សៀមរាប ៖ ហេតុការណ៍ខាងលើនេះបានផ្ញាក់ផ្អើលឡើងកាលពីវេលាម៉ោង១១ថ្ងៃត្រង់ទី១៦ខែសីហាឆ្នាំ២០១៤នេះនៅត្រង់ចំណុចតាមបណ្តោយផ្លូវលោកតាណឺយស្ថិតនៅក្នុងភូមិបន្ទាយចាស់ សង្កាត់ស្លក្រាមក្រុងសៀមរាប ។ ប្រជាពលរដ្ឋនិងសមត្ថកិច្ចបានបញ្ជាក់ថាបុរសដែលស្លាប់នៅលើផ្ទះថ្មដែលគេទុកចោលនេះជាបុរសដែលគេស្គាល់ថាជាជនវិកល់ចរិកដែលតែងតែដើរនៅម្តុំផ្លូវលោកតាណឺយនិងផ្សារលើហើយតែងតែចូលមកដេកក្នុងផ្ទះនេះជាប្រចាំតែម្នាក់ឯង ព្រោះផ្ទះនេះគ្មាននាក់នៅ ។
ប្រពភព័ត៍មានបានបន្តឲ្យដឹងទៀតថាជនវិកល់ចរិកភេទប្រុសដែលស្លាប់នេះគឺស្លាប់ដោយសារខ្យល់គរ ឫ ក៏សា្លប់ដោយសារតែការអស់កំលាំងខ្លាំងពេកទើបដេកស្លាប់តែម្តងព្រោះសមត្ថកិច្ចជំនាញបានធ្វើកោសលវិច័យរួចឃើញថាសពនេះគ្មានស្លាកស្នាមទាក់ទងនិងករណីបទល្មើសនោះទេ ៕ លោក ខេង ខេមរា
