អារ៉ាប៊ីសាអ៊ូឌីត ៖ អារ៉ាប៊ីសាអ៊ូឌីត ត្រូវគេស្គាល់ច្បាស់ថា ជាប្រទេសសំបូរប្រេង ប៉ុន្តែសម្រាប់វាលខ្សាច់ ប៊ូរ៉ៃដាស់ (Buraidah) វិញ អ្នកផលិតអំបិលចាស់ៗ នៅតែប្រមូលអំបិលធម្មជាតិដោយដៃនៅឡើយ នៅអ្វីដែលគេចាត់ទុកថា ជាអំបិលស្រស់បំផុតនៅក្នុងព្រះរាជាណាចក្រនេះ ។
លោក សាឡេស ចាន់ដាល់ អ្នកផលិតអំបិលបាននិយាយថានៅពេលដែលភ្លៀងធ្លាក់ លោកស្ថិតនៅក្នុងផ្ទះ ហើយនៅពេលដីស្ងួតលោកបានទៅកន្លែងធ្វើការ ដើម្បីប្រមូលអំបិល ពោលគឺលោកបានប្រមូលវាដាក់ជាគំនរ ដើម្បីលក់ឱ្យអតិថិជន ។
អំបិលទាំងនេះ ក្នុងមួយថង់ ៤ ដុល្លារ ហើយក្នុងមួយថ្ងៃ លោក អាល់ ចាន់ដាល់ អាចរកប្រាក់បាន ២០០ ដុល្លារអាមេរិក ដោយការលក់អំបិលរបស់លោក ។
លោក អាល់ ចាន់ដាល់បន្តទៀតថា គុណភាពអំបិលប្រែប្រួល ក៏អាស្រ័យលើស្ថានភាពអាកាសធាតុដែរ ពោលគឺប្រសិនបើមេឃទើបភ្លៀងធ្លាក់ថ្មីៗ អាអាចឱ្យអំបិលល្អ ហើយបើភ្លៀងធ្លាក់ញឹកញាប់អំបិលកាន់តែល្អឡើង ឬ កាន់តែសុទ្ធជាងមុន ៕
