ភ្នំពេញ ៖ តាមរយៈ ដំណើរទស្សនកិច្ចការងាររបស់គណៈប្រតិភូគណៈកម្មាធិការជនជាតិ វៀតណាម នៅកម្ពុជា និងជួយជម្រុញថែមទៀតនូវកិច្ច សហប្រតិបត្ដិការ រវាងប្រទេសទាំង ពីរកម្ពុជា វៀតណាម ឲ្យកាន់តែប្រសើរឡើង ពិសេសវិស័យវប្បធម៌ ទេសចរណ៍ ពាណិជ្ជ កម្ម និង
ឧស្សាហកម្ម នេះបើតាមការបញ្ជាក់ឲ្យដឹងពីលោកស្រីម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ច ក្នុងឪកាសទទួលជូបសម្ដែងការគូរសមជាមួយលោក ហ័ងហ្ស៊ួន លឿង (Hoang Xuan Luong )អនុរដ្ឋមន្ដ្រី និងជាអនុប្រធានគណៈកម្មាធិការជនជាតិ នៃសាធារណរដ្ឋសង្គមនិយមវៀតណាម កាលព្រឹកថ្ងៃទី១៣ ខែសីហា ឆ្នាំ២០១៤ នៅទីស្ដីការក្រសួង ។ 
លោកស្រីម៉ែន សំអន បានសម្តែងនូវការសាទរចំពោះ ចំណងសាមគ្គីភាព មិត្ដភាព ទំនាក់ទំនងរវាងកម្ពុជា វៀតណាម ដ៍ល្អជាមួយគ្នាតាំងយូរយាណាស់មកហើយ មិនតែប៉ុណ្ណោះ តាមរយៈដំណើរទស្សនកិច្ចផ្លាស់ប្ដូរបទពិសោធន៍ របស់គណៈប្រតិភូគណៈកម្មាធិការជនជាតិ នៃសាធារណរដ្ឋសង្គមនិយមវៀតណាមនៅកម្ពុជានាពេលនេះនិងបានបង្ហាញ ឲ្យឃើញពីការរឹតចំណងសាមគ្គីភាព មិត្ដភាពដែលមិនអាចកាត់ថ្លៃបាន។លោកស្រីបន្ដថា៖ ក្នុងដំណើរទស្សនកិច្ចនេះផងដែរ និងបង្កើនកិច្ចសហប្រតិបត្ដិការ កាន់តែល្អថែមទៀត ពិសេសវិស័យវប្បធម៌ ទេសចរណ៍ អ្នកវិនិយោគទុន កសិកម្ម ឧស្សាហកម្ម និងពាណិជ្ជកម្ម មិនតែប៉ុណ្ណោះនិងបានផ្ដល់ទំនុកចិត្ដដល់អ្នកវិនិយោគទុន វៀតណាមជាច្រើនឲ្យមកធ្វើការវិនិយោគនៅកម្ពុជាមិនមានការព្រួយបារម្មណ៍អ្វីទាំងអស់ ដោយសារវិស័យនយោបាយរវាងប្រទេសទាំងពីមានទំនាក់ទំនងល្អជាមួយគ្នានេះ ។ 
លោកស្រីបញ្ជាក់ទៀតថា៖ កម្ពុជា វៀតណាម នូវតែរក្សាចំណងសាមគ្គីភាពដោយប្រកាន់ភ្ជាប់នូវ បងប្អូនតែមួយ ប្រជាជនតែមួយ និងសហគមន៍តែមួយ កម្ពុជាបានប្រកាន់ភ្ជាប់នូវ យុទ្ធសាស្ដ្រការប្រមូលផ្ដុំ ការគៀងគរ និងការបង្រួបបង្រួមជាតិ នេះគឺជាចំណុចខ្លាំង ដែល រាជរដ្ឋាភិបាលកម្ពុជា មិនអាចបោះបង់ចោលបានទេ ។ ដោយមើលឃើញបែបនេះទើបធ្វើឲ្យប្រជាជន ក៍ដូចអ្នកវិនិយោកទុនវៀតណាម តែងតែសហប្រតិបត្តិការជាមួយកម្ពុជា បានល្អលើគ្រប់វិស័យ ។នេះជាជោគជ័យដ៏ធំធេងក្នុងការអភិវឌ្ឍ សេដ្ឋកិច្ច ពាណិជ្ជកម្ម កសិកម្ម ឧស្សាហកម្ម ទេសចរណ៍ និងវប្បធម៌ ជាមួយគ្នាបានល្អយូរអង្វែង ។
