រតនគិរីៈ បន្ទាប់ពីបានដំណើរការសិក្សារៀនសូត្ររយៈពេល១៨ថ្ងៃ វគ្គហ្វឹកហ្វឺនបំប៉ននាយទាហានរយៈពេលខ្លីឆមាសទី២ ឆ្នាំ២០១៤ ត្រូវបានប្រារព្ធបិទនៅរសៀលថ្ងៃទី១៣ ខែសីហា ឆ្នាម២០១៤។
ក្រោមការអញ្ជើញចូលរួមពីសំណាក់លោកឧត្តមសេនីយ៍ត្រី ខាំ ស៊ុក មេបញ្ជាការមូលដ្ឋានតំបន់ប្រតិបត្តិការសឹករងរតនគិរី។ តាមរបាយការណ៍របសគណៈគ្រប់គ្រងវគ្គអោយដឹងថា តំបន់ប្រតិបត្តិការសឹករងរតនគិរីរៀបចំបើកវគ្គឹកហ្វឹកហ្វឺនបំប៉ននាយទាហានរយៈពេលខ្លីនេះឡើង គឺអនុវត្តតាមផែនការមេបញ្ជាការរងកងទ័ពជើងគោក មេបញ្ជាការយោធភូមិភាគ១ និងផែនការហ្វឹកហ្វឺនប្រចាំឆ្នាំរបស់យោធភូមិភាគទី១ ក៏ដូចជាទិសដៅផែនការហ្វឹកហ្វឺនប្រចាំឆ្នាំ២០១៤ របស់មូលដ្ឋានតំបន់ប្រតិបត្តិការសឹករងរតនគិរី ក្នុងគោលបំណងអោយនាយទាហានបង្កើនសមត្ថភាព មានចំណេះដឹងធ្វើ ពង្រឹងវិន័យថ្លៃថ្នូមានសីលធម៌ ស្អាតស្អំអត្តចរិកស្លូតបូត មានឧត្តមគតិស្នេហាជាតិ ព្រមទាំងរក្សាបាននូវតំលៃគិត្តិយសរបស់កងយោធពលខេមរៈភូមិន្ទ។ ក្នុងរបាយការណ៍វគ្គបានលើឡើងពីចំណុចខ្លាំងដែលក្នុងរយៈពេលសិក្សា១៨ថ្ងៃ សិក្ខាកាមមានការយល់ដឹងរួមជាមធ្យម៩៧%។
ក្នុងពិធីនេះក៏មានប្រគល់ប័ណ្ណសរសើរ លិខិតសរសើរ ដល់នាយទាហានជាកម្មសិក្សាការីក្នុងនោះកម្មសិក្សាការី២៤នាក់ ទទួលបានប័ណ្ណសរសើ និង១៩នាក់ទទួលបានលិខិតសរសើរ និងពាក់ឋាន្តរសក្តិថ្នាក់ព្រិន្ទបាលឯក៣៥នាក់ ព្រិន្ទបាលទោ១៦នាក់ផងដែរ។ បន្ទាប់ពីតំណាងកាមសិក្សាការីឡើងធ្វើការប្តេជ្ញាចិត្ត ថាខិតខំប្រឹងប្រែងទាំងកំលាំងកាយ កំលាងចិត្ត ពុះពាលរាល់ឧបស័គ្គដើម្បីជាតិ ការពារបូរណភាពទឹកដី។
លោកឧត្តសេនីយ៍ត្រីខាំ ស៊ុក បានមានប្រសាសន៍ផ្តាំផ្ញើរដល់នាយទាហានជាសិក្ខាកាមទាំងអស់ ត្រូវយកចំណេះដឹងដែលទទួលបានពីវគ្គហ្វឹកហ្វឺននេះទៅអនុវត្តក្នុងអង្គភាពរបស់ខ្លួនធ្វើជាគំរូដល់ថ្នាក់ក្រោម គោរពអោយបានម៉ឺងម៉ាត់រាល់ច្បាប់ផែនការ និងបទបញ្ជារបស់មេបញ្ជាការអោយបានល្អពិសេសវិន័យសណ្តាប់ធ្នាប់របៀបរបបធ្វើការដែលថ្នាក់លើប្រគល់ជូន។ ត្រូវយកចិត្តទុកដាក់សហការជាមួយកម្លាំងមានសមត្ថកិច្ច អាជ្ញាធរដែនដី ដើម្បីចូលរួមអនវត្តគោលនយោបាយភូមិឃុំ មានសុវត្ថិភាពរបស់រាជរដ្ឋាភិបាលអោយមានប្រសិទ្ធិភាពព្រមទាំងយកចិត្តទុកដាក់សាមគ្គីភាពផ្ទៃក្នុងជាមួយមហាជន ចុះជួយប្រជាពលរដ្ឋមានទុក្ខលំបាក ខិតខំកសាងអង្គភាពជំរុញការងារប្រឡងប្រណាំងបង្កបង្កើនផលចិញ្ជឹមសត្វ ដើម្បីបំពេញបន្ថែមលើគោលរបបដែលថ្នាក់លើផ្តល់ជូន៕
