជូនសាច់ ញាតិមកទទួលយកទៅធ្វើបុណ្យតាមប្រពៃណី។
មន្ត្រីការិយាល័យទំនាក់ទំនងព្រំដែនកម្ពុជា ថៃ បានឲ្យដឹងថា ជនរងគ្រោះមានឈ្មោះ អ៊ុំ ណារិទ្ធ ភេទប្រុស អាយុ៣៥ឆ្នាំ រស់នៅដ្ឋាន ភូមិដងរុន ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ បានទៅរកករងារធ្វើនៅប្រទេសថៃ ក្នុងខេត្តឈុនបូរី ។ សមត្ថកិច្ចបានបន្តថា មុនពេលកើតហេតុជនរងគ្រោះនិងដៃគូដែលជាជនជាតិខ្មែរដូចគ្នាមានទំនាស់ ពាក្យសម្តីពេលផឹកស៊ី បានចាក់សម្លាប់ កាលវេលាម៉ោង៤នាទីល្ងាច ថ្ងៃទី០៤ ខែសីហា ឆ្នាំ២០១៤ ។ ក្រោយធ្វើសកម្មភាព ជនល្មើសបានរត់គេចមិនបានប៉ុន្មាននាទីផងត្រូវបានសមត្ថកិច្ចថៃក្របួចបានសម្រេច ។ បច្ចុប្បន្នត្រូវបានសមត្ថកិច្ចថៃឃាត់ខ្លួននៅខេត្តឈុនបូរី ប្រទេសថៃ ដើម្បីសាកសួរនាំ និងមិនទាន់ដឹងអត្តសញ្ញាណ ភេទប្រុស អាយុប្រមាណជា២០ឆ្នាំ មានលំនៅភូមិឃុំជាមួយគ្នា ។គ្រាន់តែរឿងផឹកស៊ីទាស់ពាក្យសំដីគ្នាបន្តិចបន្ទួចសោះមិនអនុគ្រោះឲ្យឈានដល់ការសំលាប់គ្នាយ៉ាងសាហាវ លុះចូលដេកក្នុងគុកទើបស្រក់ទឹកភ្នែក។ 