ការទំនាក់ទំនងជាមួយគ្នាដ៍ល្អនេះហើយដែលធ្វើឲ្យសហគមន៍អន្ដរជាតិ មានទំនុកចិត្ដបានមកបណ្ដាក់ទុនរកស៊ីនៅកម្ពុជា ពីមួយថ្ងៃទៅមួយថ្ងៃកាន់តែច្រើនឡើង ឥតឈប់ឈរ ។ លោកស្រីក៏បានអគុណចំពោះប្រតិភូគណៈកម្មាធិការជនជាតិ នៃសាធារណរដ្ឋសង្គមនិយមវៀតណាម ដែលបានមកបំពេញទស្សនកិច្ចនៅកម្ពុជា ក្នុងគោលបំណងផ្លាស់ ប្ដូរបទពិសោធន៍ និងបង្កើនការទំនាក់ទំនង ឲ្យកាន់តែល្អ រវាងកម្ពុជា និងវៀតណាមទាំង ពេលបច្ចុប្បន្ន និងទៅថ្ងៃអនាគត ។ មិនតែប៉ុណ្ណោះដើម្បីពង្រឹងពង្រីកចំណងសាមគ្គីភាពនិង កិច្ចសហប្រតិបត្តិការរវាងប្រជាជន នៃប្រទេសទាំងពីរក្នុងការទំនាក់ទំនងលើវិស័យវប្បធម៌ ក៏ដូចជាបង្កើនការវិនិយោគក្នុងប្រទេសកម្ពុជាដែលផ្ដោតសំខាន់លើការងារ បណ្តុះ បណ្តាលធនធានមនុស្ស ការផ្លាស់ប្ដូរបទពិសោធន៍អធិការកិច្ច រវាងប្រទេសទាំងពីរបានល្អជាមួយគ្នា មិនតែប៉ុណ្ណោះប្រទេសវៀតណាម ក៍បានផ្ដល់ជំនួយឥតសំណង ជាច្រើនដល់កម្ពុជាផងដែរ ។ 
លោកហ័ងហ្ស៊ួន លឿង (Hoang Xuan Luong )អនុរដ្ឋមន្ដ្រី និងជាអនុប្រធានគណៈកម្មាធិការជនជាតិវៀតណាម ក៏បានថ្លែងនូវការកោតសរសើរចំពោះភាពរីកចម្រើនរបស់កម្ពុជាដែលបាន និងកំពុងអភិវឌ្ឍន៍យ៉ាងឆាប់រហ័សធ្វើ ឲ្យប្រជាជន មានជីវភាពធូរធារ ពិសេសមានសុខ សន្តិភាព សណ្ដាប់ធ្នាប់ល្អ ។ នេះជាការខិតខំប្រឹងប្រែង របស់ប្រមុខដឹកនាំដែល មានភាពឆ្លាតវៃ គឺសម្តេចអគ្គមហាសេនាបតី តេជោ ហ៊ុន សែនជានាយករដ្ឋមន្ត្រីតែម្តង ទើបកម្ពុជាមានការរីកចម្រើនបែបនេះ។ លោកបន្តថា៖វៀតណាម និងកម្ពុជា តែងតែមានទំនាក់ទំនងដ៍ល្អជាមួយគ្នាលើគ្រប់វិស័យហើយ លោកនឹងជំរុញឲ្យអ្នកវិនិយោគទុនវៀតណាម មកបណ្តាក់ទុនរកស៊ីនៅកម្ពុ ឲ្យកាន់តែច្រើនឡើងថែមទៀតលើ
គ្រប់វិស័យ ក្នុងនោះមាន វិស័យកសិកម្ម ឧស្សាហកម្ម ពាណជ្ជកម្ម វប្បធម៌ និងទេសចរណ៍ ត្រូវអនុវត្តមុនគេនិងជួយបន្តបណ្តុះបណ្តាលធនធានមនុស្សនៅកម្ពុជា។ជាមួយគ្នានេះលោកស្រីម៉ែន សំអន ក៏បានបង្ហាញពីការគិតគូរ របស់រាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែនជានាយករដ្ឋមន្ត្រីចំពោះអ្នកវិនិយោគិន វៀតណាមក៏ដូចគ្រប់អ្នកវិយោគទាំងអស់ ក្នុងប្រទេសកម្ពុជា ដោយធានាផ្នែប្រព័ន្ធច្បាប់ និងសន្តិសុខ សុវត្ថិភាព ជូនដល់ពួកគេផងដែរ ៕ ដោយ៖ សំរិត
